ဘလော့ဒေးအမှတ်တရ

(ပုံကိုgoogleမှယူပါသည်)
ဘလော့ဒေးအမှတ်တရအတွက် သတိတရတဂ်တဲ့ ချစ်သူငယ်ချင်းနတ်သမီးလေးနဲ့ ချစ်ညီမလေးရို့စ်တို့ကိုအထူးဘဲကျေးဇူးတင်ပါတယ်….
သူများတွေရေးထားတာကိုလိုက်ဖတ်လိုက်တော့ ရေးရမှာတကယ်ဘဲလက်တွန့်မိပါတယ်… ကျမက သူများလိုမှတ်ဥာဏ်အားမကောင်းတဲ့အပြင် ဘလော့လည်အားလဲမကောင်းပါဘူး… ကော်မန့်လေးတိုင်းကို ပြန်ချင်ပေမဲ့ တခါတလေ အားလုံးကိုခြုံပြီးတော့ဘဲ ကျေးဇူးတင်ကြောင်းပြောရချိန်တွေလဲ မနည်းပါဘူး… အဲလောက်လူမှုရေးပိုင်းမှာအားနည်းတဲ့ကျမဘလော့လေးကို လာလည်ကြတဲ့ ဘလော့ဂါမောင်နှမများနဲ့ ဘလော့မိတ်ဆွေ(ဘလော့လည်စာလာဖတ်သူ၊ကော်မန့်ရေးသွား၊စီဘောက်မှာနှုတ်ဆက်သွားကြတဲ့ အနောနီးမတ်စ်များ)များအားလုံးကိုလည်း အထူးကျေးဇူးတင်ကြောင်း ဘလော့ဒေးအမှတ်တရအနေနဲ့ပြောပါရစေ….
ကျမဘလော့လေးကိုစရေးဖို့အကြောင်းဖန်လာတာကတော့ ကျမဘဝမှာအလွန်အရေးပါတဲ့ ကျမယောက္ခထီးကြောင့် အများကြီးပါပါတယ်…. သူ့ရဲ့ကျမတို့အိမ်ထောင်ရေးအပေါ်စွက်ဖက်လွန်းမှုတွေ၊ သြဇာပြလွန်းမှုတွေကို မခံမရပ်နိုင်ဖြစ်တာတွေကို ကျမရဲ့ မိဘတွေစိတ်ဆင်းရဲမှာစိုးလို့ ရင်မဖွင့်ရက်တာကြောင့် ဘလော့လေးဖွင့်ပြီး ဒိုင်ယာရီဆန်ဆန်ရေးဖြစ်မိတာက စတာပါ… ဒီလိုနဲ့ စိတ်တွေသိပ်မွန်းကျပ်လာလွန်းရင် ဘလော့လေးပေါ်မှာ ရင်ဖွင့်လိုက်၊ စိတ်ပြေသွားရင် ဒီလိလုပ်လိုက်နဲ့ ဟောင်းလောင်းဖြစ်သွားရင် ခလေးတွေဓာတ်ပုံလေးတွေတင်ပြီးကလိလိုက်နဲ့ နေနေရင်း တချို့ဘလော့တွေလိုက်ဖတ်ကော်မန့်ပေးမိတယ်… တနေ့မှာ အမေရိကားရောက်ခါစဘလောဂါညီမငယ်တစ်ယောက်က ဓာတ်ပုံအောက်မှာ ကော်မန့်ရေးသွားတာတွေ့လိုက်တဲ့အခါ အံ့သြသွားမိပါတယ်… နောက်တခြားနာမည်ကြီးဘလော့ဂါတချို့ပါလာလည်ပြီးကော်မန့်ရေးသွားကြတဲ့အခါ လာလည်တဲ့သူတွေကို အားနာပြီး သူများလာလည်ရင် ဖတ်စရာလေးရှိအောင်ရေးဦးမှဘဲလို့ စိတ်ကူးမိပြီး အဲဒီကစလို့ ဘလော့ပို့စ်လေးတွေ စရေးဖြစ်သွားပါတယ်… သိပ်personal ဆန်တဲ့ပို့စ်တွေကို deleteလုပ်ပစ်လိုက်ရတာတွေလည်းရှိပါတယ်…
အဲဒီကစပြီး ဘလော့လောကလေးမှာကျင်လည်နေတာ ယနေ့ထက်ထိတိုင်ပါဘဲ…ရည်ရွယ်ပြီးရေးခဲ့တာမဟုတ်တာကြောင့် ဘလော့မွေးနေ့ဆိုတာမျိုးတွေလဲ ကျမ မလုပ်ဖြစ်သလို ဘယ်သူတွေ ဘယ်ကလာလို့ ဘယ်နှစ်ယောက်လာလည်သွားတာမျိုး record တွေလည်းကျမမှာမရှိပါဘူး… စီဘောက်တောင်မှ ဘလော့ဂါတစ်ယောက်က ထားခိုင်းလို့ထားလိုက်တာပါ…
ကျမဘလော့မှာ ပို့စ်လဲခပ်စိပ်စိပ်မတင်နိုင်ပါဘူး… ခင်ပွန်းတာဝန်၊ခလေးနှစ်ယောက်တာဝန်တွေကြားမှာ ရေးချင်သလောက်မရေးနိုင်ခဲ့ပါဘူး… အဲလိုကျမရဲ့ဘလော့လေးကိုဘဲ လာလည်ကြကော်မန့်ရေးသွားကြတဲ့ ဘလော့ဂါမောင်နှမများ၊ဘလော့လည်စာဖတ်သူများအားလုံးကို အသိအမှတ်ပြု အထူးဘဲကျေးဇူးတင်ပါတယ်
ကျမဘလော့လေးသက်တမ်း၃နှစ်ပြည့်ခါနီး အခုချိန်မှာ ညီအစ်မလိုချစ်ရတဲ့ ဘလော့ဂါတွေလည်းရှိသလို အစ်ကိုတွေမောင်တွေလိုခင်ရတဲ့ ဘလော့ဂါတချို့လည်းရှိပါတယ်… အပြင်မှာဆုံဖူးပြီးသားသူတချို့ရှိသလို ဆုံဖူးချင်သူများလည်းရှိနေပါသေးတယ်… ဒါ့အပြင် ဘလော့ဂါသူငယ်ချင်းချင်းအပြင်မှာဆုံဖြစ်ပြီး ငယ်ပေါင်းတွေလို ပြောမနာဆိုမနာအရမ်းရင်းနှီးသွားရတဲ့ ဘလော့ဂါတစ်ချို့လည်းရှိပါတယ်… အဲဒီအတွက် ဘလော့ဆိုတာလေးဖြစ်တည်လာဘို့ ဖန်တီးခဲ့ကြသူများကိုလည်းအရမ်းကျေးဇူးတင်မိပါတယ်…
ယောက္ခထီးကိုမကျေနပ်လို့ဘလော့စရေးမိပေမဲ့ အခုချိန်မှာ ကျမရဲ့ယောက္ခထီးနဲ့ကျမလည်း နားလည်မှုရနေပါပြီ… ဒီအတွက်လည်း ဘလော့လေးရှိနေခြင်းအပေါ်ကျေးဇူးတင်မိနေပါတယ်… ဘလော့လေးသာမရှိခဲ့ရင် ကျမမှာတခြားထွက်ပေါက်မရှိဘဲ အိမ်ထောင်ရေးလဲထိခိုက်နိုင်ပါတယ်…ဒီအတွက် ဘလော့ဒေးဖြစ်ပေါ်လာခြင်းအပေါ်အရမ်းကိုကြည်နူးဝမ်းသာကြောင်း မှတ်တမ်းတင်ရင်း ကျမရဲ့ဘလော့ဒေးတဂ်ပို့စ်လေးကို အဆုံးသတ်ပါရစေရှင်…..
(သူငယ်ချင်းနတ်သမီးလေးနဲ့ညီမရို့စ်တို့ရေ… ဒို့ဒိထက်ပိုပြီးမရေးတတ်တော့ဘူးကွယ်)

အမိမြေသို့အပြန်( အပိုင်း၁)

တစ်လအလိုလောက်ထဲကကြိုတင်ပြင်ဆင်ထားတဲ့အိတ်တွေသယ်ပြီးလေဆိပ်ဆင်းရုံပါဘဲ… အားလုံးအဆင်သင့်ကြိုတင်ပြင်ဆင်ထားရက်နဲ့ သွားခါနီးမှ ဖိနပ်စီးနေတုန်း လက်ထဲကအိုင်ပတ်ချာ့ဂျာကကျန်နေခဲ့တာ ကားထွက်ပြီးမှ သတိရလို့ ပြန်လှည့်မယူတော့ဘူး… ရန်ကုန်မှာဝယ်လို့ရမယ်လို့ထင်တယ်… လေဆိပ်ရောက်တော့လဲအေးအေးဆေးဆေးပါဘဲ ၂နာရီ၁၅မိနစ်လောက်စောရောက်နေတော့ ကောင်တာတောင်အဆင်သင့်မဖြစ်သေးဘူး… အရှေ့မှာကိုယ့်ထက်စောရောက်နေတဲ့သူသုံးယောက်လောက်တန်းစီနေကြတယ်… ကိုယ့်အလှည့်ရောက်တော့ အခါတိုင်းလိုအေးဆေးဘဲထင်ထားတာ သမီးလေးပတ်စပို့က သက်တမ်း၆လမကျန်လို့တဲ့ ခဏစောင့်ပါဆိုပြီး ကောင်တာကအမျိုးသမီးက သူ့အထက်လူကြီးကိုသွားမေးတယ်… သူတို့ကပြောတယ်… မြန်မာဘက်ကိုဝင်ရင် ပြသနာတက်လိမ့်မယ်တဲ့… သက်တမ်း၆လမရှိရင် သူတို့နိုင်ငံထဲပေးမဝင်ဘူးတဲ့… ဒါနဲ့ကျမကလဲပြောပြရတယ်… ငါကမြန်မာပါ… ဟိုဘက်ကအပိုင်းကို ငါ့ဟာငါရှင်းနိုင်တယ်… boarding passဘဲပေးပါလို့… သူတို့တွေလဲခေါင်းချင်းဆိုင်သွားတယ်… ခဏနေတော့ ရာထူးပိုကြီးပုံရတဲ့အမျိုးသမီးကထွက်လာပြီး နင်တာဝန်ယူတယ်ဆိုရင် လက်မှတ်ထိုးသွားပါတဲ့… ပြသနာဖြစ်လာရင် သူတို့အဲလိုင်းနဲ့မဆိုင်ပါဘူး… ကိုယ့်ဟာကိုယ်တာဝန်ယူပါ့မယ်ဆိုတာလက်မှတ်ထိုးခဲ့ရပါတယ်… အဲဒီအမျိုးသမီးကပြောသေးတယ်… ဗီယက်နမ်ဆိုရင် တလသက်တမ်းကျန်သေးရင်တောင် အဝင်လက်ခံတယ်တဲ့ (ဒါဟဲ့ ဒို့ဗမာ.. ပေါ့သေးသေးတော့မဟုတ်ဘူး…အဝင်ထဲကခြောက်ထားတာ)
ဗီယက်နမ်အင်မီဂရေးရှင်းကတော့ အဝင်လွယ်သလို အထွက်လဲလွယ်ပါတယ်… စာအုပ်ထဲက အဝင်တုံးကိုရှာပြီး အဲဒီဘေးမှာ အထွက်တုံးလေးထုပေးလိုက်တာပါဘဲ … ဘာစကားမှပြောစရာမလိုပါဘူး… သူ့နိုင်ငံကနေပြန်ထွက်ရင် ဒေါ်လာ၅၀၀၀ထက်ပိုယူသွားခွင့်မရှိဘူး( အရင်ကဒေါ်လာ၇၀၀၀) ဆိုပေမဲ့ အိတ်တွေသေချာဖွင့်ခိုင်းပြီးစစ်တာမျိုးတော့မရှိပါဘူး….

လေယာဉ်စောင့်နေချိန်မှာမြန်မာသုံးလေးယောက်လောက်တွေ့ပေမဲ့ ကျမတို့သားအမိတွေ မြန်မာစကားပြောနေသံကြားတော့ ကျမတို့နားကထထွက်သွားကြတဲ့အခါ ကျမလဲ မသိချင်ယောင်ဘဲဆောင်နေလိုက်ပါတော့တယ်… အရင်ကဆို မြန်မာစကားသံကြားရင် မြန်မာလားဟင်လို့မေးပြီး ဖုန်းနံပါတ်ပေး မိတ်ဆက်တတ်ပေမဲ့ အခုနောက်ပိုင်းတော့ မြန်မာချင်းအပေါင်းအသင်းမလုပ်ချင်သူတချို့နဲ့ ဆုံပြီးတဲ့နောက်ပိုင်း သူများကရှောင်တယ်လို့ခံစားမိရင် ကိုယ်လည်း မသိသလိုနေတတ်လာပါပြီ…
လေယာဉ်ကစထွက်ပြီးသိပ်မကြာခင် တိမ်တွေဖြတ်တဲ့အခါ လေယာဉ်ခါတာအရမ်းဘဲ… ခဏနေတော့ လေယာဉ်မှုးကကြေငြာတယ်… မမျှော်လင့်ထားတဲ့ စက်ချို့ယွင်းမှုဖြစ်နေတာတဲ့…ဘုရားဘုရားလို့ ဘုရားတနေတုန်း ရင်ထဲမှာလှိုက်ခနဲဖြစ်ပြီး လေယာဉ်အောက်ကိုဒုန်းခနဲထိုးကျသွားတာခံစားလိုက်ရတယ်… သားလေးကအိပ်နေလို့မသိလိုက်ပေမဲ့ သမီးလေးခမျာကြောက်ပြီး လက်ဖျားတွေချက်ချင်းအေးခဲသွားတာ သနားလိုက်တာ….
(ဆက်ပါဦးမည်)

နှုတ်ဆက်

ဒီနေ့ ရန်ကုန်ပြန်ရတော့မယ်... လွဲချော်မှုတွေက လွတ်မြောက်ပြီး ကိုယ်မျှော်လင့်စောင့်စားခဲ့တဲ့ အချိန်ကို ရောက်လာပါပြီ... အိမ်မှာစောင့်ကြိုနေမဲ့ အမေ... လေဆိပ်လာကြိုမဲ့ မောင်နှမတွေနဲ့ တူ၊တူမတွေ နဲ့ တွေ့ရတော့မယ်... ခလေးတွေလဲအရမ်းပျော်... ကိုယ်လဲစိတ်တွေလှုပ်ရှားနေတယ်... မနက်ဖြန်မှာသူငယ်ချင်းတစ်ယောက်ရဲ့မွေးနေ့ရှိတယ်... ပြီးတော့ သူငယ်ချင်းမိသားစုတွေနဲ့ စိမ်းလဲ့တင်ဆိုတဲ့နေရာကို နှစ်ညအိပ်သွားလည်မယ်... ခလေးတွေကို ကစားကွင်းတွေပို့မယ်... အမျိုးတွေအိမ် လျှောက်လည်မယ်... သူတို့ကျွေးတာစားမယ်... ဘလော့ဂါသူငယ်ချင်းတစ်ချို့နဲ့တွေ့မယ်... တနင်္ဂနွေနေ့မှာ ဘုရားကျောင်းတက်မယ်... Sunday School တက်တုန်းက သူငယ်ချင်းတွေနဲ့ ပြန်ဆုံမယ်... အို...တွေးရင်းနဲ့ပျော်လိုက်တာလေ...
ဘလော့နဲ့တော့ ခဏကင်းကွာနေမယ်... ဗီယက်နမ်ပြန်ရောက်မှဘဲ ပြန်ပြီးဘလော့လည်နိုင်မှာမို့ ဘလော့မိတ်ဆွေတွေကို ၂၅ရက်စာနှုတ်ဆက်လိုက်ပါတယ်နော်...
အားလုံးပျော်ရွှင်ချမ်းမြေ့ကြပါစေ...

အိုဘယ့် ယောက္ခထီး

ရန်ကုန်ပြန်ဖို့အားလုံးအဆင်သင့်ပါဘဲ… လေယာဉ်ကလဲ အရင်လို ဘန်ကောက်ကနေတဆင့် ပြောင်းစီးစရာမလိုတော့ဘူး… ဗီယက်နမ်လေကြောင်းလိုင်းက ၂၀၁၀ အောက်တိုဘာကစပြီး ဟိုချီမင်းကနေ ရန်ကုန်ကို တိုက်ရိုက်ပြေးဆွဲနေပြီမို့ ခလေးတွေလဲ ခရီးမပန်းတော့ဘူးပေါ့… ခလေးတွေအတွက်ဗီဇာလဲရပြီ… ကိုယ့်အတွက် မှီခိုထောက်ခံစာလဲရပြီ…. အားလုံးကအဆင်သင့်… အထုတ်တွေလဲပြင်ပြီးပြီ… ခလေးတွေလဲ မောင်နှမတဝမ်းကွဲတွေနဲ့တွေ့ရတော့မှာမို့ အရမ်းပျော်နေကြပြီ… ကျမကိုယ်တိုင်က ကျေးဇူးရှင်ဖခင်မရှိတော့လို့ စိတ်မကောင်းဖြစ်ရပေမဲ့ မိခင်ဖြစ်သူနဲ့တွေ့ရမှာမို့ ဝမ်းသာမိသလို အစ်ကို၊အစ်မနဲ့ ညီမတွေမိသားစု အားလုံးနဲ့ တရုံးရုံး ဖြစ်ကြရဦးမှာတွေးပြီး ပျော်နေတာ ညတောင် တော်တော်နဲ့အိပ်မရ…

……………………………………………………..

အဲဒီအပေါ်ကစာပိုဒ်လေးကို ဇွန်လတတိယပတ်လောက်ကရေးခဲ့ပါတယ်… ဘလော့ပို့စ်တင်ဘို့ရည်ရွယ်ပြီးရေးတာပါ…ဒါပေမဲ့ ခလေးတွေကျောင်းပိတ်ခါနီးမို့ ရန်ကုန်ပြန်လက်ဆောင်တွေ သူတို့ကျောင်းသွားတုန်း အဝယ်ထွက်.. ကျောင်းဆင်းချိန်နားနီးရင် အိမ်ပြန် အထုတ်တွေချ ခလေးတွေကျောင်းသွားကြိုနဲ့ ပို့စ်လေးက တင်တဲ့ဆီမရောက် ဆက်မရေးဖြစ်ဘဲ ဒီတပိုဒ်နဲ့တင်တန့်နေခဲ့တာ… ခလေးတွေကျောင်းပိတ်သွားရင် အခုလို ဈေးဝယ်ထွက်ချိန်မရနိုင်တော့တာမို့ အချိန်ရှိခိုက် လုံ့လစိုက်ပြီး တနေ့တနေ့ ဈေးဝယ်ထွက်တာနဲ့တင် အချိန်တွေ ကုန်မှန်းမသိကုန်သွားတာ…
ကျမရဲ့အကျင့်ကိုက ဘာမဆို အနီးကပ်မှ ဝုန်းဒိုင်းကြဲလုပ်ရတာကို မကြိုက်ဘူး… အစိုးရိမ်ကြီးတတ်တာလဲတကြောင်းမို့ ဘာလုပ်လုပ် အမြဲ သေချာအောင်စီစဉ်လေ့ရှိတယ်… အခုလဲ ရန်ကုန်ပြန်ဘို့ကို လေယာဉ်လက်မှတ်လဲ တလစောဝယ်… ခလေးတွေအတွက်ဗီဇာနဲ့ ကိုယ့်အတွက် မှီခိုနဲ့နေထိုင်ကြောင်းထောက်ခံစာတွေ သုံးပတ်စောယူ.. လက်ဆောင်တွေလဲဝယ်အပြီး.. luggageတွေလဲ နှစ်ပတ်အလိုထဲက အဆင်သင့်ပြင်ဆင်ပြီးသား… ၇ရက်နေ့မှ လေဆိပ်တန်းဆင်းယုံ အဆင်သင့်ပြင်ဆင်ပြီးခါမှ တပတ်အလိုမှာ ယောက္ခထီးဆီက အီးမေးလ်ဝင်လာတယ်… သူဗီယက်နမ်လာလည်မဲ့အကြောင်း အကြောင်းကြားတာ…


………………………………………………….

ယောက္ခမရိုသေအသက်ရှည်… ယောက္ခမရှိခိုးသွားမကျိုးတဲ့… အရာရာသူစိတ်ကူးပေါက်ရာ သူ့သဘောချည်း ဖြစ်စေချင်တဲ့ ကျမရဲ့ယောက္ခထီးကို ဆန့်ကျင်လိုက်ချင်စိတ်တွေ ရင်ထဲမှာတဖွားဖွား… ဒါပေမဲ့ ချစ်ခင်ပွန်းရဲ့တောင်းပန်ကြည့်တခုနဲ့တင် ကျမစိတ်တွေ လျှော့ချလိုက်ရပါတော့တယ်…
လေယာဉ်လက်မှတ်နောက်ဆုတ်ဘို့တောင် သူပြန်မဲ့ရက်သိရမှ ဆိုတော့ ရန်ကုန်က သြဂုတ်လ ၁၈ရက်နေ့ပြန်လာမှာသာသေချာတာ… ဘယ်နေ့ရန်ကုန်ရောက်မှန်းတောင်မသိ…ဂျူလိုင်၂၄ရက်နေ့တော့မှန်းထားတယ်….
စိတ်တွေလျှော့ချပြီးမှစဉ်းစားမိတာက ဒါပါဘဲအိမ်ထောင်ရေးဆိုတာ… ကိုယ့်သဘော ကိုယ့်စိတ်ကြိုက် ကိုယ့်စိတ်ကူးတွေကို ဥပေက္ခာပြုလိုက်ရတာတွေရှိမယ်…ပြောချင်တာတွေ ပြောပစ်လိုက်.. လုပ်ချင်တာတွေလုပ်ပစ်လိုက် ချင်တဲ့စိတ်တွေကို တခါတလေ မျိုချပစ်နိုင်ရမယ်…ကိုယ်ရွေးတဲ့လမ်းဖြောင့်ဖြူးဖို့ ကိုယ်တိုင်ဘဲကြိုးစားရမယ်…. လို့…..

ဒါနဲ့ဘဲ ယောက္ခထီးနဲ့ပတ်သက်လာရင် ကျမမှာ အသက်တွေရှည် သွားတွေမကျိုးတော့ဘူးပေါ့

ဖခင်များနေ့အမှတ်တရ(၁၉၊၀၆၊၂၀၁၁)

ကမ္ဘာပေါ်ကဖခင်များနေ့ကို
ဆင်နွှဲခွင့်မရှိတော့တဲ့ဖခင်တစ်ယောက်
သူကောင်းကင်ရောက်နှင့်သွားခဲ့ပြီ…
ဒီကမ္ဘာမှာသူဖခင်ဖြစ်စဉ်က
သူသိပ်ချစ်ခဲ့ရတဲ့
သူ့ဇနီး၊သားသမီးတွေကို
ကောင်းကင်ထက်ကအဖေ
အပြုံးတွေနဲ့လှမ်းကြည့်နေပါလိမ့်မယ်….
အိမ်ထောင်ရက်သားကျ
ကိုယ်ပိုင်မိသားစုဘဝတွေ
အဆင်ပြေနေနိုင်ဘို့ရုန်းကန်ရင်း
အဖေ့အတွက်ငဲ့မကြည့်နိုင်ခဲ့တဲ့သားသမီးတွေကိုလည်း
ကောင်းကင်ထက်ကအဖေ
နားလည်စွာခွင့်လွှတ်နေပါလိမ့်မယ်….
သူမရှိတော့မှငို
တမ်းတစွာသူ့ကိုလွမ်းဆွတ်နေကြသူတွေကိုလည်း
ကောင်းကင်ထက်ကအဖေ
ကြင်နာစွာငေးကြည့်နေပါလိမ့်မယ်…
အဖေဆိုတဲ့သမီးတို့အဖေ
သားသမီးတွေအတွက်ရုန်းကန်ခဲ့
ချစ်ဇနီးကိုဖေးမကြင်နာခဲ့
မကျန်းမာနေချိန်အထီးကျန်စွာနေထိုင်ခဲ့
အနီးကသားသမီးတွေအတွက်ပူပန်ခဲ့
အဝေးရောက်သားသမီးတွေကိုလွမ်းဆွတ်ခဲ့တဲ့
သိပ်ချစ်စရာကောင်း၊လေးစားစရာကောင်းတဲ့
နာကျင်ခံစားရသမျှတွေလွတ်မြောက်သွားပြီဖြစ်တဲ့အဖေ
ကောင်းကင်ထက်မှာငြိမ်းချမ်းနေပါစေ
သမီးချစ်တဲ့အဖေ……

ဘာမှန်းမသိတဲ့ပို့စ်

ခုတလော ဘာတွေနဲ့ မအားနေမှန်းကိုမသိ… ကိုယ့်ဘလော့လဲ ဝင်မရတာနဲ့ မဝင်ဖြစ်တာတွေနဲ့ ကိုယ့်ဘလော့တောင် ကိုယ်မရောက်ဖြစ်… သူများဘလော့တွေ လိုက်လည်တော့လဲ ကော်နက်ရှင်မကောင်းချိန်နဲ့တိုးရင် ကော်မန့်ပေးလို့မဝင်…. ဖေ့စ်ဘွတ်လဲ ထိုနည်းလည်းကောင်းဘဲ… ဗီယက်နမ်တွေ မြန်မာ အစိုးရနဲ့ပေါင်းမိသွားကတည်းက တိုက်ဆိုင်တာလားတော့မသိ… အင်တာနက်ကော်နက်ရှင်တွေမကောင်းတော့.. ကောင်းချိန်ကျပြန်တော့လည်း လူမှုရေးဝက်ဘ်ဆိုဒ်တွေက ပိတ်ထားပြန်… ဖေ့ဘွတ်မှာ ကော်မန့်ရေးလဲမဝင် ဝင်ပြီးသားလေး ခဏကြာသွားပြန်ကြည့်မိတော့ စာကြောင်းတွေထပ်နေတာနဲ့ ကိုယ့်ကော်မန့်လေးဝင်တာသေချာအောင် ကလစ်မိလိုက်တာ ဒီလိ ဖြစ်သွားပြန်… အော်… ဘဝများ ရောက်ရာအရပ်မှာ ပျော်အောင်နေနေရသူကို စိတ်အနှောက် အယှက် အမျိုးမျိုးပေးရက်တယ်… :P
တကယ်က ရန်ကုန်ပြန်ဘို့ပြင်ဆင်နေတာတွေရော… ခလေးတွေကျောင်းကပိတ်ခါနီးဆိုတော့ ကျောင်းက လုပ်တဲ့ ပွဲသေး ပွဲကြီး တွေ ခဏခဏ သွားနေရတာရော… ဝယ်လို့ခြမ်းလို့ မပြီးနိုင်သေးတာတွေရော… စုံလို့… ဘာတွေနဲ့ မအားနေတာလည်းမေးရင် တိတိကျကျပြောစရာက သိပ်မရှိ… ဆရာတယောက်ပြောဘူးသလိုဘဲ… အလုပ်မဟုတ်တဲ့ အလုပ်တွေနဲ့ အလုပ်တွေရှုတ်နေကြတယ်ဆိုတာ ဒါမျိုးကိုပြောတာနေမှာ…
အခုလုပ်စရာတွေတော့ သိပ်မကျန်တော့ပါဘူး… လေယာဉ်လက်မှတ်လဲဝယ်ပြီးပြီ… မှီခိုထောက်ခံစာကဒီတပတ်မှ သံရုံးကိုလျှောက်ရမှာ… သံရုံးက ဟနွိုင်းမှာ..စာအသွားအလာနဲ့ ဘာနဲ့ဆို တပတ်လောက်ကြာဦးမှာ…
လေယာဉ်လက်မှတ်ဝယ်တာနောက်ကျသွားတော့ ဇွန်လကုန်ရန်ကုန်ပြန်မဲ့ဟာ ဇူလိုင် ရရက်နေ့မှရတယ်… လေယာဉ်လက်မှတ်ဝယ်မဲ့ပိုက်ဆံက ကျောင်းကခလေးတွေကျောင်းဆက်တက်မယ်ဆိုရင် Deposit 2000$ ကြိုသွင်းထားရမယ်ဆိုတာနဲ့ အဲဒါအရင်သွင်းလိုက်တော့ လက်မှတ်အတွက် နောက်မှပိုက်ဆံထုတ်ပြီးဝယ်ရတာတော့ ကိုယ်လိုချင်တဲ့နေ့မရတော့ဘူး…
တကယ်တော့ ကိုယ့်ဘလော့လေးမှာ ရသမပါတဲ့စာတွေ တခုခုကျန်မနေမဲ့ ဘာမှမဟုတ်တဲ့စာတွေ မရေးချင်ပါဘူး… ဒါကြောင့် တချို့ပို့စ်တွေတောင် ဖျက်ထားလိုက်တာ… အခုက တကယ် ဘာမှန်းမသိတဲ့ ဘာမှမဟုတ်တဲ့အကြောင်းကိုဘဲ ကော်နက်ရှင်လေးကောင်းတုန်း ဘလော့ဝင်လို့ရတုန်းရေးလိုက်တယ်…
စာလာဖတ်တဲ့သူတွေကိုတော့ ဒီပို့စ်မှာ ပေးစရာဘာMessage မှမပါတာကြောင့် အားနာပေမဲ့ အားနာနာနဲ့ ဒီပို့စ်လေးတင်လိုက်ပါတယ်… သူငယ်ချင်းတို့ရေ… ခွင့်လွှတ်ပါနော်…

လတ်တလောစိတ်ဆန္ဒများ

ညီမငယ်လေးအနော်ကတဂ်ထားတယ်…. လက်တလောစိတ်ဆန္ဒများတဲ့…. ရေးမယ်ရေးမယ်နဲ့ အလုပ်တွေမအားတာရော ပျင်းနေတာရောကြောင့် အခုမှရေးဖြစ်တော့တယ်… Sorryအနော်လေးရေ…

တကယ်တော့ကျမမှာ ဖြစ်ချင်တဲ့ဆန္ဒတွေမယ်မယ်ရရမရှိတာ ကြာခဲ့ပြီဘဲ…. ရောက်ရာအရပ်မှာပျော်အောင်နေ နေတတ်ရင်ကျေနပ်စရာပါလို့တွေး အဆင်မပြေတာတွေကြုံလာရင် ဖြစ်တတ်ပါတယ်လေလို့ သဘောထားရင်းနေရာလိုက်တာ… ဆန္ဒဆိုတာ ဘာမှန်းတောင်မသိတော့သလိုပါဘဲ… သားသမီးတွေရဲ့ လုပ်ချင်သမျှ သွားချင်သမျှတွေကိုသာ ဖြည့်ဆည်းပေးရင်း သူတို့ပျော်တာမြင်နေရရင် ရလာတဲ့ပီတိတွေအပေါ်မှာဘဲ ကျေနပ်နေမိတော့တာ…

………………………………………………………………………………………..
1.အစားချင်ဆုံးအစားအစာ…............. မရှိ
2.နေ့တိုင်းစားဖြစ်တဲ့အစား…............. သတ်သတ်မှတ်မှတ်မရှိပါ…ကြုံသလိုပါဘဲ
3.အလိုချင်ဆုံးရေမွှေး…............... မရှိ
4.သုံးဖြစ်နေတဲ့ရေမွှေး….............. ISSEY MIYAKE, TRE’SOR IN LOVE
5.အလိုချင်ဆုံးမွေးနေ့လက်ဆောင်….............. မရှိ
6.အလိုချင်ဆုံးဖုန်း…............... မရှိ
7.သုံးဖြစ်နေတဲ့ဖုန်း…............... NOKIA
8.အရူးသွပ်ဆုံးအရာ…................ မရှိ
9.အနီးစပ်ဆုံးဂီတ….................. ဂစ်တာ
10.အလိုချင်ဆုံးစာအုပ်…................. မရှိ
11.အခုဖတ်ဖြစ်နေတဲ့စာအုပ်…............ မရှိ(ဖတ်စရာစာအုပ်တွေကုန်သွားပြီ..ရန်ကုန်ပြန်မှဝယ်ရမှာ)
12.အကြားချင်ဆုံးစကား................ ရန်ကုန်မှာဘဲပြန်နေကြတော့မယ်
13.အဖြစ်ချင်ဆုံးဆန္ဒ…............. မရှိ
14.အလိုချင်ဆုံးဆု…............... မရှိ
15.အသွားချင်ဆုံးနေရာ…............. အမိမြေ
16.သွားဖြစ်နေတဲ့နေရာတွေ…............. သူငယ်ချင်းတွေအိမ်၊စူပါမားကတ်
17.အကြည့်ချင်ဆုံးရုပ်ရှင်….............. မရှိ
18.အပြောချင်ဆုံးစကား…................ အမှန်အတိုင်းပြောကြပါ..အရှိအရှိအတိုင်းပေါ့
19.အယုံကြည်ဆုံးလူသား…................ ကိုယ့်ကိုကိုယ်
20.မယုံကြည်ဆုံးအရာ….............. လောကမှာမယုံကြည်စရာတွေကများလွန်းလို့ မယုံကြည်ဆုံးအရာရယ်လို့ မရှိ
21.အမုန်းဆုံးအရာ…............... လိမ်ပြောတာ၊လျှောက်ပြောတာ၊မဟုတ်တာတွေကို အတင်းကြီး
ဟုတ်သယောင်ဗြောင်လိမ်တာ

22.အသောက်ဖြစ်ဆုံးအအေး…............. မရှိ
23.လတ်တလောအထိတွေ့ဆုံးအရာ…............... ကွန့်ပျူတာဂိမ်း
24. မကောင်းတဲ့ကျန်းမာရေး….............. ခေါင်းမူးတာ၊အပူမခံနိုင်တာ
25.အကောင်းဆုံးအဖော်…................. သမီးနဲ့သား
26.လက်ရှိအကြိုက်ဆုံးသီချင်း................. အိမ်ပြန်ချင်တယ်..ဟူး… အနွေးထွေးဆုံးအမေ့အိမ်
27.အကြောက်ဆုံးအလုပ်…............... ရှုတ်ရှုတ်ယှက်ယှက်အလုပ်
28.တန်ဘိုးအထားဆုံးအရာ….............. မိသားစု
29.အကြောက်ဆုံးတိရိစ္ဆာန်…............... မရှိ( အကုန်ကြောက်တာ၊ကြောင်ကလွဲလို့)
30.တွေ့ဖြစ်နေတဲ့ဘလော့ဂါတွေ…............... တွေ့ဖြစ်နေတာမရှိပါ… ဗီယက်နမ်မှာ ဘလော့ရေးဖော်မရှိပါ..
တွေ့ဖူးတဲ့ ဘလော့ဂါတွေတော့ရှိတယ်... သူတို့တော့မသိဘူး..
ကိုယ်ကတော့ တခါတွေ့တာနဲ့တင် အရမ်းကိုခင်သွားတာ

31.အပြင်သွားတိုင်းပါတဲ့ပစ္စည်း…............. အစုံထည့်ထားတဲ့ လက်ကိုင်အိတ်
32.စိတ်အညစ်ဆုံးအချိန်…................. မရှိ
33.အနေချင်ဆုံးနေရာ…................ အမိမြေ
34.ကြားလိုက်မိတဲ့ဟာသလေးတစ်ခု............... တစ်ခုမကဘူး… မဟုတ်တာတွေကို အဟုတ်လုပ်ပြောတာတွေ
ကြားရသမျှ ကိုယ့်အတွက်ဟာသ
35.ပေးချင်တဲ့သတင်းတစ်ခု….............. ရန်ကုန်မှာမီးမှန်နေပြီတဲ့
36.အပျော်ဆုံးဖြစ်မဲ့အချိန်…............... မသိ

…………………………………………………………………………………………………………………………….
ဒါပါဘဲအနော်လေးရေ… ရေးရမှာပျင်းနေတုန်း ပေါ့ပေါ့ပါးပါးလေး တဂ်တာကျေးဇူးပါညီမလေး…