Wednesday, January 30, 2013

အေးစက်သွားသောကော်ဖီတစ်ခွက်နှင့်အတူ



မျက်ရည်စများကိုသုတ်လျှက် နောက်သို့လှည့်မကြည့်မိအောင် ကြိုးစားရင်း လမ်းကိုလျှောက်နေမိသည်…
ကတ္တရာလမ်းတို့က မျက်ရည်ပူတွေဝေဝါးနေသော အမြင်မှာ တိမ်လွှာတွေအဖြစ်သို့ ပြောင်းလဲသွားသလိုလို…
ဘယ်ကိုလျှောက်ရမှန်းမသိ ဆက်လျှောက်နေရင်းက ကော်ဖီဆိုင်တခုမှာထိုင်ရင်း စိတ်တွေတည်ငြိမ်အောင် ကြိုးစားဘို့ဆုံးဖြတ်လိုက်သည်…
လွတ်နေသည့်စားပွဲမှာဝင်ထိုင်ပြီး စားပွဲထိုးလေးလာပေးသည့်မီနူးထဲက တခုကိုလက်ထောက်ပြမိရင်း စိတ်တွေကို ပြန်လည်စုစည်းဘို့ကြိုးစားသည်…
ကြိုးစားမိကာမှ မျက်ရည်ပူများက ပါးပြင်ပေါ်သို့အရှိန်အဟုန်ပြင်းစွာလှိမ့်ဆင်းလာကြသည်…
ထိုနေရာကို ကျမ မသွားခဲ့မိရင် သိပ်ကောင်းမှာ… ခုတော့ မမြင်ချင်ဆုံးသောမြင်ကွင်းတခုကို ကျမမြင်တွေ့ခဲ့ရသည်… ကျမလေးစားစွာချစ်မြတ်နိုးခဲ့သောချစ်ခင်ပွန်းက ကောင်မလေးငယ်ငယ်တယောက်ကို ရတနာဆိုင်ထဲမှာ လက်စွပ်လေးစွပ်ပေးနေသည့်မြင်ကွင်းက ထပ်ခါထပ်ခါ ပေါ်လာသည်…
ကျမအပ်ထားတဲ့မင်္ဂလာနှစ်ပတ်လည်စိန်လက်စွပ်နှစ်ကွင်းရွေးရမဲ့နေ့က ဘာကြောင့်ဒီနေ့ဖြစ်နေခဲ့ပါသလဲ?
တိုက်ဆိုင်တာလား… တစုံတယောက်က ကျမကိုဒီမြင်ကွင်းမြင်စေချင်လို့ ကြိုတင်စီစဉ်ခဲ့လေသလား…
တကယ်တော့ထိုရတနာဆိုင်ပိုင်ရှင်သည် ကျမခင်ပွန်း၏သူငယ်ချင်းတစ်ယောက်ဖြစ်သည်…
ကျမရဲ့တချို့သောမွေးနေ့တွေမှာ ခင်ပွန်းသည်က မွေးနေ့လက်ဆောင်ဝယ်ပေးလေ့ရှိသောဆိုင်ဖြစ်သည်…
ထိုဆိုင်သို့မရောက်ဖြစ်သည်မှာနှစ်အတော်ကြာခဲ့ပြီဖြစ်သည်…
ဒီနှစ်မှ မင်္ဂလာနှစ်ပတ်လည်အထိမ်းအမှတ်အဖြစ် စိန်လက်စွပ်နှစ်ကွင်း ကိုအပ်ခဲ့သည်… အပ်သည့်နေ့က ဆိုင်ရှင်ရှိမနေဘဲ ဆိုင်ဝန်ထမ်းလေးနှင့်သာတွေ့ခဲ့ပြီး ဘောင်ချာမှာရေးထားသော ရက်မှာ ကျမထိုဆိုင်သို့ လက်စွပ်ရွေးရန်ရောက်လာခဲ့ခြင်းဖြစ်သည်…
ထိုဆိုင်သည် ရှော့ပင်းစင်တာကြီင်္းတခု၏မြေညီထပ်တွင်ရှိရာ ကျမထိုဆိုင်ရှေ့သို့မရောက်ခင်မှာပင် ဆိုင်ထဲမှာစုံတွဲတတွဲရှိနေတာ မြင်နေခဲ့ပြီးဖြစ်သည်…
ဆိုင်ရှေ့အရောက်မှာတော့ ကောင်မလေးကို လက်စွပ်စွပ်ပေးနေသော အမျိုးသား၏ဘေးတိုက်မျက်နှာကိုမြင်လိုက်ရသောအခါ ကျမခြေလှမ်းတွေရပ်တန့်သွားခဲ့သည်…
တကယ်ကဒီအချိန်သူရုံးခန်းမှာရှိနေရမှာ… ကောင်မလေးက ခြေဖျားလေးထောက်ပြီး
 ကျေးဇူးတင်အနမ်းလေးလှမ်းပေးလိုက်ချိန်မှာ မတ်တပ်ရပ်ကြည့်နေမိသော ကျမခြေထောက်များ ညွတ်ခွေသွားတော့သည်…
လုံခြုံရေးဝန်ထမ်းတစ်ဦး အနားရောက်လာပြီး ကျမကိုထူမပေးချိန်မှာ ဝိုင်းကြည့်နေကြသော မျက်ဝန်းများကို ရှက်ရွံ့ကာ ကျမပြေးထွက်လာမိသည်…
ခုတော့ ဆိုင်ထဲမှာ ထိုင်ငိုနေမိတာ အချိန်အတော်ကြာသွားပြီလားမသိ… ဘယ်အချိန်ကလာချထားမှန်းမသိလိုက်သော ကော်ဖီခွက်တခွက်က စားပွဲပေါ်မှာငြိမ်သက်စွာ….
သူကျမကိုတွေ့သွားလား မတွေ့သွားလား ကျမ မသိလိုက်ပါ…
အိမ်ပြန်ရောက်ရင် သူ့ကိုဘယ်လိုရင်ဆိုင်ပြီး ဘယ်လိုစကား စပြောရမလဲ ကျမစဉ်းစားမရ…
ငဲ့ညှာစရာ ကျမတို့ရဲ့တစ်ဦးတည်းသောသမီးလေးသာမရှိခဲ့ရင် ကျမဘာမှစဉ်းစားစရာမလို… ခုတော့ သမီးလေးအတွက်ထည့်စဉ်းစားရမည်…
ကတောက်ကဆဖြစ်ချိန်တိုင်းမှာ သမီးလေးကိုပေးမသိစေချင်သည့်သူက ဒီကိစ္စမှာလဲ သမီးလေးကို ပိုလို့တောင်အသိပေးချင်မှာမဟုတ်တာသေချာသည်…
ကျမကတော့ အရွယ်ရောက်စပြုပြီဖြစ်သော သမီးလေးအား အရာရာတိုင်ပင်နေကျမို့ ပြောကိုပြောပြမှာဖြစ်သည်… သို့သော် သမီးလေးကိုတော့ မနာကျင်စေလိုပါ…သမီးလေးက ဒယ်ဒီကဘာလို့ဒီလိုလုပ်တာလဲဟုမေးလာလျှင် အဖြေရှိအောင် ကျမအရင်စဉ်းစားရပါမည်….
ဒါဆို သူဖောက်ပြန်ရခြင်းအကြောင်းရင်းကို ကျမက အရင်စဉ်းစားရမည်ဖြစ်သည်… ဘာဖြစ်လို့များပါလိမ့်…
တကယ်ဆိုကျမက ကျမရဲ့ဘဝတစ်ခုလုံးကို ဒီသမီးနှင့်ဒီခင်ပွန်းအတွက်သာ ပေးဆပ်နေခဲ့သူဖြစ်သည်… ခင်ပွန်းအလိုကျ မိမိရဲ့အရည်အချင်း အလုပ်အကိုင်တွေကို စွန့်ပစ်ပြီး အိမ်ထောင်ရှင်မအဖြစ် လိုလေသေးမရှိအောင် ပေးဆပ်နေခဲ့သူဖြစ်သည်… ခင်ပွန်းအတွက် ဇနီးကောင်း သမီးလေးအတွက် မိခင်ကောင်းအဖြစ် ရပ်တည်ရင်းသာ ဘဝကိုကျေနပ်နေခဲ့သူဖြစ်သည်…
လွန်ခဲ့သောသုံးလေးလခန့်က သူငယ်ချင်းတစ်ယောက်က ခင်ပွန်းသည်ကိုကောင်မလေးတစ်ယောက်နှင့်တွေ့လိုက်ကြောင်းဖုန်းနဲ့လှမ်းပြောတော့ ကျမနည်းနည်းလေးမှမယုံကြည်ခဲ့…. အခါတိုင်းလည်း အလုပ်သဘောအရ ဧည့်သည်တွေနဲ့ နေ့လည်စာစားတတ်သူမို့ သံသယမဝင်ခဲ့ပါ… ပြောသံတွေကြားရဖန်များလို့ မေးကြည့်တော့ အသိမိတ်ဆွေတွေပါဟုသာပြန်ပြောလျှက် စကားလမ်းကြောင်းလွှဲသွားခဲ့သည်…
ကျမဘဝမှာ ခင်ပွန်းနှင့်သမီးကိုသာ အလေးထားသလို သူသည်လည်းဇနီးနှင့်သမီးကိုသာအလေးထားမည်ဟု ကိုယ့်စိတ်နှင့်နှိုင်းကာ ယုံကြည်ခဲ့မိသည်…
ခုတော့ထိုယုံကြည်ချက်များတဒင်္ဂအတွင်းများ ပျောက်ပျက်သွားခဲ့လေပြီ… အိမ်ပြန်ရောက်တာနှင့် မျက်နှာချင်းဆိုင်မေးမြန်းပြောဆိုရတော့မည်… သူ့ဘက်ကပေးမည့်ဆင်ခြေတွေကို သည်းခံနားထောင်ရင်း မယုံကြည်ဖို့ကိုတော့ ကိုယ့်ကိုယ်အထူးသတိပေးစရာမလိုတော့…
သမီးလေးကိုမနာကျင်စေချင်မဲ့ အဖြစ်မှန်တွေကိုတော့ သမီးလေးကိုသိစေချင်ပါသည်… မိသားစုပြသနာကို သမီးလေးက ပတ်ဝန်းကျင်ပြောမှသိရလျှင် ပိုပြီးနာကျင်ရပါလိမ့်မည်…
သူ့ကိုရင်ဆိုင်ဘို့ တည်ငြိမ်လောက်ပြီဟု ယူဆမိချိန် နာရီကြည့်မိတော့ အချိန်ကြာကြာထိုင်နေမိကြောင်း သတိပြုမိသည်… ကော်ဖီခွက်ထဲကကော်ဖီရည်များလည်း အတော်ကိုအေးစက်နေခဲ့ပြီ…
ကော်ဖီတန်ဘိုးထက်အနည်းငယ်ပိုမည်ဖြစ်သော ငွေစက္ကူကို ကော်ဖီခွက်အောက်ထားခဲ့ပြီး ဆိုင်မှထွက်လာခဲ့သည်… ကျန်နေခဲ့သောကော်ဖီရည်များနှင့်ထပ်တူ ကျမနှလုံးသားက အေးစက်လျှက်

Tuesday, January 15, 2013

ရန်ကုန်ပြန်ရင်စားမဲ့စာရင်း



၂၀၁၂ကုန်လို့ ၂၀၁၃ ဝင်ရင် နှစ်ဟောင်းကိုစမြုံ့ပြန်ပြီး နှစ်သစ်ကိုကြိုဆိုတဲ့ပို့စ်လေးတပုဒ်လောက်ရေးမယ်စိတ်ကူးထားပေမဲ့ စိတ်ကူးသလိုမရေးဖြစ်ပါဘူး…
                               မလေးရှားမှအိမ်ဂျယ်လေး၊မဒမ်သောမတ်စ်တို့နှင့်အမှတ်တရ


ဇန်နဝါရီ၃ရက်နေ့မှာ မလေးရှားကပြန်ရောက်ခဲ့ပါတယ်… ကွာလာလမ်ပူမှာ အသွားသုံးရက် မပြန်ခင်၃ရက် ကျွန်းပေါ်မှာ၆ရက် စုစုပေါင်း၁၂ရက် အလည်သွားခဲ့ပါတယ်… ဧည့်ဝတ်ကျေတဲ့မလေးရှားကဘလော့ဂါမောင်နှမတွေကို ကျေးဇူးအထူးတင်ပါတယ်…
မလေးရှားကပြန်ရောက်ရောက်ခြင်း ဖေဖော်ဝါရီ ရန်ကုန်ပြန်ဘို့ထပ်လှုပ်ရှားရပါတယ်…
အခုတော့ အားလုံးအဆင်သင့်…သွားမဲ့ရက်မှာလေဆိပ်ဆင်းဘို့ဘဲကျန်ပါတော့တယ်…
ဖေဖော်ဝါရီ၂ရက်နေ့ညနေမှာ ရန်ကုန်ကိုရောက်ပါမယ်…
ရန်ကုန်ရောက်ရင်ဘလော့ဂါမောင်နှမတစ်ချို့နဲ့တွေ့ဖြစ်ပါဦးမယ်…
ဖေဖော်ဝါရီ၁၀ရက်နေ့ တီတင့်အိမ်မှာ မုန့်ဟင်းခါးစားရင်း ဘလော့ဂါမောင်နှမတွေ ဆုံကြရမှာကို တွေးပြီးကြိုတင်ပျော်ရွှင်မိပါတယ်….
ရန်ကုန်ပြန်ရင်စားချင်တာတွေအများကြီးမို့ ကြိုတင်စားရင်းလုပ်ထားပါတယ်…
ဖိတ်ကျွေးမဲ့သူတွေတော့ ကျွေးချင်တာကျွေးကြပါစေလေ :D
စာရင်းအရတနေ့ကိုနည်းနည်းစီ ကျန်သွားတာမရှိရလေအောင် စုံအောင်စားမှာပါ….
ကိုယ့်ဟာကိုယ်ဝယ်စားမှာပါ… ဖိတ်ကျွေးမဲ့သူတွေကိုယ့်စာရင်းဖတ်ပြီး စေတနာပျက်သွားမှာစိုးပါတယ်…
စာရင်းလေးကတော့ဒီမှာပါ…
မုန့်လင်မယား
မုန့်ဗိုင်းတောင့်
ဓညင်းသီးအုန်းနို့ဆမ်း
ဇီးသီးလတ်လတ်ဆတ်ဆတ်
ပဲပြုတ်ထမင်းကြော်
ပဲနံပြား
တိုရှည်နဲ့ပဲဟင်း
မန္တလေးမြီးရှည်
ဝက်ဆီဖတ်
ဝက်သားဒုတ်ထိုး
ဝက်ဂေါင်းသုတ်
လှည်းတန်းဈေးအသုတ်စုံ
အကြော်စုံ
ရန်ကင်းစင်တာရှေ့ကဗယာကြော်
ကောင်းကြိုက်ဒံပေါက်
ထမနဲ
ချဉ်ပေါင်ကြော်
ပုဇွန်ဂေါင်းချဉ်ပေါင်အရည်သောက်
ဝက်သားမျှစ်ချဉ်
ဝက်နံရိုးမျှစ်ချဉ်
ဆိတ်ရိုးပဲဟင်း
ငါးဇင်ရိုင်းဆီပြန်
ကြက်တောင်ပံပဲဟင်းရည်သုတ်(ကြည့်မြင်တိုင်ညဈေးရှေ့)
ကြက်အသဲအမြစ်ပဲဟင်းရည်သုတ်
မင်းလမ်းရခိုင်မုန့်တီ
ကျော်ကြားမုန့်ဟင်းခါး
ရွှေပုဇွန်ဖာလူဒါ
ဝိုင်ကေကေအိုကြေးအိုး
စကော့ဈေးဝက်ကြာဇံ
ရန်ကင်းဈေးထမင်းကြော်
ငါးချဉ်သုတ်
ပုဇွန်ချဉ်သုတ်
ငါးသလောက်ပေါင်း
ဓညင်းသီးပြုတ်
ချဉ်ဖတ်စုံ
ငါးပိရည်ကျို
ငါးရံ့ခြောက်ဆီပြန်
ရှမ်းထမင်းချဉ်
မြိတ်ကတ်ကြေးကိုက်
ပုန်းရည်ကြီး
သရက်သီးသနတ်အစိမ်းဖောက်
နေကြာစေ့
မရမ်းပြား
ရှောက်သီးသုတ်၊ကြာဇံဟင်းခါး
မန်ကျည်းသီးထောင်း
ကင်းမုံသီးကြော်
ပဲငပိအစပ်ကြော်
ပုဇွန်ဆီ
ဝက်သားနီချက်
တို့ဟူးသုတ်
သရက်ချဉ်ကြော်
ငါးသလောက်ဥကြော်
စမူဆာသုတ်
ဓညင်းသီးဝက်သားချက်
ကြက်ဗူးသီးကာလသားချက်
ဂွေးသီးငပိချက်
ငါးပိကောင်ကင်
ကော်ပြန့်စိမ်း
ဆေးဘဲဥသုတ်
တကယ်တော့စားချင်တာတွေကျန်ပါသေးတယ်... ပြန်ရမဲ့ရက်က ၁၂ရက်ထဲမို့ ဒီလောက်နဲ့ဘဲရပ်လိုက်ပါတယ်...
ဖိတ်ကျွေးမယ်ဆိုတဲ့သူငယ်ချင်းတွေကို ကျေးဇူးတင်ပါတယ်... ဒီစာရင်းထဲကနေ ၂မျိုး သုံးမျိုးလောက်ဘဲချက်ကျွေးရင်ရပါတယ်နော် :P .. ကျန်တာတွေတချို့က သွားရင်းလာရင်း ကိုယ့်ဟာကိုယ်ဆိုင်မှာဝယ်စားမှာပါ....

ရန်ကုန်ပြန်ဖို့ရင်တွေခုန်လျှက်

Rose of Sharon