Monday, June 15, 2015

ရန်ကုန်ကျောင်းဝင်ခွင့်





လွန်ခဲ့တဲ့တစ်နှစ်ကျော်လောက် မိသားစုနေ့လည်စာထွက်စားကြတဲ့တစ်ရက်မှာ ဘာအဆက်အစပ်မှမရှိ ဆိုင်းမဆင့်ဘုံမဆင့်နဲ့ သမီးလေးက သူ့အဖေကို ဗီယက်နမ်မှာမနေချင်တော့ဘဲ မြန်မာပြည်မှာပြန်နေချင်ကြောင်း ရုတ်တရက်ကြီးတောင်းဆိုလိုက်တယ်... အဖေလုပ်သူက အံ့သြသင့်ပြီး ဘာလို့လဲလို့မေးတော့ မြန်မာပြည်မှာနေရတဲ့ဘဝအတွေ့အကြုံကိုလိုချင်လို့ လို့ပြန်ဖြေတယ်... သူက နောက်ဆိုမိသားစုနဲ့ခွဲပြီး တက္ကသိုလ်ပညာရပ်ကို တနယ်တကျေးမှာသင်ကြားရမှာ... ပညာစုံလို့ လုပ်ငန်းခွင်ဝင်ရတဲ့အခါ ဒီအခွင့်အရေးရနိုင်ပေမဲ့ ကြီးလာလို့အမှတ်တရအကြောင်းလေးတွေပြန်တွေးရင် သူ့ရဲ့အတိတ်မှာ မြန်မာပြည်နဲ့ပတ်သတ်တာတွေ ရှိနေချင်တယ်တဲ့လေ.... အဲဒီအချိန်မှာ ၁၂နှစ်ဘဲရှိသေးတဲ့ ခလေးတစ်ယောက်ရဲ့ လေးနက်တဲ့စကားကို ကျမတို့ဇနီးမောင်နှံနှစ်ယောက် မသိချင်ယောင်ဆောင်နေလို့မရတော့ပါဘူး... ဟိုးအရင်ထဲက တစ်နေ့မှာ မြန်မာပြည်မှာသာပြန်လည်အခြေချနေထိုင်ဘို့စဉ်းစားထားပြီးသားမို့ သိပ်ပြင်ဆင်စရာမလိုပေမဲ့ ဗီယက်နမ်ကလုပ်လက်စလုပ်ငန်းတွေအတွက်တော့ အတော်လေး အချိန်ယူပြင်ဆင်ရပါတယ်... နောက်ဆုံးမှာ ခလေးတွေကိုမြန်မာပြည်ပြန်ထားပြီး အလုပ်ကိစ္စနဲ့ဗီယက်နမ်ကို ၂လ၃လတခါလောက် ပြန်လာကြဘို့ ဆုံးဖြတ်လိုက်ပါတယ်...

ဆုံးဖြတ်ချက်ချပြီးတဲ့အခါ နေဘို့က အဆင်သင့်ရှိပေမဲ့ အဓိက ခေါင်းစားရတာက ခလေးတွေရဲ့ပညာရေးပါ... ဗီယက်နမ်မှာ International School တက်လက်စမို့ ရန်ကုန်က ကျောင်းတွေစုံစမ်းတဲ့အခါထင်သလောက်မလွယ်ပါဘူး... လမ်းတွေသိပ်မပိတ်တဲ့ ... အိမ်နဲ့ကျောင်းသိပ်မဝေးလွန်းတဲ့ကျောင်းတွေရှာရတဲ့အပြင် တက်လက်စကျောင်းနဲ့ ပညာရေးအဆင့်အတန်းသိပ်မကွာတဲ့ကျောင်းကိုရှာရပါတယ်.... တကယ်တော့ ရန်ကုန်ကကျောင်းတွေဟာ လက်ရှိဒီမှာတက်လက်စကျောင်းရဲ့အဆင့်ကိုမှီတာကျောင်းလခတစ်ခုထဲပါ.... တက်လက်စကျောင်းနီးနီးအဆင့်မှီတဲ့ အဆောက်အဦနဲ့ Facilitiesတွေ၇ှိတဲ့ကျောင်းရဲ့ကျောင်းလခက ကျမတို့ရေရှည်မတတ်နိုင်တဲ့နှူန်းထားတွေမို့ ထည့်တောင်မစဉ်းစားရဲ... နောက်ဆုံးတော့ ပညာရေးအဆင့်မှီပြီး အပြင်ပန်းလက္ခဏာလဲ တစ်ခြားကျောင်းတွေလောက်သိပ်မဆိုးလှတဲ့ ကျောင်းလေးတစ်ကျောင်းကို တမိသားစုလုံး သဘောတူရွေးချယ်ခဲ့ပါတယ်...

ကိုယ့်ဘက်ကရွေးချယ်တိုင်းလဲ သူတို့ကတန်းလက်မခံပါဘူး... လျှောက်လွှာအရင်တင်ထားရသေးတာ.... အဲဒီလျှောက်လွှာတွေထဲကမှ သူတို့ကရွေးပြီး ဝင်ခွင့်စာမေးပွဲလာဖြေခိုင်း.... အဲဒီကမှ အရည်အချင်းအရှိဆုံးခလေးတွေကို စိစစ်ရွေးချယ်ပြီးမှ သူတို့ကျောင်းကိုတက်ခွင့်ရမှာပါ....

ပထမဆုံးဝင်ခွင့်ဖြေဘို့ အီးမေးလ်ပို့တဲ့အခါ သားလေးကိုဘဲခေါ်တာမို့ ကမန်းကတန်းလေယာဉ်လက်မှတ်ဝယ်ပြီး ရန်ကုန်ပြန်ပြေးရပါတယ်... သမီးလေးကိုပါတခါတည်းခေါ်သွားလိုက်တယ်... ဝင်ခွင့်ဖြေဘို့ခေါ်တဲ့အခါအဆင်သင့်ဖြစ်နေအောင်ပါ... သားလေးဝင်ခွင့်ဖြေတာ တစ်နာရီခွဲလောက်ကြာပါတယ်...နှူတ်ဖြေ ရေးဖြေ သေသေချာချာကို စာမေးပွဲဖြေသလိုစစ်တာပါ...နောက်တစ်ပတ်မှာတော့ သားလေးဝင်ခွင့်အောင်တဲ့အကြောင်း.. ကျောင်းအပ်လို့ရပြီဖြစ်ကြောင်း အကြောင်းကြားပါတယ်... ဒါပေမဲ့ သမီးလေးပါအတူတက်ခွင့်ရမှကျောင်းအပ်မှာဖြစ်တဲ့အကြောင်းပြောထားပြီးသားမို့ ကျောင်းတန်းမအပ်ဘဲစောင့်နေခဲ့ပါတယ်... ဗီယက်နမ်ပြန်ဖို့ရက်နီးလာတဲ့အထိကျောင်းက သမီးလေးဝင်ခွင့်စာမေးပွဲအတွက် မဆက်သွယ်တာမို့ ကျမကဘဲ သမီးလေးကို ဝင်ခွင့်စာမေးပွဲကြိုစစ်ပေးထားဘို့ တောင်းဆိုရပါတယ်... သူတို့ကျောင်းရဲ့ထုံးစံအရ လျှောက်လွှာစောတင်ထားသူတွေ အရင်နှစ်တွေထဲက waiting listနဲ့စောင့်နေသူတွေကို အရင်ခေါ်ဖို့စီစဉ်ထားတာ... ဒါပေမဲ့ ခလေးကသိပ်တော်နေရင်တော့ ဒီအချက်တွေမကြည့်ဘဲ ကျောင်းဝင်ခွင့်ပြုမှာဖြစ်တယ်လို့ ပြောတာကြောင့် သမီးလေးကိုယုံကြည်ပြီး ဝင်ခွင့်ကြိုဖြေခွင့်ပြုဖို့... နောက်မှ တခြားဖြေတဲ့သူတွေနဲ့ ယှဉ်ရွေးဖို့ တောင်းဆိုလိုက်တာပါ...

ဝင်ခွင့်ကြိုဖြေခွငိ့ပြုလိုက်တာက ကျမတို့်အတွက်ကောင်းသွားတာပါ... မပြန်ခင်တစ်ရကိအလိုမှာသမီးလေး ဝင်ခွင့်သွားဖြေရပါတယ်... အထက်တန်းတက်မှာမို့ သားလေးဖြေတုန်းကထကိ ပိုကြာပါတယ်..၃နာရီလောက် စာဖြေခန်းအပြင်မှာ စောင့်နေခဲ့ရတယ်... သမီးလေးစာဖြေခန်းကထွက်လာတော့ စာစစ်တဲ့ထဲက ဆရာမတစ်ယောက်နဲ့စကားပြောရင်း ကျောင်းရဲ့ရုံးခန်းက သမီးလေးတက်ခွင့်ရဘို့ဖိုမသေချာကြောင်း အရှေ့မှာ နှစ်နဲ့ချီပြီးစောင့်နေတဲ့ ကျောင်းသားတွေကိုဦးစားပေးရမှာဖြစ်တဲ့အကြောင်းပြောထားတာတွေ ပြန်ပြောပြလိုက်ပါတယ်... အဲဒီဆရာမလေးက စိတ်မပူဘို့နဲ့ ဝင်ခွင့်အဖြေလွှာရဲ့ရလာဒ်ကိုဘဲ ကြည့်ပြီးရွေးချယ်မှာဖြစ်တဲ့အကြောင်းပြောပြီး သမီးလေးရဲ့အဖြေလွှာကို သူဘဲယူထားမယ်လို့ပြောတော့ အနည်းငယ်စိတ်အေးရပါတယ်...သူ့ရဲ့ အီးမေးလ်လိပ်စာလဲပေးလိုက်ပါတယ်....

ဒါပေမဲ့တပတ်ကြာတဲ့အထိမဆက်သွယ်တော့ စိတ်ပူမိပြီး အဲဒီကျောင်းနဲ့ပတ်သက်နေတဲ့သူတစ်ယောက်နဲ့ရင်းနှီးတဲ့သူငယ်ချင်းတစ်ယောက်ကိုပြောပြမိတော့ သူက မေးကြည့်ပေးပါတယ်... အဖြေကတော့ စောင့်နေဘို့ပ်ါဘဲ... မေးကြည့်ပေးတဲ့သူငယ်ချင်းကိုလည်း ကျေးဇူးတင်ပါတယ်... ဘာမှမသိရတာထက်စာရင် သတင်းလေးမေးလို့ရတာက စိတ်သက်သာရာရစေပါတယ်...
နောက်တပတ်အထိမဆက်သွယ်တာမို့ ဝင်ခွင့်ဖြေပြီး နှစ်ပတ်မြောက်တဲ့နေ့မှာ ကျမဘယ်လိုမှငြိမ်ငြိမ်လေးထိုင်မစောင့်နိုင်တော့ဘဲ ကျမနဲ့စကားပြောထားတဲ့ စာစစ်တဲ့ဆရာမဆီကို အီးမေးလ်လှမ်းပို့လိုက်ပါတယ်...အဲဒီဆရာမက နောက်တနာရီမှာစာပြန်ပါတယ်... သူတို့မှာ ဝင်ခွင့်လျှောက်တဲ့သူအရမ်းများလို့ အချိန်ယူစိစစ်နေရကြောင်း... သို့ပေမဲ့ သမီးလေးက ဖြေထားတဲ့သူတွေထဲက အတော်ဆုံးစာရင်းထဲမှာပါနေကြောင်း... ခဏထပ်စောင့်ပေးဘို့နဲ့ သူပြန်ဆက်သွယ်မဲ့အကြောင်းဖြစ်ပါတယ်... သမီးလေးကတော့ အေးအေးဆေးဆေးပါဘဲ... ကျမကသာစိတ်တွေပူနေတာ... အဲဒီကျောင်းသာဝင်ခွင့်မရရင် တခြားကျောင်းတစ်ကျောင်းထပ်ရှာဘို့အချိန်မရှိတော့သလို ကြုံရာကျောင်းမှာလဲမထားချင်တာမို့ ဗီယက်နမ်မှာဘဲ ဆက်ထားလိုက်တော့မယ်လို့ကို ကြိုတင်စဉ်းစားထားလိုက်တော့တာ... သမီးလေးကျောင်းကနေ တခြားကျောင်းပြောင်းဘို့ ဝင်ခွင့်ဖြေထားတဲ့ခလေးတစ်ချို့ ဝင်ခွင့်အောင်တဲ့သတင်းရလို့ အတန်းထဲမှာ ထခုန်တယ်လို့ သမီးလေးပြန်ပြောပြတော့ သမီးလေးများစိုးရိမ်နေမလားလို့ ကျမကခဏစောင့်ဖို့ဖြောင်းဖျတော့ သူက ရပါတယ်လို့ဘဲပြန်ပြောတယ်....

ပြန်စာရပြီး နှစ်ပတ်အကြာ မိသားစုတွေအတူထိုင်စကားပြောနေတုန်း ဖုန်းသံမြည်လို့်ဖွင့်ကြည့်တဲ့အခါ ကျောင်းကအီးမေးလ်ဖြစ်နေတယ်... ဒါဟာ ဝင်ခွင့်ရလာဒ်ဆိုတာ တန်းသိလိုက်ပါတယ်... စာဖတ်အပြီးမှာ သမီးဝင်ခွင့်ရပြီ ကျောင်းအပ်လို့ရပြီလို့ ပြောလိုက်တော့ အိုကေ လို့ဘဲတခွန်းပြန်ပြောတယ်... ဒါနဲ့ကျမက သမီးသူငယ်ချင်းလိုလဲထမခုန်ပါလားဆိုတော့ သူကသိပြီးသားဆိုဘဲ... ပြီးတော့ ပြောလိုက်သေးတယ်...

"သမီးလိုလူကိုသူတို့လက်မခံဘူးဆိုရင်သူတို့အတွက်ဆုံးရှူံးမှူကြီးဖြစ်သွားမှာပေါ့" တဲ့ :D :D :D󾌰󾌰󾌰

Monday, May 18, 2015

၁၁၊၀၅၊၂၀၁၅

ရင်ထဲမှာစိုးရိမ်ခြင်း စိတ်မကောင်းခြင်းများစွာဖြင့် နေမထိထိုင်မသာ... ခလေးတွေကိုကျောင်းပို့်ပြီး အိမ်ပြန်ရောက်ကထဲက သူ့နဲ့ကိုယ်အပြန်အလှန်မက်ဆေ့တွေပို့နေကြသည်... တစ်ယောက်နဲ့တစ်ယောက်လိုအပ်လို့ နှစ်ဦးသဘောတူ အိမ်ထောင်တစ်ခုတည်ထောင်ခဲ့ကြတာမို့ ခုလိုအချိန်မျိုးမှာ သူကိုယ့်ကိုပိုလို့နေအပ်နေမှာအသေအချာ...

သူအရေးပေါ်ခွဲစိတ်ရမည်ဆိုမှ ကိုယ့်ပတ်စပို့သက်တမ်းက ဗီဇာလျှောက်ဘို့ အဆင်မပြေတာမို့ သက်တမ်းတိုးပြီးမှဗီဇာလျှောက်ဘို့ ပြင်ရသည်... သက်တမ်းတိုးအပြီးမှာ ခလေးတွေကျောင်းက စာမေးပွဲတွေရှိနေတာမို့ ဆွေမရှိမျိုးမရှိ တနယ်တကျေးမှာနေထိုင်နေသူများအတွက် ခလေးတွေကိုထားခဲ့လို့လည်းမဖြစ်နိုင်တာကြောင့်
ကိုယ်လိုက်သွားလို့မဖြစ်နိုင်တော့... အရေးပေါ်ခွဲစိတ်စရာမလိုဘဲ အချိန်တခုများစောင့်လို့ရပါခဲ့လျှင် အဆင်ပြေအောင်စီစဉ်လို့ရနိုင်ပေမဲ့ ဆရာဝန်က အချိန်တွေအများကြီးမစောင့်စေချင်ခဲ့... ဟိုးအရင်ထဲကခွဲစိတ်ကုသသင့်တာကို အလုပ်တွေဦးစားပေးပြီးရက်ရွှေ့ခဲ့တာများပြီမို့ ဒီတခါရွှေ့မရတော့....


ခုတော့စိတ်မကောင်းဖြစ်ရုံ.. စိတ်ပူနေရုံထက် ဘာမှမတတ်နိုင်တာမို့ ဝမ်းနည်းစွာငိုကြွေးမိသည်... သူကတော့ စိတ်မပူဘို့ ပြောရင်း သူဆေးရုံတက်ဘို့ စာရင်းသွင်းချိန်... ဆေးရုံမှာသူနေရမဲ့အခန်းနံပါတ် .. တခုပြီးတခု ကိုယ့်ဆီ သတင်းပို့နေခဲ့သည်... အစစအရာရာ အဆင်ပြေကြောင်း သူက ကိုယ့်ကိုပြန်အားပေးနေခဲ့သည်...
သူခွဲခန်းထဲဝင်တော့မည်... သတိရတာနဲ့ မက်ဆေ့ပို့မည်ဆိုသောအခါ ရင်ထဲမှာ အတိုင်းအဆမဲ့ စိုးရိမ်စိတ်တွေက ပိုလို့ကြီးစိုးလာခဲ့သည်... ခလေးများနှင့်အတူ သူ့အတွက်ဆုတောင်းနေရင်း စားလို့်လဲမရ... အိပ်လို့လဲမပျော်... ခွဲစိတ်ခြင်းအောင်မြင်ဘို့... တစုံတရာချွတ်ချော်ခြင်းမဖြစ်ဘို့ တချိန်လုံးဆုတောင်းနေခဲ့ရသည်...

 နောက်ဆုံးမက်ဆေ့ရပြီး ၆နာရီကျော်အကြာမှာ သူ့ဆီက မက်ဆေ့ဝင်လာခဲ့သည်... ပိုက်တွေတန်းလန်းမို့ စာရိုက်ရအဆင်မပြေကြောင်း... သူနေကောင်းကြောင်း စာတိုလေးတွေရေးအပြီးမှာ သူ့လုပ်ငန်းတခုရဲ့ အကောင့်ကိုစစ်ပေးဘို့ ပြောလာသည့်အခါ ကျမစိုးရိမ်စိတ်တွေ တဝက်လောက်လျော့ကျသွားတော့သည်... သူနေကောင်းတာသေချာပြီ... ကျမစိတ်မပူအောင်ပြောနေခြင်းမဟုတ်ကြောင်း ကျမယုံကြည်လိုက်ရပြီ... သူသည် စီးပွါးရေးသမားစစ်စစ်ဖြစ်သည်... သူ့အလုပ်ကိစ္စတွေက သူ့ခေါင်းထဲအမြဲရှိနေတာမို့ သူ့ကိုယ်အင်္ဂါအစိတ်အပိုင်းတွေ ပုံမှန်လည်ပတ်လျှက်ရှိကြောင်း ကျမသိလိုက်ရပြီ...
စိုးရိမ်စိတ်တွေလျော့ပါးသွားပေမဲ့ ကျမဆုံးဖြတ်ချက်ချလိုက်ပါသည်... နောက်တခါ ဒီလိုအရေးပေါ်ကိစ္စမျိုး ထပ်မံကြုံတွေ့ခဲ့ရပါလျှင် သူ့နောက်မရရအောင်လိုက်သွားပါမည်ဟု။

Sunday, March 8, 2015

ကိုယ့်အတွက်၂၀၁၅ရဲ့နှစ်ဦး

၂၀၁၅ ရဲ့နှစ်ဦးကို အရောင်နဲ့တင်စားရမယ်ဆိုရင် ကိုယ့်အတွက်တော့ အနက်ရောင်စစ်စစ်သာဖြစ်နေခဲ့...
 ဖြူလွလွအရောင်လေးကို လှမ်းအကိုင်မှာ ကိုယ့်လက်နဲ့ထိချိန်မှ အနက်ရောင်ရုတ်တရက်ပြောင်းသွားခဲ့... အညိုရောင်မြေလမ်းလေးက ကိုယ်ခြေအချမှာ အနက်ရောင်ဖုံးကာ မှောင်မိုက်သွားခဲ့ပြန်...
 နှစ်သစ်ရဲ့အဝါရောင်ပန်းပွင့်လှလှလေးတွေကို ခြေဖျားထောက်လှမ်းဆွတ်ယူပြီးမှ ကိုယ့်လက်ထဲရောက်တဲ့အခါ အနက်ရောင်ပန်းတွေဖြစ်သွားခဲ့...
 ဘာကိုမှမထိမကိုင်ရဲ ဘယ်ကိုမှမသွားရဲတော့အောင် ပြောင်းလဲသွားမဲ့အနက်ရောင်တွေကိုကြောက်လန့်နေရင်း ၂၀၁၅က ကိုယ့်ကိုတုတ်နှောင်သွားခဲ့ပြီ...

၂၀၁၅ရဲ့နှစ်ဦးကို ခံစားမှူနဲ့နှိူင်းယှဉ်ပြရမယ်ဆိုရင် ကိုယ့်အတွက်တော့နာကျင်မှူတွေဘဲ... ဦးစပ်မှခြေဖျားထိ... ဆံပင်အဖျားမှ ခြေသည်းအဆုံးထိ နေရာမလပ်နာကျင်နေလေရဲ့... နာကျင်မှူတွေကိုကြိတ်မှိတ်မြိုချရင်း ဘေးပတ်ဝန်းကျင်ကိုလှမ်းကြည့်မိတဲ့အခါ ကိုယ့်အကြည့်ခံရတဲ့ ပျော်ရွှင်စွာဆော့ကစားနေတဲ့ ခလေးငယ်လေးက ရုတ်တရက်နာကျင်စွာအော်ဟစ်ငိုကြွေးလေတယ်...

 က်ိုယ့်မျက်နှာအလွှဲမှာ ခလေးငယ်ကိုချော့မြှူဖို့အပြေးရောက်လာတဲ့ ခလေးမိခင်နဲ့မျက်နှာချင်းဆိုင်မိ...
သူမရုတ်တရက် ကြမ်းပြင်ပေါ်လဲကျ နာကျင်စွာလူးလှိမ့်... ဘယ်သူ့ကိုမှမကြည့်ရဲတော့... ကိုယ့်ရဲ့နာကျင်မှူတွေ တခြားသူဆီမကူးစက်စေဘို့ ၂၀၁၅က ကိုယ့်ကို အိပ်ခန်းကျဉ်းထဲမှာ အကျယ်ချုပ်ထားခဲ့ပြီ....

၂၀၁၅ရဲ့နှစ်ဦးကိုအရသာတစ်မျိုးနဲ့ဥပမာပြရပါလျှင် ကိုယ့်အတွက်တော့ခါးသီးခြင်းပါဘဲ...

 မြည်းစမ်းကြည့်သမျှအရာရာခါးလွန်းနေတော့တာ....
 ခံတွင်းထဲဝင်လာသမျှ ခါ်းလို့သာနေခဲ့... 
မိတ်ဆွေတွေနဲ့စားဝိုင်းဖွဲ့လေတိုင်း ဒါလေးကောင်းလိုက်တာ ဆိုသမျှ ကိုယ့်အတွက်တော့ခါးလွန်းနေတာ... ဘာကိုမျှစားချင်စိတ်မဖြစ်အောင်ထိန်းသိမ်းရင်း ၂၀၁၅ဟာ ကိုယ့်ကိုဆာလောင်ငတ်မွတ်စေခဲ့ပြီ...

၂၀၁၅ရဲ့နှစ်ဦးမှာ ကြားရသမျှဟာ ပေါက်ကွဲသံတွေသာဖြစ်နေခဲ့...

 သေနတ်ပစ်သံ...ဗုံးပေါက်သံတွေက အိပ်မရအောင်နှိပ်စက်နေခဲ့...
 ကျေးလက်ရိုးရာတေးလေးတွေနားထောင်ဘို့ ကတ်ဆက်ခလုပ်ကိုနှိပ်လိုက်တဲ့အခါ ရုတ်တရက်ကြားလိုက်ရတဲ့ပေါက်ကွဲသံတွေကြောင့် အရုပ်ကြိုးပြတ်လဲကျ...
 ဘုရားကျောင်းထဲက ဓမ္မတေးသံကြားချင်စိတ်နဲ့ ယောင်လည်လည်ရောက်သွားတဲ့အခါ နားထဲမှာ ပေါက်ကွဲပြိုလဲသံတွေသာဖုံးလွှမ်းသွားခဲ့...
 ဘာသံမှမကြားရဲတော့အောင် ၂၀၁၅ဟာ ကိုယ့်အကြားအာရုံတွေကို ဖျက်စီးထားခဲ့...

၂၀၁၅ရဲ့နှစ်ဦးဟာ ပုတ်အတ်အတ်အနံ့တွေနဲ့ဆီးကြိုနေခဲ့လေရဲ့...

 စွဲစွဲမြဲမြဲသုံးလာတဲ့ အီစီမီယာကီ ရေမွှေးပုလင်းက အပုတ်နံ့တွေထွက်လာတဲ့အခါ လန့်ဖြန့် ပြီးပေါက်ခွဲမိခဲ့...
 ကော်ဖီနံ့မွှေးမွှေးလေးဟာ ပုတ်အတ်တဲ့အနံ့တွေပြောင်းလဲသွားခဲ့...
 စားသောက်ဆိုင်တွေနားကအဖြတ် ရနေကျရနံ့မွှေးမွှေးတွေအစား အပုတ်နံ့တွေသာ ရှူရှိူက်ခဲ့ရ.... ၂၀၁၅ရဲ့နှစ်ဦးဟာ မွှေးရနံ့တွေကိုပုတ်ပျက်သွားစေခဲ့တယ်...

၂၀၁၅ရဲ့ကျန်တဲ့အချိန်တွေကို ဘယ်လိုခွန်အားတွေနဲ့ဆက်လှမ်းရပါ့မလဲ...


Rose of Sharon

Friday, February 6, 2015

သမီးလေးမွေးနေ့

(ဖေ့ဘွတ်မှာဘဲဖုန်းနဲ့ရေးတင်ဖြစ်ပြီးဘလော့မှာမတင်ရသေးလို့ပါ... ဘလော့လေးခြောက်ကပ်နေလို့ တင်လိုက်ခြင်းပါ)







ဒီနှစ်သမီးလေးရဲ့မွေးနေ့ကတနင်္ဂနွေနေ့ကျတာမို့ သူ့ကျောင်းကသူငယ်ချင်းတွေနှင့်သောကြာနေ့ထဲက သူ့မွေးနေ့လေးကျင်းပပြီးခဲ့ပြီဖြစ်သည်... ကျောင်းကနေ့တဝက်လွှတ်တာမို့ ကျောင်းကအပြန်သူငယ်ချင်းများနှင့်မွေးနေ့အမှတ်တရပွဲလေးကျင်းပဖို့ သူ့ဟာသူစီစဉ်ခဲ့ခြင်းဖြစ်သည်...
ကျောင်းအပြန်မှာ သမီးနှင့်အတူ သူ့သူငယ်ချင်းမလေးများကို ကားဖြင့်ကြိုလျှက် အိမ်နားက ဈေးဝယ်စင်တာသို့ ပို့ပေးပြီး ကျမကအောက်ထပ်မှာ ကော်ဖီသောက်ရင်းထိုင်စောင့်နေခဲ့သည်...
ကော်ဖီသောက်ရင်း သမီးလေးရှစ်နှစ်အရွယ်ကအကြောင်းကိုသတိရပြီးပြုံးမိသွားသည်...
သူရှစ်နှစ်အရွယ် သောကြာနေ့တရက် ကျောင်းကပြန်အလာမှာ သူ့သူငယ်ချင်းနှင့်စနေနေ့ချိန်းထား၍ လိုက်ပို့ပေးဖို့ပြောလာသည်...
သေချာရဲ့လားသမီးရယ်ဆိုတော့ ခပ်တည်တည်နှင့် သေချာတယ် မနက်ကိုးနာရီတိတိ စီဒိုးနားဟိုတယ်ကရေကူးကန်မှာဆုံဖို့ချိန်းခဲ့တာလို့ပြန်ဖြေသည်...
ကျမတို့ဇနီးမောင်နှံနှစ်ယောက်မှာ ဟုတ်မှဟုတ်ရဲ့လားလို့ တစ်ယောက်မျက်နှာတစ်ယောက်ကြည့်ရင်း သမီးလေးအလစ်မှာ ဘယ်လိုလုပ်ရမလဲတိုင်ပင်ကြရသည်... နောက်တော့ ဘာဘဲဖြစ်ဖြစ်လိုက်ပို့ပေးလိုက်ပြီး တကယ်ဟုတ်မဟုတ်စောင့်ကြည့်ရန်..တကယ်မဟုတ်ပါကလည်း ရောက်လက်စနှင့် ရေဆင်းကူးခိုင်းလိုက်မည်ဆုံးဖြတ်လိုက်ကြသည်...
နောက်နေ့ချိန်းထားသည့်အချိန်မှာ သူ့သူငယ်ချင်းမလေးက တကယ်ကိုရောက်လာခဲ့ပါသည်.. သူ့မိဘများကလည်း မယုံရဲရဲနှင့်လိုက်ပို့ရခြင်းဖြစ်ကြောင်း ရီမောပြောဆိုကြရင်း မိဘချင်းပါမိတ်ဆွေများဖြစ်သွားခဲ့သည်... နောက်ပိုင်းမှာတော့ သမီးလေးကို သူငယ်ချင်းများနှင့်တွေ့ဘို့ချိန်းလျှင် မိဘထံမှာအရင်ခွင့်တောင်းရမည်ဖြစ်ကြောင်း နားလည်အောင်ရှင်းပြသွန်သင်ခဲ့ရသည်..
အစောကြီးစကားပြောတဲ့အပြင် ပြောတဲ့စကားတွေက ပီသနေတဲ့အခါ ကျမအံ့သြရင်း သမီးလေးသည် ဘာသာစကားတွင်ထူးချွန်သူဖြစ်လေမလားဟု မှန်းဆကြည့်ခဲ့ဖူးသည်...
သူ၂နှစ်သမီးအရွယ်မှာ အိမ်အကူကောင်မလေးက မီးမီးရေ ..အပြင်သွားဖို့နပ်နပ်လာစီးဟုပြောသည့်အခါ အဲဒါနပ်နပ်မဟုတ်ဘူး..ဖိနပ်လို့ခေါ်တယ်..မှတ်ထားနော်ဟုပြောသောအခါ် လူကြီးတွေက သဘောကျရီမောခဲ့ရဖူးသည်...
အရောင်တွေမှာ အဖြူ..အနီ..အစိမ်း..အပြာ ဆိုပြီး အရှေ့က'အ'ထည့်ခေါ်တာမို့ ပန်းရောင်ကိုလည်း အပန်းရောင်လို့ခေါ်ရမည်ဟုဆိုလျှက် သူ့ဟာသူပြင်ခေါ်ခဲ့ဖူးသည်...
မြန်မာတွေဟာ heart shapeကို အသည်းပုံလို့ခေါ်တာမှားတယ်... အသည်းဆိုတာ liver ဟုပြောသောအခါ ဟုတ်သားဘဲလို့သဘောတူခဲ့ရသည်.. ရန်ကုန်ခဏပြန်ချိန်တွေမှာ နိုင်ငံခြားမှာနေပေမဲ့ မြန်မာလိုကျွမ်းကျင်စွာပြောဆိုနိုင်သောသမီးလေးကို အိမ်နီးချင်းအချို့က မြန်မာစာပေါမောက္ခဟု ချစ်စနိုးခေါ်ခဲ့ကြသည်...
အခုအသက်၁၃နှစ်ပြည့်ချိန်မှာ သမီးလေးက မြန်မာ..အင်္ဂလိပ်နှင့်ပြင်သစ်ဘာသာစကားကိုကျွမ်းကျင်စွာပြောဆိုနိုင်သလို အီတလီစကားလည်းအတော်လေးပြောဆိုနေနိုငိပြီဖြစ်သည်... လွန်ခဲ့တဲ့တလကရသည့်ကျောင်းရီပို့ကတ်မှာလည်း ဘာသာစုံ excellentရသည့်အတွက်ဂုဏ်ယူခဲ့ရသည်...
ထူးချွန်ထက်မြက်သည့်သမီးလေး ဆယ်ကျော်သက်အရွယ်သို့ရောက်လာပြီမို့ စိုးရိမ်စိတ်ကလည်းနေ့စဉ်နှင့်အမျှစိုးမိုးလျှက်ရှိသည်... သမီးလေးအပေါ်င်းအသင်းမှားမှာ... အားမကျသင့်တာတွေကိုအားကျမှာ ကျမစိုးရိမ်လှပါသည်...
သမီးလေးရဲ့ဆယ်ကျော်သက်ဘဝကို မိဘဆွေမျိုးအသိုင်းအဝိုင်းရဲ့ နွေးထွေးတဲ့အကြင်နာမေတ္တာရိပ်မှာ ဖြတ်သန်းနိုင်ဖို့ ကျမတောင်းဆုပြုခဲ့ဖူးပါသည်... ထိုဆုတောင်းလေး မကြာခင်ပြည့်ဝတော့မည်မို့ ဝမ်းသာကြည်နူးရပါသည်...
သမီးလေးသည်ဘုရားပေးသောဆုဖြစ်သည်
သမီးလေးသည်ကျမရဲ့ကမ္ဘာဖြစ်သည်
သမီးလေးသည်ကျမဘဝရှင်သန်းခြင်းအကြောင်းရင်းဖြစ်သည်
ကျမဘဝထဲသို့ဝင်ရောက်လာခဲ့သောသမီးလေးအားကျမသမီးလေးဖြစ်လာခြင်းအတွက်ကျေးဇူးအထူးတင်ပါသည်
သမီးလေးလျှောက်လှမ်းရမဲ့ရှေ့အသက်တာခရီးမှာ ထာဝရဘုရားထံမှ ကောင်းကြီးမင်္ဂလာများ ကြွယ်ဝစွာ အစဉ်သဖြင့်ရရှိနိုင်စေရန်ဆုတောင်းရင်း
ဆယ်ကျော်သက်သမီးတစ်ယောက်၏မိခင်ဘဝကိုယနေ့(၂၁.၁၂.၂၀၁၄)မှစ၍အစပြုပါတော့မည်...
Rose Of Sharon

Monday, November 10, 2014

ဆယ်ကျော်သက်ရင်ခုန်သံ (ပစ်ကလေးရဲ့တဂ်ပို့စ်)



အပေါင်းအသင်းများစွာရှိခဲ့ဖူးပါသည်… ထိုအပေါင်းအသင်းများကိုစစ်မှန်စွာခင်တွယ်လျှက် သူတို့တောင်းသောအကူအညီမှန်သမျှကို တတ်နိုင်သလောက်ဖြည့်ဆည်းပေးခဲ့ပါသည်… ထိုသူငယ်ချင်းများစွာထဲမှ ဝေဆိုသောသူမကို ဘယ်သောအခါမှမေ့နိုင်တော့မည်မထင်….
..........................................................................

 ဆယ်တန်းကျောင်းသူကျောင်းသားများဖြစ်သောကျမနှင့်တိုးက အထက်တန်းကျောင်း၂ကျောင်းသာရှိသော မြို့နယ်လေးမှာ တစ်ကျောင်းစီတက်ရင်းဆုံစည်းခဲ့ကြခြင်းဖြစ်သည်…
တိုးကသူငယ်ချင်းဝေနှင့်တစ်ကျောင်းထဲဖြစ်သလို တစ်ရပ်ကွက်ထဲနေ အိမ်နီးချင်းများဖြစ်သည်…ထိုရပ်ကွက်လေးထဲမှ ကိုယ့်အတန်းဖော်သူငယ်ချင်းတစ်ယောက်နှင့်သူတို့ကသိနေပြန်ကာ အချိန်တိုအတွင်းမှာရင်းနှီးသွားခဲ့ရသည်… အတန်းဖော်သူငယ်ချင်းမိတ်ဆက်ပေးမှုကြောင့် ရင်းနှီးခဲ့ရသောဝေနှင့် ကိုယ်ကငယ်ပေါင်းတွေလိုအချိန်တိုအတွင်းခင်မင်ခဲ့ရခြင်းမှာ
 ဝေ့ရဲ့ပွင့်လင်းဖော်ရွေမှုတွေကြောင့်ဖြစ်မည်ထင်ပါသည်…
ကိုယ်တက်နေတဲ့ကျူရှင်နဲ့ဝေတို့အိမ်ကနီးသည်မို့ ကျူရှင်မတက်ခင်သူ့အိမ်သို့အမြဲဝင်လည်စေချင်သောဝေကြောင့် အိမ်ကအမြဲစောထွက်လျှက် ဝေနားမလည်သောစာတွေကိုရှင်းပြပြီး တခါတရံဝေတို့အိမ်ရှေ့မှာစကားရပ်ပြောနေလေ့ရှိသည်…
ထိုသို့စကားရပ်ပြောနေချိန်တိုင်း ဝေတို့အိမ်နား ယောင်လည်လည်ရောက်ရောက်လာတတ်သော တိုးကိုကျမသတိထားမိသွားသည်... သူ့သူငယ်ချင်းတစ်ချို့နှင့်ဝေတို့အိမ်နားမှာ ကျောင်းပိတ်ရက်တိုင်း ခြင်းလာခတ်လေ့ရှိသော၊
 ဝေတို့အိမ်နားကမုန့်ဆိုင်နားမှာ မကြာခဏတွေ့ရတတ်သော တိုးကို ကိုယ်သတိထားမိချိန်မှာ လှမ်းကြည့်တတ်တဲ့တိုးမျက်ဝန်းလေးတွေကို အလိုလိုအဓိပ္ပါယ်ဖော်တတ်သွားခဲ့ပြီ… တိုးနှင့်သူ့သူငယ်ချင်းတစ်စု ကိုယ်တို့စကားပြောနေတဲ့အချိန်ဘေးကဖြတ်သွားတုန်း ကိုယ်မသိချင်ယောင်ဆောင်နေတဲ့အခါ “ချစ်ရတဲ့သူရေ…မျက်လုံးလေးများဝင့်ကာ…ခေါ်နေတာကိုလှည့်ကြည့်ပါဦး” လို့အနားကပ် သီချင်းလေးညည်းသွားတဲ့အခါ ကိုယ့်ရင်တွေတဖျက်ဖျက်ခုန်သွားရခြင်းရဲ့အကြောင်းရင်းကို ကိုယ်နားလည်လာတတ်ပြီ…နောက်ပိုင်းမှာ အသားလတ်လတ် အရပ်ရှည်ရှည် နှုတ်ခမ်းပါးလေးနှင့်တိုးကို ကိုယ်မတွေ့ရမနေနိုင်အောင်စွဲလမ်းလာမိမှန်း တိုးရိပ်မိသွားတဲ့အခါ
လျှောက်သံပြန်ပေးအဆင့်ကနေ သူထပ်တိုးလာခဲ့သည်… ဝေနှင့်ကိုယ်စကားရပ်ပြောတတ်သည့်အချိန်တိုင်း တိုးလဲရောက်လာခါ ကိုယ့်အနားလာရပ်ပြီး စကားတွေလာပြောတတ်တဲ့အခါ ဝေ့မိဘတွေမကြိုက်မှာစိုးမိသောကိုယ်က စကားရပ်မပြောတော့ဘဲ ကျူရှင်သို့တန်းသွားလိုက်တော့သည်... ထိုအခါတိုင်းမှာ သူအနားကကပ်ပါလာတာမို့ ခြေလှမ်းတွေပျက်လုလု…
အစ်ကိုတစ်ယောက်အမသုံးယောက်ရှိပြီး စည်းကမ်းကြီးတဲ့မိဘများကိုကြောက်ရသောကိုယ်က ဆယ်တန်းမအောင်ခင်ရည်းစားထားဘို့စိတ်မကူးရဲခဲ့ပါ… ကျူရှင်သွားတိုင်းအနားမှာကပ်ပါလာတတ်သောတိုးကိုမလိုက်လာနဲ့လို့လဲပြောမထွက်သောကိုယ့်မှာ ကြည်နူးခြင်း..ကြောက်ရွံ့ခြင်းတို့ရောထွေးလျှက် ရင်ခုန်သံတွေဆူညံနေခဲ့သည်…
တစ်ရက်မှာတိုးထံမှစာတိုလေးတစ်စောင်ကိုယ့်လက်ထဲရောက်လာခဲ့သည်… ကိုယ့်ကိုသူချစ်နေမိပြီဆိုတဲ့စာတိုလေးကိုရင်မှာအပ်လျှက် ကြည်နူးပျော်ရွှင်နေခဲ့တာ အတိုင်းအဆမဲ့စွာ… နှစ်ယောက်သားနားလည်မှုယူလိုက်ကြတာက ဆယ်တန်းစာမေးပွဲပြီးမှ ချစ်သူဖြစ်ကြောင်းအထိမ်းအမှတ် လျှောက်လည်ကြဖို့ဖြစ်သည်…
စာကျက်မပြတ်ဘို့ စာကြိုးစားဘို့ တစ်ယောက်ကိုတစ်ယောက်အားပေးရင်း စာမေးပွဲကြီးလည်းပြီးခဲ့ပြီ… စည်းကမ်းကြီးသောမိဘတွေကြောင့် ကျူရှင်တက်စရာမရှိတော့သောအခါ အပြင်ထွက်ဖို့အခွင့်မသာခဲ့သောကိုယ်က ဝေနှင့်သာတဆင့်ဆက်သွယ်ခဲ့ရသည်… သင်္ကြန်ပြီးရင်အောင်စာရင်းထွက်တော့မည်မို့ အောင်စာရင်းထွက်တဲ့နေ့မှာ သူငယ်ချင်းတွေနဲ့သွားတွေ့မည်ဟု အိမ်ကိုလိမ်ပြောကာ တိုးနှင့်လျှောက်လည်ဘို့ စီစဉ်ထားခဲ့မိသည်… လျှောက်လည်မည့်နေ့တွင်ဝေတို့အိမ်ရှေ့မှာဆုံပြီးအတူသွားကြဘို့ဖြစ်သည်…
ဝေ့ထံမှကြားရသောစကားအရ တိုးကရုပ်ရှင်လက်မှတ်ကြိုဝယ်ထားပြီးဖြစ်ကြောင်း… ရုပ်ရှင်ကြည့်ပြီးလျှင် ပန်းခြံတစ်ခုထဲက မုန့်ဆိုင်လေးမှာ နေ့လည်စာစားကြဖို့ စီစဉ်ထားကြောင်းသိရသည်… တိုးနှင့်အတူလျှောက်လည်ကြမည့်အရေးကို ရင်ခုန်စွာတွေးတောလျှက် မအိပ်ဖြစ်ဘဲမိုးလင်းခဲ့ရသည် …
မနက်စောစောထဲကတက်ကြွနေသောကိုယ့်ကိုအမေက သူငယ်ချင်းတွေနှင့်ခဏဘဲတွေ့ပြီး နေ့လည်စာချိန်အမှီအိမ်ပြန်လာခဲ့ဘို့မှာလိုက်သည်… ကိုယ်ကတော့ ဟုတ်ကဲ့ဟုလွယ်လွယ်နှင့်ပြန်ဖြေခဲ့ပြီး အိမ်ပြန်ရောက်မှ အဆူခံရင်ခံရပါစေဟုတွေးလိုက်သည်…
ချိန်းထားတဲ့အချိန်ထက်စောရောက်လာတဲ့ကိုယ့်ကို ဝေက အတော်ဘဲပြောစရာရှိတယ်…အိမ်ထဲမှာပြောမယ်ဟုဆိုကာ သူ့အိပ်ခန်းထဲခေါ်ပြီး ကိုယ်မမျှော်လင့်ထားတဲ့စကားကိုပြောတော့သည်…
“ငါလဲအရမ်းအံ့သြသွားတာ…သူ့ကိုအဲလိုမထင်ခဲ့ဘူးလေ… ရေပက်ခံကားပေါ်မှာဖြစ်ပျက်နေလိုက်တာဟယ်… လမ်းပေါ်ကခေါ်တင်လာတဲ့ကောင်မလေးနဲ့ .. ရွံဖို့ကောင်းလိုက်တာ”
……………………………………………………………………………….

ထိုနေ့ကကျမဝေ့ထံစောရောက်သွားခဲ့တာကံကောင်းသည်ဟု အချိန်အတော်ကြာသည်အထိယုံကြည်ထားခဲ့မိသည်…
 ဖြူစင်သောချစ်ခြင်းကိုသာလိုလားခဲ့သော ၁၆နှစ်သမီးတစ်ယောက်ရဲ့ ဆယ်ကျော်သက်အရွယ်ကို ညစ်ညမ်းမခံလိုသောကြောင့် တိုးရောက်မလာခင် အိမ်သို့အပြေးပြန်မိခဲ့သည်…
 ထိုသို့သောကောင်လေးနှင့် ရုပ်ရှင်ရုံမှောင်မှောင်ထဲမှာအတူကပ်ထိုင်ဘို့ မစဉ်းစားရဲတော့ပါ… ပန်းခြံထဲကနေ့လည်စာဆိုတာ ဘာအကြံအစည်နဲ့လဲဟုဆက်မတွေးရဲတော့…
သတင်းပေးသောဝေ့ကိုကျေးဇူးတွေတင်ရင်း  နောက်နေ့မှာကျေးဇူးတင်စကားပြောဘို့ကြိုးစားခဲ့ပေမဲ့
 ဝေနှင့်အဆက်အသွယ်မရတော့… ဖုန်းဆက်တိုင်းအိမ်မှာမရှိသည့်ဝေ့ကို ဖုန်းမဆက်ဘဲလည်းသွားမတွေ့ချင်… တိုးနှင့်ဆုံမိမှာစိုးသောကြောင့်လည်းဖြစ်သည်…
အချိန်တွေကြာလာပေမဲ့ဝေ့ကိုတခါတလေသတိရမိလေ့ရှိသည်…
မနှစ်ကရန်ကုန်ပြန်တော့ ဆယ်တန်းတုန်းကအတန်းတူသူငယ်ချင်းဖြစ်ခဲ့ဖူးသောသူငယ်ချင်းနှင့်ဆုံတွေ့ခဲ့သည်… မထင်မှတ်ထားသောနေရာမှာဆုံတွေ့ကြတာမို့ ရုတ်တရက်အံ့သြကာ လက်ရှိအခြေအနေတွေအကြောင်းတလှည့်စီစပ်စုဖြစ်ကြသည်…
သူငယ်ချင်းရောကိုယ်ရော အိမ်ထောင်ကျနေပြီး ခလေး၂ယောက်စီရှိနေကြပြီဖြစ်သည်… ရှေးဟောင်းနှောင်းဖြစ်တွေပြောကြရင်း တိုးလဲအိမ်ထောင်ကျနေပြီဖြစ်ကြောင်းသူပြောပြသည်…
နင်တို့ဘယ်လိုဖြစ်သွားတာလဲဟုရီရင်းမေးသည့်အခါ ကိုယ်က ချိန်းထားတဲ့နေ့မှာတင် မတွေ့ဖြစ်တော့တဲ့အကြောင်းပြောပြတော့ သူငယ်ချင်းကအလွန်အံ့သြသွားလျှက် ဝေကတကယ်ဘဲအဲလိုပြောခဲ့သလားဟုမေးသည်…
တကယ်ပြောတာလေ…ဘာလဲမယုံဘူးလားဆိုတော့သူက
“တိုးနဲ့နင်နဲ့အကြောင်းငါသိလိုက်ပေမဲ့ နင်ကပေါ်မလာတော့ဘဲ ဝေကတိုးကိုအရမ်းလိုက်ကပ်နေလို့ငါကအံ့သြနေတာ… ဒါနဲ့တိုးကိုငါက နင်နဲ့ကဘယ်လိုလဲလို့မေးတော့ နင့်မှာတခြားကောင်လေးတစ်ယောက်ရှိနေလို့ချိန်းထားတဲ့နေ့က နင်မလာခဲ့ဘူးတဲ့… သူအရမ်းကြေကွဲနေချိန်မှာ ဝေကသူ့ကိုအားပေးခဲ့လို့ သူဖြေသာတာတဲ့… ငါကသူ့မှာတခြားကောင်လေးတစ်ယောက်ရှိနေမှန်းနင်ဘယ်လိုလုပ်သိတာလဲဆိုတော့ ဝေပြောပြတာတဲ့”
ရုတ်တရက်ဘာပြန်ပြောရမှန်းမသိတော့အောင်ဆွံ့အသွားတော့သည်… သူငယ်ချင်းကတော့ သူအခုမှတွေ့လို့ ခုမှပြောပြဖြစ်တာ ခွင့်လွှတ်ပါတဲ့… 
” မလိုပါဘူးသူငယ်ချင်းရယ်… အခုချိန်မှသိရတာကျေးဇူးတင်ပါတယ်… ဒို့တွေလဲ ကိုယ့်အိမ်ထောင်နဲ့ကိုယ်ငြိမ်းချမ်းနေကြပြီဘဲ… ပြီးခဲ့တာတွေပြီးပါစေတော့…” လို့ပြန်ဖြေရင်း ဝေ့ကိုသတိရစိတ်တွေက ပိုမိုပြင်းထန်လာခဲ့သည်…
ဝေသည် ကိုယ်ဘယ်တော့မှမေ့ဖြစ်မှာမဟုတ်သော သူငယ်ချင်းဟောင်းတစ်ယောက်ဖြစ်လေသည်…..

Thursday, October 2, 2014

ယုံကြည်လွန်းခဲ့သော



ခုတလောမှာအတော်ကိုအလုပ်ရှုတ်နေခဲ့သည်။ သူငယ်ချင်းတွေနှင့်လည်းမတွေ့ဖြစ်ဘဲဖုန်းမက်ဆေ့နှင့်သာ သာကြောင်းမာကြောင်းမေးဖြစ်သည်။ဒီမနက်လည်း ခလေးတွေကိုကျောင်းဝင်ပို့ပြီးတာနှင့် တက်လက်စသင်တန်းအတိုလေးသို့သွားရဦးမည်။ခလေးတွေကျောင်းကအထွက်မှာ ဖုန်းမက်ဆေ့တစ်ခုဝင်လာခဲ့သဖြင့် ဖတ်ကြည့်လိုက်ရာ ဒီနိုင်ငံသူ သူငယ်ချင်းတစ်ယောက်က ကော်ဖီအတူသောက်ကြရအောင်ဟု ဆိုသည်။ ကိုယ်က သင်တန်းမဖျက်ချင်သဖြင့် မနက်ဖြန်မှတွေ့ကြရအောင်ဟု မက်ဆေ့ပြန်ပို့ခဲ့သည်။ ခဏနေတော့သူမကမက်ဆေ့ထပ်ပို့သည်။ ဒီနေ့ဘဲတွေ့ချင်ကြောင်းနှင့် သူ့မှာရင်ဖွင့်စရာပြသနာရှိနေကြောင်း ဖတ်လိုက်ရသောအခါ သင်တန်းပြီးလျှင်ဖုန်းဆက်လိုက်မည်ဟု အကြောင်းပြန်လိုက်သည်။
သင်တန်းသို့ရောက်သောအခါ သင်ခန်းစာထဲကိုမနဲအာရုံစိုက်နေရသည်။ အကြောင်းက သူငယ်ချင်းထံသို့ စိတ်ရောက်နေသောကြောင့်ဖြစ်သည်။ ထိုသူငယ်ချင်းသည် အသားဖြူဖြူ အရပ်အနေတော်နှင့် စိတ်ထားကောင်းလှသူဖြစ်သည်။ သူ့သားသမီးများကိုလည်း မေတ္တာနှင့် ဆုံးမတတ်သူဖြစ်ပြီး အနေအေးသူလည်းဖြစ်သည်။ အနောက်နိုင်ငံတစ်နိုင်ငံရှိတက္ကသိုလ်တစ်ခုမှဘွဲ့ရရှိခဲ့သူဖြစ်ပြီး လူမှုဆက်ဆံရေး ပြေပြစ်သူဖြစ်သည်။ အစဉ်သဖြင့် ပြုံးရွှင်နေလေ့ရှိပြီး သူ့မိသားစုကိစ္စများအား ကျမကိုရင်ဖွင့်လေ့ရှိပြီး တခါတရံ အကြံဥာဏ်တောင်းတတ်သေးသည်။
သူ့မှာဘာပြသနာတွေများရှိနေလဲ စိတ်ပူမိရင်း သင်တန်းပြီးတာနှင့်ဖုန်းလှမ်းဆက်ကာ စားသောက်ဆိုင်တစ်ဆိုင်မှာဆုံကြဘို့ချိန်းလိုက်သည်။ကိုယ်ကဆိုင်သို့အရင်ရောက်နှင့်ပြီး နောက်၅မိနစ်လောက်မှာသူရောက်လာခဲ့သည်။
စားသောက်စရာများမှာအပြီးမှာ ကျမကသာစကားစပြောရပြီး သူကတော့တိတ်ဆိတ်နေခဲ့သည်။
ဘာပြသနာဖြစ်လို့လဲဟုမေးသောအခါ စကားကိုအားယူပြီးသူစပြောလိုက်သည်။
“ငါ့ဆီကိုယောင်္ကျားတစ်ယောက်ဖုန်းဆက်တယ်”
ကျမရုတ်တရက်ကြောင်တောင်တောင်ဖြစ်သွားကာ “ဖုန်းဆက်ပြီးဘာပြောလို့လဲ”ဟုမေးလိုက်သည်။
ထိုမေးခွန်းအဆုံးမှာသူရုတ်တရက်ငိုချလိုက်သောအခါ ကျမဘာလုပ်ရမှန်းမသိဖြစ်သွားကာ သူ့ကိုဘာမှထပ်မမေးတော့ဘဲ သူစကားပြောနိုင်သည်အထိစောင့်ပြီးနားထောင်ဘို့ဆုံးဖြတ်လိုက်ကာ
အိတ်ထဲမှ facial tissueထုတ်ကိုမျက်ရည်သုတ်ဖို့လှမ်းပေးလိုက်သည်။
ခဏအကြာမှသူစကားစပြောတော့သည်။
“အဲဒီလူကငါ့ကိုဖုန်းဆက်ပြီးပြောတာ… ငါ့ယောင်္ကျားဖောက်ပြန်နေတယ်တဲ့”
ကျမရုတ်တရက်အလွန်အမင်းအံ့သြသွားကာ ဘာပြန်ပြောရမှန်းမသိတော့.. သူ့ယောင်္ကျားသည် ရိုးသားအေးဆေးပုံရကာ အလုပ်ကြိုးစားသူဖြစ်သည်။ဇနီးနှင့်သားသမီးများကို လိုလေသေးမရှိ ပြည့်စုံအောင်ထားနိူင်သူဖြစ်သည်။ တစ်လောက ထိုသူဦးစီးလုပ်ကိုင်လျှက်ရှိသောလုပ်ငန်းကို တခြားနိုင်ငံခြားကုမ္ပဏီကြီးတစ်ခုမှ ဝယ်ယူလိုက်ကြောင်းနှင့် သူကတော့ အလုပ်တွေ လက်ဆင့်ကမ်းလွှဲပြောင်းပေးရဖို့နောက်တစ်နှစ်လောက်ဆက်လုပ်နေရဦးမည်ဖြစ်ကြောင်း၊ အလုပ်သစ်ရှာရဦးမှာမို့ စိတ်ပူလျှက်ရှိကြောင်း သူပြောပြခဲ့ဘူးသည်။
“သူကငါ့ကိုဖုန်းဆက်ပြီးပြောတာ...ငါ့ယောင်္ကျားဖောက်ပြန်နေတာသူ့မိန်းမနဲ့တဲ့”
ဒီစကားအဆုံးမှာကျမဘုရားတမိကာ သူပြောနေတာဆက်နားထောင်ဖြစ်သည်။
“အဲဒီလူသိတာ၆လလောက်ရှိပြီတဲ့၊သူ့မိန်းမက ငါ့ယောင်္ကျားရဲ့ဝန်ထမ်းလေ၊သူကဖုန်းမက်ဆေ့ကနေမသကာင်္ဖြစ်ရာက စုံစမ်းလိုက်လို့သိရတာတဲ့၊
အဲဒီလူကငါ့ကိုပြောသေးတယ်၊ကိုယ့်ယောင်္ကျားဖောက်ပြန်နေတာ နဲနဲလေးမှမရိပ်မိဘူးလားတဲ့၊
စနေ၊တနင်္ဂနွေနေ့တွေမှာ နယ်ကရုံးခွဲတွေကိုသွားစစ်ရမယ်ပြောပြီးခရီးထွက်ထွက်သွားတာ သူတို့နှစ်ယောက် သက်သက်ချိန်းတွေ့ကြတာ၊ အလုပ်ကိစ္စမဟုတ်ဘူးတဲ့၊အခုအဲဒီယောင်္ကျားက သည်းမခံနိုင်တော့လို့ သူ့မိန်းမနဲ့ကွာရှင်းတော့မယ်တဲ့၊ သူတို့ရဲ့ကွာရှင်းစာချုပ်ကို ငါနဲ့ငါ့ယောင်္ကျးဆီemailပို့တယ်၊ငါ့ယောင်္ကျားကိုအဲဒီလူပြောတာတွေပြောပြတော့ သူဝန်ခံတယ်၊ ဒါပေမဲ့သူတို့ဇာတ်လမ်းအဆုံးသတ်ပြီးတာကြာပြီတဲ့”
သူ့စကားအဆုံးမှာသူထပ်ငိုနေသည်။ကျမသူ့လက်ကိုကိုင်ရင်း အားပေးစကားတွေပြောမိသည်။သူလဲခံစားရသမျှ ကျမကိုမျက်ရည်စက်လက်ဖြင့်ရင်ဖွင့်ကာ ဆိုင်ထဲမှာ အချိန်အတော်ကြာနေဖြစ်ခဲ့ကြသည်။
ကျမသူ့ကိုအားပေးရင်း အကြံဥာဏ်တစ်ချို့ပေးရင်း သူစိတ်ငြိမ်သက်လာပုံရသောအခါ ဆိုင်မှထွက်လာကာလမ်းခွဲနှုတ်ဆက်ရင်းအိမ်ပြန်လာခဲ့သည်။ အိမ်ရောက်တဲ့အခါ ကျမထိန်းထားသမျှ သူငယ်ချင်းအပေါ် သနားစိတ် ကိုယ်ချင်းစာစိတ်များဖြင့် မျက်ရည်ကျငိုမိလေတော့သည်။
ကျမသူငယ်ချင်းက သူ့ယောင်္ကျားအပေါ် သူ့စိတ်နှင့်နှိုင်းယှဉ်ပြီး စိတ်ချယုံကြည်ခဲ့သည်။သူ့ယောင်္ကျားက ထိုအချက်ကိုအခွင့်ကောင်းယူလျှက် အိမ်ထောင်ပြင်ပမှာ လွတ်လပ်စွာဖောက်ပြန်နေခဲ့သည်။
အေးချမ်းလွန်းသောကျမသူငယ်ချင်းခင်မျာ ဘာမှမသိရှာခဲ့၊ တစ်ဖက်အိမ်ထောင်က ယောင်္ကျားကသိသွားပြီး ပြသနာတွေဖြစ်၊ နောက်ဆုံးကွာရှင်းပြီးမှသာ သူမကနောက်ကျစွာသိခဲ့ရသည်။
သားသမီးကိုဦစားပေးချစ်တတ်သောသူမကို ယောင်္ကျားကိုလည်းဂရုစိုက်ပေးဖို့ကျမအကြံပေးခဲ့သည်။ အလုပ်ကိစ္စအတွက် စိတ်ဖိစီးခံနေရချိန်မှာ ဖောက်ပြန်ဘို့တွန်းအားတွေရရှိခဲ့ပုံရကြောင်း၊ ထိုသို့နောက်ထပ်ကြုံလာရလျှင် သူ့ဖိစီးမှုတွေကို နားလည်ခံစားပေးလျှက် အားပေးသင့်ကြောင်း၊ ယောင်္ကျားဆိုတာတခါတလေ ခလေးလိုဘဲ ဇနီးသည်အပေါ်မိခင်တစ်ယောက်လို ပြန်လည်မှီခိုချင်စိတ်ရှိတတ်ကြောင်း ၊ အရင်လိုမျက်စေ့မှိတ်မယုံကြည်နေတော့ဘဲ ဖုန်းမက်ဆေ့တွေ အီးမေးလ်တွေစစ်ဖို့ passwordသိထားသင့်ကြောင်း တတ်သလောက်မှတ်သလောက် အကြံပေးခဲ့ပါသည်။
ထိုသို့သာအကြံပေးမိသည်မှာလည်း သူကသူ့ယောင်္ကျားကိုဘယ်လောက်ချစ်သလည်းဆိုတာကျမကသိနေခြင်းကြာင့်ဖြစ်သည်။ သားသမီးအတွက် ဦးစားပေးတတ်သူမို့လည်း သားသမီးတွေ မိတကွဲ၊ဖတကွဲနေရဘို့အရေးကို သူဆုံးဖြတ်မှာမဟုတ်မှန်းကျမသိနေခဲ့သောကြောင့်ဖြစ်သည်။
ကျမကိုရင်မဖွင့်ခင်ထဲက သူကျနေသောမျက်ရည်တွေမှာ နာကျည်းမှုမပါသော ဝမ်းနည်းခြင်းသက်သက်မျက်ရည်များကြောင့် သူ့ယောင်္ကျားကို သူခွင့်လွှတ်နေပြီးဖြစ်ကြောင်း ကျမခံစားသိရှိနိုင်ခဲ့၍ဖြစ်သည်။
သူ့နေရာမှာကျမဆိုရင်ရောဟုတွေးမိသွားသည်။
အိုး… အဲလိုအဖြစ်မျိုးတွေ အတွေးထဲမှာတောင်မရှိပါရစေနဲ့…….

Friday, September 12, 2014

လေးဆယ်နိဒါန်း



အသက်လေးဆယ်ကို၂လကျော်ကျော်စွန်းခဲ့ပြီ…ဟိုးအရင်တုန်းက အသက်လေးဆယ်ကျော်ရင် ကိုယ်ပိုင်စီးပွါးရေးလုပ်ငန်းတစ်ခုနှင့်ရပ်တည်နေနိုင်ရမည်ဟု ရည်မှန်းထားခဲ့ဖူးသော်လည်း  ခုချိန်ထိ အိမ်ထောင်ရှင်မဆိုသော ရာထူးတစ်ခုသာ ကိုယ့်မှာရှိနေခဲ့သည်။ အရာရာ အချိန်ဇယားဆွဲအလုပ်လုပ်ခဲ့သူမို့ ဒီရည်မှန်းချက်ကိုအကောင်အထည်ဖော်ကိုဖော်ရမည်ဟူသော စိတ်ဆုံးဖြတ်ချက်​ကရင်ထဲမှာခိုင်မာနေခဲ့သည်။
အသက်လေးဆယ်ပြည့်ပြီမို့လည်း ထိုစိတ်ဆန္ဒက မေ့ထားလို့မရနိုင်လောက်အောင်နှိုးဆွနေလျှက်ရှိပြီး အကောင်အထည်ဖော်ဖို့ အချိန်သိပ်မရှိတော့သလိုခံစားရသည်။အိမ်ထောင်ရှင်မဘဝမှာ၁၅နှစ်ကျော်ကျေနပ်စွာဖြတ်သန်းခဲ့ပြီးကာမှ ဒီရည်မှန်းချက်ကိုအကောင်အထည်ဖော်ဘို့ရာ ဘယ်ကစရမှန်းမသိ။ မနှစ်ကအချိန်တွေအထိတော့ ကိုယ့်မှာအားလပ်ချိန်ဆိုတာတကယ်ကိုရှားပါးခဲ့သည်။ကိုယ်ပိုင်အချိန်များဖြစ်သော ခလေးတွေကျောင်းသွားချိန်များမှာတောင်ခလေးတွေနှင့်ခင်ပွန်းသည်ရဲ့ လိုအပ်ချက်များကိုသာ ဖြည့်ဆည်းဘို့ကြိုးစားရင်းအချိန်တွေ ကုန်မှန်းမသိကုန်သွားလေ့ရှိသည်။မနှစ်တုန်းကတော့ကိုယ်အတော်လေးကိုအလုပ်ရှုတ်နေခဲ့သည်။
ရန်ကုန်မှာတစ်နေ့ပြန်လည်အခြေချချိန်အဆင်သင့်ဖြစ်နေစေရန်ဆိုသောအတွေးနှင့် အနာဂတ်အတွက် ကြိုတင်ပြင်ဆင်မှုများပြုလုပ်ခဲ့သည်။ရန်ကုန်နှင့်ဗီယက်နမ်ကို ခလေးတွေကျောင်းပိတ်ရက်ရတိုင်း ကူးချည်သန်းချည်ပြုလျှက် စာချုပ်ပေါင်းများစွာ…ရုံးပေါင်းများစွာနှင့် ရှုတ်ယှက်ခတ်နေခဲ့သည်။ဗီယက်နမ်မှာလည်း အိမ်အပြောင်းအရွှေ့၊ ခလေးတွေကျောင်းအပြောင်းအရွှေ့နှင့် အားလပ်ချိန်ဆိုတာမရှိလောက်အောင် အရင်လိုကွန်ပျူတာရှေ့လဲမထိုင်ဖြစ်တော့။ ဖုန်းအင်တာနက်ကမြည်တဲ့ notificationတွေကိုတောင်ဖွင့်မဖတ်နိုင်ခဲ့လောက်အောင် ကိုယ်ရေးကိုယ်တာကိစ္စများက ကိုယ့်အချိန်တွေကို သိမ်းပိုက်ထားခဲ့သည်။
အခုတော့ ဗီယက်နမ်မှာ အိမ်အသစ်နဲ့နေသားကျနေပြီဖြစ်သလို ခလေးတွေလည်းကျောင်းအသစ်မှာအဆင်ပြေနေပြီ။ ရန်ကုန်မှာလည်း လုပ်စရာတွေပြီးလုပြီးခင်မို့ ခဏခဏပြန်စရာလည်းမလိုအပ်တော့တဲ့အခါ ဒီအတွေးကဝင်လာခဲ့ခြင်းဖြစ်သည်။ကိုယ့်ရည်မှန်းချက်ကို အကောင်အထည်ဖော်ဖြစ်ဖို့တော့ကြိုးစားရမည်ဖြစ်သည်။
အနောက်နိုင်ငံတွေမှာ အသက်လေးဆယ်မှဘဝစတယ်ဆိုတာကို ကိုယ်ကောင်းကောင်းကြီးလက်ခံလာနိုင်ခဲ့ပြီ။ တကယ်ကို ဘဝစလို့ကောင်းတဲ့ အချိန်အပိုင်းအခြားဖြစ်သည်။ အိမ်ထောင်ရေးမှာ ဇနီးမောင်နှံနှစ်ဦးအကြား အိမ်ထောင်သက်ကြာလာတဲ့အလျှောက် ပိုမိုရင်းနှီးပြီး တစ်ဦးနှင့်တစ်ဦး ပိုမိုနားလည်လာကြသောအချိန်ဖြစ်သလို ခလေးများကလည်း အရင်လို၂၄နာရီ မျက်စေ့ဒေါက်ထောက်ကြည့်နေစရာမလိုတော့တဲ့ အရွယ်တွေရောက်လာခဲ့ပြီ။ သူတို့ရဲ့ကျောင်းသွားချိန်တွေမှာ ကိုယ့်ဘဝကိုစတင်ဘို့ ကိုယ်ပိုင်အချိန်တွေတကယ်ကိုရလာခဲ့ပြီ။
ဘဝဆိုတာ နေတတ်ရင်ကျေနပ်စရာဆိုတာ တကယ်ကိုလက်တွေ့ပါဘဲ။ခလေးတွေကိုအရိပ်တကြည့်ကြည့်ထိန်းကျောင်းနေရချိန်များမှာလည်း ကြည်နူးစွာထိန်းကျောင်းခဲ့ပြီး သူတို့အတွက်သာ၂၄နာရီလုံးအချိန်ပေးလျှက် သူတို့အနားမှာနေရင်း ရင်မှဖြစ်သောထိုခလေးငယ်များ၏ အဆင့်ဆင့်ကြီးထွားလာခြင်းကို ကြည်နူးပီတိများနှင့် တစိမ့်စိမ့်ကြည့်ရင်း ကျေနပ်ဝမ်းမြောက်နေခဲ့ရချိန်တွေကိုခုထိမမေ့။
အခုတော့ သူတို့ကျောင်းသွားနေချိန်တွေမှာ ကိုယ့်ရင်ခွင်ထဲမှာ ထွေးပွေ့ရင်း နို့ချိုတိုက်ကျွေးခဲ့ချိန်များကို တခါတခါလွမ်းဆွတ်နေမိသည်။ သူတို့လေးတွေကျောင်းကပြန်လာတဲ့အခါ လွယ်အိတ်ထဲက စာအုပ်တွေထုတ်ပြီး ကိုယ့်အကူအညီတောင် သိပ်မလိုအပ်တော့ဘဲ အိမ်စာလုပ်နေကြတာကို ဘေးကထိုင်ကြည့်ရင်း ကိုယ့်ဝမ်းထဲမှာအကြာကြီးလွယ်ထားပြီးမှ လူ့လောကထဲသို့ဝင်ရောက်လာကြသော ဒီသေးသေးလေးတွေ ဒီအရွယ်တောင်ရောက်လာပြီကောဟု ကြည်နူးပီတိဖြစ်မိသည်။
သမီးတို့သားတို့က အခုကိုယ့်ဟာကိုယ်ဘာမဆိုလုပ်ကိုင်တတ်နေပြီ၊မာမီ့အကူအညီသိပ်မလိုကြတော့ဘူးဆိုတော့ မာမီအလုပ်လုပ်လို့ရပြီနော်လို့ပြောမိသောအခါ နားလည်တတ်နေပြီဖြစ်သော၁၂နှစ်ကျော်သမီးငယ်က ကျေကျေနပ်နပ်ခွင့်ပြုသလို ၈နှစ်ကျော်သားငယ်က ကျောင်းမှန်မှန်လာကြိုရင်ရတယ် ဟုဆိုကာခွင့်ပြုလိုက်ပြီဖြစ်သည်။ကိုယ့်ဆန္ဒမှန်သမျှကို ဖြည့်ဆည်းပေးလေ့ရှိသောခင်ပွန်းကတော့ သဘောတူမှာသေချာတာမို့ ကိုယ့်ရည်မှန်းချက်ကို အကောင်အထည်ဖော်ဘို့ရာ ကိုယ့်ကြိုးစားမှုနှင့် အချိန်ကာလအတိုင်းအတာတစ်ခုသာလိုအပ်ပါတော့သည်။

ချစ်ခင်စွာဖြင့်
Rose of Sharon