Friday, December 21, 2012

သမီးလေး၁၁နှစ်ပြည့်မွေးနေ့(၂၁၊၁၂၊၁၂)



သမီးလေးသည် ကျမရဲ့ကမ္ဘာဖြစ်သည်။
သမီးလေးသည်ကျမရဲ့မျှော်လင့်ခြင်းဖြစ်သည်။
သမီးလေးသည်ကျမအသက်ရှင်သန်ခြင်းအကြောင်းရင်းဖြစ်သည်။
သမီးလေးသည်ကျမကို သည်းခံတတ်ဘို့၊ ခွင့်လွှတ်တတ်ဘို့
ဒေါသတွေချုပ်တည်းတတ်ဘို့၊နားလည်တတ်ဘို့ ပြုပြင်နိုင်ခဲ့သူဖြစ်သည်။
ကျမဘဝ၏ကောင်းခြင်းများအားလုံးသည် သမီးလေးကြောင့်ရရှိခဲ့ခြင်းဖြစ်သည်။
ကျမကသမီးလေးကိုအရိပ်ကြည့်ချစ်၊တစိမ့်စိမ့်ရှုမဝချစ်နေရင်း
တနှစ်ပြီးတနှစ်ကျော်လွန်လာပြီးနောက်
ဒီနှစ်သမီးလေး၁၁နှစ်ပြည့်ခါနီးမှာတော့
စိုးရိမ်ခြင်းတွေအလုံးအရင်းက ကျမရင်ထဲလှိမ့်ဝင်လာခဲ့သည်။
မကြာခင်သမီးလေးဆယ်ကျော်သက်အရွယ်ရောက်တဲ့အခါ
ဆယ်ကျော်သက်မိဘတွေ ကြုံတွေ့နိုင်မဲ့အရာတွေအတွက်
ကျမအတော်အတန်လေ့လာပြင်ဆင်ပြီးခဲ့ပြီးဖြစ်သည်။
သမီးလေးကိုကျောင်းလိုက်ပို့တိုင်း ကျမကသမီးလေးနှဖူးကိုဖွဖွနမ်းပြီးနှုတ်ဆက်လေ့ရှိသည်။
တနေ့နေ့မှာ မေမေသမီးကိုကျောင်းမှာမနမ်းနဲ့နော်လို့ တောင်းဆိုလာတဲ့အခါ
အင်းပါသမီးလေးရယ်… အိမ်ပြန်ရောက်မှသမီးလေးကိုမေမေတဝကြီးနမ်းပါ့မယ်
ဟုပြန်ပြောပြီး ဝမ်းနည်းစိတ်မဝင်အောင်ထိန်းထားဘို့ ကြိုတင်ပြင်ဆင်ပြီးဖြစ်သည်။
မေမေကဘာသိလို့လဲဆိုတဲ့စကားမျိုး သမီးလေးနှုတ်ကထွက်လာခဲ့ရင်
မေမေသိတာတွေထက် သမီးလေးသိတာတွေကပိုများနေတာကို မေမေဂုဏ်ယူပါတယ်သမီးရယ်
ဒါပေမဲ့အဲလိုစကားမျိုးကိုသူများကြားသွားရင် မေမေ့သမီးလေးကို
သူများတွေကရိုင်းလိုက်တာလို့ပြောကြလိမ့်မယ်…
အဲလိုမပြောမိအောင်ကြိုးစားနော်သမီးလေးဟုချော့မော့ဆုံးမဘို့ စဉ်းစားထားပါသည်။
ကျမသမီးလေးကလိမ္မာပြီး အသိဥာဏ်ကြွယ်သူလေးမို့ ကျမပြင်ဆင်ထားသလောက်
သူဆိုးမည်မဟုတ်တာယုံကြည်ပေမဲ့ ကျမကတော့ အဆိုးအတွက်ရော အကောင်းအတွက်ပါ
ကြိုတင်ပြင်ဆင်ထားပါသည်။
ကျမအစိုးရိမ်ဆုံးက သမီးလေးငယ်ငယ်ရွယ်ရွယ်နှင့်ချစ်သူထားမိသွားမှာကိုဖြစ်သည်။
ထို့ကြောင့် သမီးလေးကို ဆယ်ကျော်သက်အရွယ်တွင်ကြုံတွေ့တတ်သော စိတ်ခံစားမှုများအကြောင်း
ဖြစ်တတ်သောအမှားများအကြောင်း အချိန်ရတိုင်း ကျမပြောပြနေပါသည်။
မိန်းခလေးများအရွယ်ရောက်ပုံအဆင့်ဆင့်အကြောင်းကိုလည်း ကြိုတင်ပြောပြထားသည့်အပြင်
စာအုပ်များလဲဖတ်ခိုင်းထားပါသည်။
စိတ်လှုပ်ရှားမှုများကို ထိန်းချုပ်တတ်ဘို့ ဘာသာရေးယုံကြည်မှုကလည်း လိုအပ်သည်ဟု ကျမကခံယူထားရာ
အချိန်မှန်ဘုရားရှိခိုးဘို့၊ဘုရားစာတွေဖတ်ဘို့ သမီးလေးကိုသွန်သင်ထားပါသည်။
ကျမသွန်သင်သည့်အတိုင်းလိုက်လျှောက်ပြီး ဘုရားမှန်မှန်ရှိခိုးလေ့ရှိသည့်သမီးလေးကို မြင်ရသည့်အခါ
ကျမရင်မှာကြည်နူးရပါသည်။
တကယ်တော့ကျမသမီးလေးကို ကျမမျက်စေ့အောက်မှာသာအချိန်ပြည့်ရှိနေစေချင်ပါသည်။
သမီးလေးကို ကြီးမလာစေချင်တော့ဘူး၊ ကြီးလာရင်မေမေ့ကိုခွဲသွားမှာစိုးလို့ဟု
ပြောမိသည့်အခါ သမီးလေးက သမီးကလည်းမကြီးချင်ပါဘူး..မေမေနဲ့ဘဲခလေးလေးလိုနေချင်တာဟု
ပြန်ပြောသည့်အခါ မဖြစ်နိုင်မှန်းသိရက်နှင့် ကျမဝမ်းသာမိပါသည်။
ဘာဘဲဖြစ်ဖြစ် နောက်၅နှစ်လောက်ဆို သမီးလေးက ကျမနှင့်ခွဲပြီး တခြားတနိုင်ငံမှာ တက္ကသိုလ်ပညာရပ်တွေ
ဆည်းပူးရတော့မှာမို့
ကျမ၏ကြိုတင်ပြင်ဆင်မှုများက အလဟသဖြစ်မှာမဟုတ်တာတော့သေချာပါသည်။
အလိမ္မာစာမှာရှိမို့ ဗဟုသုတရမည့်စာအုပ်များ သမီးလေးကိုကျမဝယ်ပေးလေ့ရှိသည်။
စာအုပ်ဆိုင်ရောက်တိုင်း သမီးလေးဖတ်ချင်သည့် ဇာတ်လမ်းတိုစာအုပ်လေးများကို
သမီးလေးစိတ်တိုင်းကျရွေးချယ်စေပြီး ဗဟုသုတနှင့်မှတ်သားစရာစာအုပ်များကိုတော့
ကျမကိုယ်တိုင်ရွေးချယ်ပေးပြီး သမီးလေးကိုဖတ်ခိုင်းလေ့ရှိသည်။
ဒီနှစ်သမီးလေးမွေးနေ့မတိုင်မီ သမီးလေးဘာလိုချင်လဲလို့မေးသည့်အခါ
အဖွင့်အပိတ်လုပ်နိုင်သောလော့ကတ်သီးလေးလိုချင်ကြောင်းပြောသည့်အခါ
သမီးလေးလိုချင်သည့်ပုံကိုရွေးချယ်ခိုင်းပြီး ကျမက ပန်ထိမ်ဆိုင်သို့သွားအပ်ခဲ့သည်။
ပန်းထိမ်ဆိုင်က အမျိုးသမီးက ကျမပြသောပုံကိုကြည့်ပြီး
သမီးလေးလိုချင်သည့်ပုံထဲကအတိုင်းချွတ်စွတ်မရနိုင်ကြောင်းပြောပါသည်။
ကျမကအနီးစပ်ဆုံးတူအောင်လုပ်ပေးဘို့တောင်းဆိုသည့်အခါ သူတို့ကကြိုးစားမည်ဟုပြောပါသည်။
ချိ်န်းထားသည့်နေ့မှာသွားယူတော့ သူတို့ကြိုးစားပြီးသမီးလေးလိုချင်တာနှင့်
အနီးစပ်ဆုံးလုပ်ပေးသည့်လက်ရာကို ကျမအလွန်နှစ်သက်မိပါသည်။
လော့ကတ်လေး၏နှလုံးသားပုံလေးကို ကျမရဲ့နှလုံးသားအဖြစ်ကျမပုံဖော်မိပြီး
လော့ကတ်လေးပေါ်က God Bless You ဆိုသောစာတမ်းလေးက
သမီးလေးအနားမှာ ကျမမရှိသည့်အချိန်တိုင်း ဘုရားရှင် သမီးလေးကို
ကောင်းကြီးပေးစောင့်ရှောက်နေစေဘို့ ကျမ၏မျှော်လင့်ခြင်း၊ယုံကြည်ခြင်း၊ချစ်မြတ်နိုးခြင်းများစွာနှင့်
ဖွဲ့စည်းထားသောစာတမ်းလေးဖြစ်သည်။
သမီးလေးကိုပေးမဲ့ဒီမွေးနေ့လက်ဆောင်လေးဟာ ကျမအတွက် အလွန်တရာ အဓိပ္ပါယ်ရှိသလို
သမီးလေးကလည်းနှစ်သက်သည့်အတွက် ကျမတို့သားအမိနှစ်ယောက်လုံးကြည်နူးရပါသည်။
ထိုမွေးနေ့လက်ဆောင်လော့ကတ်လေးက သမီးလေး၏နှလုံးသားနှင့်အနီးဆုံးသော
နေရာလေးမှာ အချိန်ပြည့်ရှိနေပါလိမ့်မည်။
သမီးလေးအနားမှာကျမရှိမနေသောအချိန်တိုင်းမှာ ကျမ၏နှလုံးသားပေါ်တွင် ထိုးထွင်းထားသော
God Bless You ဆိုသည့်စာသားလေးအတိုင်း
ဘုရားရှင်ကသမီးလေးကို ကောင်းကြီးပေးကွယ်ကာစောင့်ရှောက်ပါလိမ့်မည်။
အချိန်တိုင်း၊နာရီတိုင်း၊စက္ကန့်တိုင်းမှာ
သမီးလေး ဘေးအန္တရယ်အပေါင်းမှကင်းဝေးနေစေဘို့ ကျမအချိန်ရတိုင်းဆုတောင်းနေပါမည်။
သမီးလေးရဲ့၁၁နှစ်မြောက်မွေးနေ့ကဲ့သို့ နောင်ကျရောက်မဲ့မွေးနေ့ပေါင်းများစွာမှာ
မိသားစုတွေအတူရှိနေနိုင်ဘို့ ကျမဆုတောင်းပါသည်။
သမီးလေးသည် ကျမရဲ့ကမ္ဘာဖြစ်သည်။
သမီးလေးသည်ကျမရဲ့မျှော်လင့်ခြင်းဖြစ်သည်။
သမီးလေးသည်ကျမအသက်ရှင်သန်ခြင်းအကြောင်းရင်းဖြစ်သည်။

Rose of Sharon