Tuesday, August 3, 2010

အသွင်တူ၏မတူ၏


အသွင်တူ၏မတူ၏ ရေးဘို့အတွက် Facebook ကနေတဂ်လာတဲ့ အမသက်ဝေကို ကျေးဇူးတင်ပါတယ်...
ကျမတို့ရဲ့အိမ်ထောင်ရေးခရီးအစမှာ အသွင်မတူတာတွေအတော်များခဲ့ပါတယ်... ဒါပေမဲ့ အချစ်ကိုအုတ်မြစ်ချပြီး တည်ဆောက်ထားတဲ့ အိမ်ထောင်တစ်ခုမို့ ပြဿနာဖြစ်တိုင်း လမ်းခွဲဘို့မစဉ်းစားဘဲ ဘယ်လိုညှိနှိုင်းရင်အဆင်ပြေမလဲ ဆိုတာမျိုးဘဲ စဉ်းစားပြီး ညှိနှိုင်းဖြေရှင်းခဲ့ကြတာကြောင့် အိမ်ထောင်သက်ဆယ့်တစ်နှစ်ကျော်လာတဲ့အခါ အသွင်တူတာတွေ အတော်များလာခဲ့ပြီ...
သူမကြိုက်တာကိုယ်မလုပ် ကိုယ်မကြိုက်တာသူမလုပ် နေလာကြရင်း နှစ်ဦးသဘောတူမှ ဆုံးဖြတ်ချက်တွေ အတည်ပြုတာ အကျင့်ဖြစ်လာခဲ့ပြီ... တစ်ခုခုလုပ်ဖို့စဉ်းစားတိုင်း သူသဘောတူပါ့မလား အရင်တွေးပြီး သူသဘောတူနိုင်မဲ့ ကိစ္စမျိုးကိုဘဲ ကိုယ်ရွေးချယ်တတ်ခဲ့တော့တယ်... သူ့ဘက်ကလဲ ဒီအတိုင်းဘဲဆိုတော့ နှစ်ယောက်စလုံးရဲ့ စိတ်ဓာတ်တွေ အတွေးအခေါ်နဲ့ အယူအဆတွေက ထပ်တူနီးပါး တူလာကြပြီ... ဒီတော့.. အသွင်မတူတာဆိုလို့ ယောင်္ကျားနဲ့ မိန်းမကွဲပြားခြားနားခြင်းရယ် တစ်ချို့အသေးအဖွဲ ကိစ္စတွေရယ်ဘဲ ရှိတော့တယ်...
ကျမတို့နှစ်ယောက်ကို ကြာလေ ရုပ်တွေတူလာလေလို့ သူများတွေကပြောကြတယ်... မိသားစုတွေအတူတူ အပြင်ထွက်ကြရင်လည်း ရုပ်ချင်းဆင်ကြတယ်နော်လို့ တစ်ချို့ကပြောတယ်... ဓာတ်ပုံတွေထဲမှာလည်း တစ်ယောက်နဲ့တစ်ယောက် တူနေကြတယ်လို့ပြောကြတယ်... ကိုယ့်ဟာကိုယ်တော့ ခုထိတကယ်တူကြတယ်လို့ သိသိသာသာ မမြင်မိသေးပါဘူး... ဒါပေမဲ့ ခလေးတွေက ကိုယ့်နားမှာနေရင်ကိုယ်နဲ့တူနေပြီး သူ့နားမှာနေရင် သူနဲ့တူနေတာတော့ တကယ်ပါ...
ကျမတို့နှစ်ယောက် အပေါင်းအသင်းခင်တွယ်တတ်တာချင်းလဲ တူပါတယ်...ကျမတို့ရဲ့သူငယ်ချင်းတွေက မိုးလင်းမိုးချုပ်အိမ်လာလည်တတ်ကြသလို သူ့သူငယ်ချင်းတွေဟာ ကိုယ့်သူငယ်ချင်းတွေဖြစ်ကုန်ပြီး... ကိုယ့်သူငယ်ချင်းတွေဟာလည်း သူ့သူငယ်ချင်းတွေဖြစ်ကုန်တယ်... အပေါင်းအသင်းတွေနဲ့ စကားပြောနေရရင် ပျော်နေတတ်ကြတာချင်းလည်း တူပါတယ်...
သူများကို ကူညီချင်ကြတာချင်းလည်းတူတယ်... သူများကအကူအညီတောင်းလာရင် မငြင်းချင်ကြတာချင်းလည်းတူတော့ မကူညီနိုင်တဲ့ အကူအညီအတောင်းခံရရင် စိတ်မကောင်းဖြစ် စိတ်ညစ်ကြရတာချင်းလည်းတူပါတယ်... အရင်ကဆို သူငယ်ချင်းတွေကို ပိုက်ဆံတွေချေးထားကြပြီး ပိုက်ဆံပြန်စစ်ကြည့်တော့မှ ဘယ်သူကပိုချေးထားတယ်ဆိုတာ အငြင်းပွါးကြရတယ်... အခုတော့ သူများက ပိုက်ဆံချေးရင် တစ်ယောက်နဲ့တစ်ယောက် အရင်တိုင်ပင်ပြီးမှချေးကြဘို့ သဘောတူထားကြတယ်...
ခလေးတွေအတွက်ဘဝကိုပေးဆပ်ထားကြတာချင်းလည်းတူပါတယ်... သူတို့လေးတွေ ကျမတို့ကို မိဘအဖြစ်ပိုင်ဆိုင်ထားရတာကို ဂုဏ်ယူကျေနပ်နေတာမျိုး ကျမတို့နှစ်ယောက်လုံးလိုချင်တယ်... ကိုယ်ဖြစ်ချင်တာကို အတင်းအကျပ် မတိုက်တွန်းဘဲ နားလည်အောင်ဆုံးမ သွန်သင်ကြပါတယ်... သူတို့ဆန္ဒတွေကိုလည်း ကျမတို့ကဖြည့်ဆည်းပေးဖို့ အမြဲ အဆင်သင့်ရှိနေတယ်... သူတို့ကျန်းမာရေး.. သူတို့ဘဝရှေ့ရေးကို မထိခိုက်စေမဲ့ သူတို့ဆန္ဒမှန်သမျှကို ကျမတို့ လိုက်လျှောဖြည့်ဆည်းပေးကြတယ်... အိမ်လာလည်တဲ့သူငယ်ချင်းတွေက ကိုယ်တို့လင်မယားနှစ်ယောက် ခလေးတွေကို အလိုလိုက်ကြတယ်ဆိုတာ အိမ်နံရံတွေ အိမ်ထဲကပစ္စည်း အသုံးအဆောင်တွေရယ်ကို ကြည့်တာနဲ့တင်သိသွားကြတယ်... ကိုယ်တို့နှစ်ယောက်လုံး ခလေးတွေရဲ့နေ့စဉ်ဘဝ ပျော်ရွှင်မှုကို တန်ဘိုးထား အလေးပေးပြီး ဖြည်းဆည်းပေးကြတယ်...
အစားအသောက်ခုံမင်ကြတာချင်းလည်းတူတယ်... ဘယ်နေရာ ဘယ်ဒေသရောက်ရောက် အဲဒီဒေသက ရိုးရာအစားအသောက်တွေကိုမြည်းစမ်းကြည့် ကြတာချင်းလည်းတူတယ်... အိမ်မှာဆိုရင်လည်း စိတ်ကူးပေါက်ရင်ပေါက်သလို လုပ်စားရတာမျိုးကိုနှစ်သက်တယ်... ကြိုတင်စီမံပြီး မချက်စားဘဲ စိတ်ကူးထဲပေါ်လာတာကို ရှာစား/လုပ်စား ရတာကြိုက်တယ်... ခလေးတွေကလဲ ကိုယ်တို့လိုဘဲ ရောက်တဲ့နေရာမှာ ရှိတာကို အဆင်ပြေအောင်စားတတ်ကြတယ်...
စကားနိုင်လုတတ်တာချင်းလည်းတူတယ်... ကိုယ်တို့နှစ်ယောက်ထိပ်တိုက်တွေ့ပြီး စကားနိုင်လုဖြစ်ရင် စိတ်မရှည်တော့တဲ့သူက လှည့်ထွက်သွားလိုက်တာပါဘဲ (မပြီးနိုင်တော့လို့လေ) ....
ခလေးတွေမပါဘဲနဲ့ ဘယ်မှမသွားချင်တာလည်းတူကြတယ်... ခလေးတွေခေါ်မလာရဘူးလို့ဖိတ်တဲ့ပါတီမျိုးကို ကိုယ်တို့လင်မယား ဘယ်တော့မှမသွားဘူး...
ခလေးတွေနဲ့သူငယ်ချင်းပေါင်း ပေါင်းကြတာချင်းလည်းတူတယ်... ညနေတိုင်းလိုလိုမှာ အတူတူကစားလို့ရတဲ့ဂိမ်းတွေကို သားနဲ့ကိုယ်ကတစ်ဖွဲ့ သမီးနဲ့အဖေဖြစ်သူက တစ်ဖွဲ့ ကစားကြလေ့ရှိတယ်...
ကိုယ်တို့နှစ်ယောက်လုံး နဂိုထဲက တူနေတာရော နားလည်မှုနဲ့ညှိယူထားတာတွေရောရှိတော့ တော်တော်များများမှာ အသွင်တူနေကြပါတယ်...
အသွင်မတူတဲ့ အသေးအဖွဲလေးတွေကတော့ သွားတိုက်ဆေးတောင့်ကို ကိုယ်ကအောက်ခြေက ညှစ်ယူတတ်ပြီး သူကအပေါ်ပိုင်းကညှစ်ယူလေ့ရှိတယ်... ကိုယ်သွားတိုက်တဲ့ အခါတိုင်းမှာ သူအပေါ်ဘက်က ညှစ်ယူထားလို့ ပုံပျက်နေတဲ့ သွားတိုက်ဆေးကို ပုံကျအောင် အရင်ပြင်ပြီးမှ အောက်ခြေက ပြန်ညှစ်ယူတယ်... ခရီးသွားရင်လဲ ကိုယ်က အဝတ်အစားကို သွားမဲ့ရက် အရေအတွက်နဲ့ တိုက်ပြီးယူတယ်... အားလပ်ရပ်မှာ အဝတ်လျှော်ရတာတွေ မလုပ်ချင်ဘဲ စိတ်လွတ်ကိုယ်လွတ် နားချင်တယ်... သူကတော့ အဝတ်ကို နှစ်စုံသုံးစုံလောက်ဘဲ ယူလာပြီး အဲဒါတွေဘဲ လှည့်ဝတ်တော့ မနေနိုင်တဲ့ကိုယ်က သူ့အဝတ်အစားကို သူမသိအောင် ပိုထည့်သွားရလေ့ရှိတယ်... အစားစားရင်လည်းသူကတီဗွီရှေ့မှာဘဲစားချင်ပြီး ကိုယ်ကတော့ ထမင်းစားပွဲမှာဘဲ ထိုင်စားရတာနှစ်သက်တယ်...
အဲဒီအသေးအဖွဲလေးတွေဟာ အချစ်ဝင်နေရင် အပြစ်မမြင်တတ်တဲ့အရာတွေမို့ အပြစ်တင်ချင်စိတ်ဝင်လာရင် ချစ်စရာကောင်းတဲ့ တခြားအရာလေးတွေနဲ့ ဖြည့်တွေးပေးလိုက်ပါတယ်... အသွင်တူတာရောမတူတာရော ရောနှောနေတဲ့ ကျမတို့ရဲ့ အိမ်ထောင်သက်တမ်းဟာ ဆယ့်တစ်နှစ်ကျော်ခဲ့ပါပြီ...
ကျမရဲ့ အိမ်ထောင်ရေးနဲ့ ပတ်သက်တဲ့ခံယူချက်ကတော့ "အိမ်ထောင်ရေးမှာ အချစ်က အရေးပါတယ်" ဆိုတာပါဘဲ... နားလည်မှုကအရေးကြီးတယ်လို့ အများကခံယူထားပေမဲ့ ကျမအတွက်တော့ အချစ်မပါရင် နားမလည်ပေးနိုင်ပါဘူး...


ချစ်သူအားလုံး ပျော်ရွှင် သာယာဖွယ် အိမ်ထောင်များ ထူထောင်နိုင်ကြပါစေလို့ ဆန္ဒပြုလျှက်...
ROSE OF SHARON