အချစ်

ွှအချစ်သည်အေးမြသည်.... အချစ်သည်စိတ်ရှည်သည်းခံတတ်သည်.... အချစ်သည်နားလည်ခွင့်လွှတ်တတ်သည်.... အချစ်သည်အားကိုးထိုက်သူ လေးစားထိုက်သူဖြစ်သည်.... ထိုအချစ်သည်ကျမယောကျာင်္းဖြစ်သည်... ထိုယောကျာင်္းဒီနေ့အသက် ၄၀ ပြည့်သည်.... သူ့အသက်၂၇နှစ်တွင် ကျမတို့နှစ်ယောက်စတင်ဆုံစည်းခဲ့ကြသည်... ချစ်သူသက်တမ်း၂နှစ်အိမ်ထောင်သက်၁၁နှစ် စုစုပေါင်း၁၃နှစ်အတွင်း ဘာမှမကြာလိုက်သလိုခံစားရသည်... သို့သော် ၂၇ နှစ်ရုပ်ရည်နှင့် အသက် ၄၀ရုပ်ရည်ကတော့အနည်းငယ်ကွာခြားမှုရှိပါသည်... မကွာခြားသည်က ကျမတို့နှစ်ယောက် တစ်ယောက်အပေါ်တစ်ယောက်ထားရှိသော အချစ်ဖြစ်ပါသည်... ပိုတိုးလာတဲ့ ရင်းနှီးမှု၊ နားလည်မှု၊သံယောဇဉ်များသာရှိပြီး လျော့သွားခြင်းဘာတစ်ခုမှမရှိခဲ့ပါ... ထို့အတွက် အချစ်ကိုကျေးဇူးအထူးတင်ပါသည်... အချစ်သည်ဖောက်ပြန်ခြင်းမရှိ.... အချစ်သည် မိန်းမနှင့်သားသမီးများကိုသာ ဦးစားပေးတတ်သည်.... သူ့မိဘများဘက်မှ ကျမအပေါ်ဖိအားပေးမှုများရှိလျှင်လည်း ကျမဘက်မှသာ မားမားမတ်မတ်ရပ်တည်ပေးတတ်သူဖြစ်သည်... အချစ်သည်အရက်မသောက် ဆေးလိပ်မသောက်ပါ... (ကျမသာအပေါင်းအသင်းကောင်းလျှင်သောက်ပါသည်၊ ဖဲလည်းရိုက်သေးသည်)... ကျမသောက်လျှင်လည်း မကြိုက်ပါ... အချစ်သည်သဝန်တိုတတ်သည်... အချစ်သည် အလုပ်ကိစ္စ မိသားစုကိစ္စမှလွဲပြီး အပြင်မထွက်တတ်ပါ... (ကျမကတော့ အပြင်ထွက်ရတာနှစ်သက်သည်) ကျမအပြင်ထွက်လွန်းလျှင်လည်း သူမကြိုက်ပါ... အချစ်သည် စာအလွန်ဖတ်သူဖြစ်သည်.... ဖတ်စရာစာအုပ်ရှိနေလျှင် အခန်းအောင်းစာဖတ်တတ်သူဖြစ်သည်... အချစ်ကြောင့် ကျမဘဝအေးချမ်းသည်... အချစ်ကြောင့် ကျမတို့မိသားစုလေး သာယာသည်.... အချစ်က မိသားစုကို လိုလေသေးမရှိအောင် အရာရာဖြည့်ဆည်းပေးသူဖြစ်သည်.... ကျမသူ့ကိုသိပ်ချစ်သည်... ထာဝရချစ်နေပါမည်....

( အသက်၄၀ပြည့်ခင်ပွန်းအတွက်အမှတ်တရ)

အနီရောင်စာအုပ်လေး

တင်းထားတဲ့မာနတွေ

အရည်(ရေ)မပျော်

တောင့်ထားတဲ့စိတ်ဓာတ်တွေ

ယိုင်နဲ့မသွားစေဘို့

ကြိုးစားထိန်းမတ်

ခက်ခဲစွာခရီးဆက်နေပေမဲ့

မငဲ့ကွက်မစာနာ

ဝေဒနာတွေပေးရက်တယ်....

တကယ်စိတ်ပျက်လွန်းနေပေမဲ့

ခေါင်းမာစွာနဲ့

နာကျင်မှုတွေကိုမျိုချရင်း

စိတ်အကြိမ်ကြိမ်တင်းလျှက်

လက်ထဲမှာ(ခုထက်ထိ)

မြဲမြံစွာဆုပ်ကိုင်ထားမိတာ

(ဟောဒီက)အနီရောင်စာအုပ်လေး။

Rose of Sharon

အတွေးများ

ခုတလောတွေးဖြစ်နေတာတွေကအများကြီး.... များလွန်းလို့အသစ်မတင်ဖြစ်တာတောင်ကြာပေါ့... သတိတရနဲ့တဂ်လာတဲ့ ချစ်ကြည်အေးကိုတောင် ကျေးဇူးတွေတင်မိပါတယ်... နို့မို့ဆိုဒီလထဲဘာမှရေးဖြစ်မှာမဟုတ်တာအသေအချာ....
၂၀၁၀ ဝင်ကတည်းကတွေးနေမိတာက အသက်တစ်နှစ်ကြီးလာပြီဆိုတာပါ... အသက်နဲ့လုပ်ရပ်တွေကိုက်ညီရဲ့လားလို့ ကိုယ့်ကိုကိုယ်မေးခွန်းထုတ်ရင်း အရာရာကိုနားလည်ပေးတတ်ဘို့ သူများတွေကိုအပြစ်မမြင်တတ်ဘို့ ဒီနှစ်ထဲမှာ ကြိုးစားမယ်လို့ စဉ်းစားရင်းကနေ နားလည်ရခက်တဲ့ကိစ္စတွေ ကြုံလာရတဲ့အခါ သက်ပြင်းတွေအထပ်ထပ်ချရင်း ငြိမ်နေလိုက်တော့ အိုကေသွားတာပါဘဲ...
နောက်ထပ်တွေးနေမိတာက ဒီနှစ်ထဲမှာ လုပ်စရာအလုပ်တွေ သိပ်များနေတဲ့အကြောင်းပေါ့.... အိမ်အဟောင်းရောင်းပြီး ကွန်ဒိုတစ်ခန်းပြန်ဝယ်ပြီးတဲ့အခါ အဲဒီမှာလုပ်စရာတွေကအများသား... ရန်ကုန်ကိုဇူလိုင်လောက်မှဘဲ ပြန်နိုင်မှာမို့ ဒီကနေ အစ်မကိုအကူအညီတောင်းပြီး လုပ်ခိုင်းရတဲ့ကိစ္စတွေက ထင်သလောက်ခရီးမပေါက်... ပတ်စပို့သက်တမ်းတိုးဘို့... ဗီဇာကိစ္စ... ခလေးတွေကာကွယ်ဆေးထိုးဘို့... သားလေးရဲ့မွေးနေ့ပွဲအတွက်စီစဉ်.... ဒီကြားထဲ သင်တန်းတစ်ခုပြေးတက်လိုက်သေးတာ တစ်ပတ်ကိုသုံးရက်... အချိန်တွေမလောက်ရတဲ့ကြားက ဒီသင်တန်းကိုဘာကြောင့်များတက်မိလိုက်တာလဲလို့ ကိုယ့်ကိုကိုယ်မေးခွန်းပြန်ထုတ်မိတယ်...
စိတ်သွားတိုင်းကိုယ်သိပ်မပါနိုင်တော့တာ ဇရာကြောင့်လားလို့တွေးမိတယ်... ခလေးတွေနဲ့ကိုယ်နဲ့ အသက်သိပ်ကွာနေသလားလို့တွေးမိရင်း ရင်တွေမောနေတယ်... သမီးလေးကအခုရှစ်နှစ်ပြည့်ပြီးပြီ... သမီးလေးတက္ကသိုလ်တက်မဲ့အရွယ် အသက်၁၈နှစ်မှာ ကိုယ်က ၄၅နှစ်ကျော်၄၆နှစ်ထဲရောက်နေလောက်ပြီ... သားလေး ၁၈နှစ်မှာ ကိုယ်ကအသက်၅၀.... ကိုယ်တို့လင်မယားနှစ်ယောက်သူတို့ကျောင်းစရိတ်အတွက် ရုန်းကန်နေရဦးမှာ ကိုယ့်အသက်၅၅နှစ်လောက်အထိ၊ ကိုယ့်ထက်လေးနှစ်ကြီးတဲ့ခင်ပွန်းက အသက်၅၉နှစ်အထိ ရှာသမျှက ခလေးတွေကျောင်းစရိတ်... နောက်တစ်ယောက်ယူဘို့ ဘယ်လိုမှမဖြစ်နိုင်တော့တဲ့အတွေးတွေနဲ့ ဒီခလေးနှစ်ယောက်ကိုဘဲ အရိပ်ကြည့်ချစ်နေရင်း ကိုယ်တို့နှစ်ယောက်ရဲ့ အချစ်တွေ ရှိသမျှပိုင်ဆိုင်မှုတွေ အားလုံး သူတို့အတွက်ပုံအောရင်း ...ရေဆုန်ရေဆန်အကြောင်းတွေးမိလေရဲ့... ဘာမှပြန်ရဘို့မမျှော်လင့်ဘဲ အကောင်းဆုံးတွေဘဲ ပေးလိုက်ချင်တာပါ.....
နောက်ထပ်တွေးမိနေတာက မြန်မာနိုင်ငံကြီးတိုးတက်လာမှာလားလို့ပါ... ကြီးကျယ်သလိုဖြစ်သွားသလား... ကိုယ့်နိုင်ငံသာတိုးတက်တဲ့နိုင်ငံတစ်ခုဆိုရင် ကိုယ့်သားသမီးတွေ ဆွေမျိုးသားချင်းတွေအများကြီးကြားမှာ ပျော်ပျော်ကြီးနေရမှာ... ခုတော့ ဆွေမရှိ မျိုးမရှ်ိ သူများနိုင်ငံမှာ ကြိတ်မှိတ်ပြီးနေနေရတာ လုံးဝဘဝင်မကျပါဘူး... နိုင်ငံရေးသာအကောင်းဘက်ကိုပြောင်းလဲလာခဲ့ရင် တော်ရုံတန်ရုံအရင်းအနှီးလေးနဲ့ ကိုယ်ပိုင်လုပ်ငန်းလေးတစ်ခုလုပ်ရင်း ကိုယ့်နိုင်ငံမှာဘဲ အခြေချနေထိုင်ချင်တယ်... မျှော်လင့်ချက်ရေးရေးလေးထားမိပါတယ်....
တကယ်တော့တွေးမိသမျှရေးချရရင်ရေးမကုန်နိုင်ပါဘူး... ဒီလောက်ဘဲရေးလိုက်တော့မယ်ချစ်ကြည်အေးရေ... ကျေနပ်တယ်ဟုတ်....

အိမ်ထောင်သက်တွေကြာလာတဲ့အခါ

ဒီနေ့ချစ်သူများနေ့ဟာ ကိုယ့်အတွက်တော့ ရင်ခုန်စရာမကောင်းပါဘူး.... >ခလေးတစ်ယောက်ထဲရှိတုန်းအချိန်ထိတော့ ဒီလိုနေ့မျိုးမှာ ညစာထွက်စားတာတွေဘာတွေရှိခဲ့ပေမဲ့ ခလေးနှစ်ယောက်ရပြီးချိန်မှာတော့ ချစ်သူများနေ့ကိုဘယ်လိုမှ မဆင်နွှဲနိုင်တော့ပါ.... မှတ်မှတ်ရရ သမီးလေးတစ်နှစ်နဲ့နှစ်လအရွယ်မှာ ချစ်သူများနေ့အမှတ်တရအဖြစ် ညစာထွက်စားဖြစ်တာနောက်ဆုံးပါဘဲ... အဲဒီတုန်းက ဗီယက်နမ်၊ဟနွိုင်းမြို့ရဲ့ sofital ဟိုတယ်မှာပေါ့... ဖယောင်းတိုင်မီးလေးနဲ့မျက်နှာချင်းဆိုင် ညစာစားနေချိန် သမီးလေးက ခလေးထိုင်ခုံလေးထဲမှာထိုင်လို့ပထမတော့ သဘောကောင်းစွာ ငြိမ်နေပေးပါသေးတယ်... ကြာလာတော့ သူ့ခမျာမထိုင်ချင်တော့ဘူးထင်ရဲ့... အော်ငိုလိုက်တာမှအကျယ်ကြီးဘဲ.... ဒါနဲ့ဘဲတခြားစုံတွဲတွေကို အားနာလို့ bill မြန်မြန်ရှင်းပြီး ပြန်လာခဲ့ရတယ်... အဲဒီထဲက ချစ်သူများနေ့ဆို နှင်းဆီပန်းနဲ့ဘဲ ကျေနပ်ရတော့တယ်.... ဒီနှစ်တော့ ချစ်သူများနေ့က ဗီယက်နမ်တွေရဲ့နှစ်သစ်ကူးချိန်နဲ့တိုက်နေတော့ နှင်းဆီပန်းရောင်းသူတွေလဲ အရင်နှစ်တွေလောက်မများဘူး... နှစ်သစ်ကူးပန်းအဝါရောင်တွေဘဲ လမ်းပေါ်မှာတွေ့ရတယ်... ဟိုချီမင်းမှာ အရင်နှစ်တွေက ချစ်သူများနေ့ဆို လူရှုတ်လွန်းလို့ လမ်းမထွက်ချင်လောက်အောင်ဖြစ်ပေမဲ့ သူတို့လူမျိုးတွေဟာ ရိုးရာနှစ်သစ်ကူးကို ပိုအလေးပေးကြတယ်ထင်ရဲ့... ဒီနှစ်တော့ခြောက်ကပ်ကပ်နဲ့.... ကိုယ့်အတွက်တော့ ချစ်သူများနေ့ဟာ ခြောက်ကပ်ကပ်... စည်ကားကား ဘာမှမထူးပါဘူး.... နေ့တိုင်းမြင်နေချစ်နေရတာနဲ့တင်ကျေနပ်ပါတယ်... ခလေးတွေက ကိုယ်တို့နှစ်ယောက်စလုံးအတွက် ပိုအရေးကြီးပါတယ်... ကျောင်းတွေလဲပိတ်ထားတော့ ခလေးတွေအတွက် ကစားဘို့ စားဘို့ စဉ်းစားနေရတာနဲ့ ချစ်သူများနေ့ဟာ ဘာမှန်းတောင်မသိချင်တော့ပါဘူး...( အော်... အိမ်ထောင်သက်တွေကြာလာတဲ့အခါ... Valen တွေလဲ မ tine နိုင်တော့ပါ

၂၀၀၉ နှင့်အတူ

ဒီအိမ်လေးဟာကိုယ်တို့ဇနီးမောင်နှံနှစ်ဦးရဲ့ အိမ်ထောင်သက်နဲ့အညီ ကိုယ်ပိုင်ဆိုင်ခဲ့တာ ဆယ်နှစ်ကျော်ခဲ့ပြီ.... ဒီအိမ်လေးဟာ ကိုယ်တို့ရဲ့ ပထမဆုံး နှစ်ယောက်အတူပိုင်ဆိုင်ခဲ့ရတဲ့ သက်မဲ့အိမ်ထောင်ဦးပစ္စည်းလေးပါ.... ချစ်သူသက်တမ်းတစ်နှစ်မပြည့်ခင်လေးမှာ ချစ်သူဗီယက်နမ်မှာ အလုပ်ရလို့ ပထမဆုံးခွဲခွာရတော့ နှစ်ယောက်လုံး အရမ်းဝမ်းနည်းပြီး သတိရလွမ်းဆွတ် ဖုန်းတွေဆက် စာတွေရေးရင်း တစ်ယောက်နဲ့တစ်ယောက် ဝေးမနေချင်တော့တာ သေချာသွားတဲ့ အခါ လက်ထပ်ဖို့ဆုံးဖြတ်ခဲ့ကြတယ်.... လက်မထပ်ခင် ချစ်သူနောက် လိုက်လည်ဘို့ မိဘဆီခွင့်တောင်းကြည့်တဲ့အခါ လက်မထပ်ရသေးဘဲလိုက်ဘို့ ခွင့်မပြုတဲ့ မိဘတွေကြောင့် မှန်းတာထက်စောပြီး ချစ်သူသက်တမ်း နှစ်နှစ်ပြည့်ဘို့ ၃လအလိုမှာ လက်ထပ်ဖြစ်ခဲ့ကြတယ်.... လက်ထပ်ပြီးသိပ်မကြာခင် ဒီအိမ်လေးကို ဝယ်ဖြစ်ခဲ့တယ်.....

ဒီအိမ်လေးကို တွေ့တဲ့အခါ တွေ့တွေ့ချင်းဘဲ ဝယ်ချင်သွားခဲ့တာ... အိမ်ရှင်နဲ့ ဈေးညှိတော့ သိပ်စကားများမျာစားစား မပြောရဘဲ ဈေးတည့်သွားတယ်.... ဒီအိမ်လေးမှာနေရတာ အဆင်ပြေပေမဲ့ ဘယ်ညာအိမ်ချင်းကပ်ရက် အိမ်နီးချင်းနှစ်အိမ်မှာ ဘယ်ဘက်အိမ်နဲ့ ဆက်ဆံရတာ တော်တော်ဆင်ခြင်ရတယ်... သဘောကောင်းတဲ့ အပေါ်အခွင့်အရေး အရမ်းယူတယ်.... သူတို့အိမ်မှာရေစက်မရှိတော့ ရေလိုချင်ရင် ကိုယ်တို့အိမ်ကအမြဲပေးတယ်.. သူတို့ပိုက်နဲ့ အိမ်ကနေသွယ်ပြီးယူတယ်.... ဒါပေမဲ့နောက်ပိုင်း မီးတွေအရမ်းပျက်တော့ မီးလာတဲ့အချိန်မှ ရေတင်လို့ရတာကြောင့် ရေလိုချင်ရင် မီးလာတဲ့အချိန်မှ ယူဘို့ပြောရတယ်... တနေ့ မီးလာနေတဲ့အချိန် သူတို့ရေယူမယ်လို့ပြောတော့ ယူပါလို့ပြောပြီး ခြံတံခါးဖွင့်ပေးထားတယ်... ဒါပေမဲ့တော်တော်နဲ့ရေလာမသွယ်လို့ မယူသေးဘူးလား မီးပျက်တော့မယ်... မီးပျက်သွားရင် ရေတင်လို့မရတော့လို့ ပေးလို့မဖြစ်ဘူးလို့... အိမ်ကတင်ပြီးသားရေက အိမ်သုံးဖို့ဘဲလောက်လို့ ပေးလို့မဖြစ်ဘူးလို့ပြောလိုက်တယ်... ခနနေတော့ သူတို့ရေပိုက်ပေါက်နေလို့ပြင်နေတာတဲ့ အခုသွယ်တော့မယ်တဲ့ ...သူတို့ရေသွယ်ပြီးခနနေတော့ မီးပြတ်သွားတယ်... မီးပြတ်သွားတော့ ကိုယ်လဲဆက်ပေးလို့မဖြစ်တော့လို့ ပိုက်ဖြုတ်လိုက်ပြီး မီးလာမှ ရေပြန်သွယ်နော်လို့ပြောတော့ ... အဲဒီအိမ်ကညီအစ်ကိုနှစ်ယောက် မကျေနပ်တဲ့မျက်နှာတွေနဲ့ ပြန်သွားပြီး သူတို့အိမ်လဲရောက်ရော ကျမကို မကြားတကြား ဆဲတယ်.... ကျမအရမ်းစိတ်တိုသွားပေမဲ့ ဒီလိုလူတွေနဲ့ ပြိုင်မပြောချင်လို့ မသိချင်ယောင်ဘဲဆောင်နေလိုက်ပါတယ်.... နောက်ပိုင်း ကျမသူတို့ကို ရေပေးမသွယ်တော့ပါဘူး....

နောက်တစ်ခုကတော့တော်တော်ဆိုးပါတယ်.... အဲဒီအိမ်ကအဒေါ်ကြီးက ကျမအိမ်ကနေနယ်ကို ဖုန်းလာလာဆက်ပါတယ်... ကျမဘယ်တော့မှ မငြင်းခဲ့ပါဘူး.... အချိန်မရွေး ညဘက်အရေးကြီးလို့ ဆက်ချင်တယ်ဆိုရင်တောင်ခွင့်ပြုခဲ့ပါတယ်... သူ့သားတွေကလဲ ရေကိစ္စတုန်းက ဆဲထားတာသူတို့မဟုတ်တဲ့အတိုင်း... စလောင်းကလာတဲ့ဘောလုံးပွဲတွေ အိမ်မှာလာလာကြည့်ပါတယ်.... သူတို့အမေပါ ပါရင် ကျမခွင့်ပြုပါတယ်.... ဒါပေမဲ့ တစ်ည ညဦးပိုင်းမီးပျက်လို့ မီးစက်နှိုးထားချိန် သမီးလေးကအိပ်ရာဝင်ချိန်မှာမအိပ်သေးဘဲ အရမ်းငိုနေတာနဲ့ မီးစက်မပိတ်ဖြစ်သေးတဲ့အခါ အဲဒီညီအကိုနှစ်ယောက်က ကျမတို့ခြံတံခါးကို တုတ်နဲ့ရိုက်ပြီး အော်ဆဲတယ်... ကျမမှာ ခြံစောင့်ကောင်လေးကို မီးစက်ပိတ်ခိုင်းလိုက်ရတယ်... သမီးလေးကတော့ ငိုကောင်းတုန်း... နောက်နေ့မနက်မှ အဲဒီအိမ်ကို ကျမသွားတော့ အဒေါ်ကြီးဘဲထွက်တွေ့တယ်... အဲဒီညီအစ်ကိုနှစ်ယောက်ကိုမတွေ့ခဲ့ရဘူး.... အဒေါ်ကြီးကသူခေါင်းကိုက်နေလို့ မီးစက်သံကြောင့် ပိုဆိုးမှာဆိုးလို့ သူ့သားတွေက စိတ်တိုသွားတာပါတဲ့... အဲဒါနဲ့ကျမလဲကောင်းကောင်းဘဲပြောခဲ့ပါတယ်..." ဖုန်းဆက်ချင်တုန်းကလိုမျိုး... စလောင်းကဘောလုံးပွဲကြည့်ချင်တုန်းကလိုမျိုးဘဲ... တံခါးခေါက်ပြီးကောင်းကောင်းလာပြောရင်ရပါတယ်"... လို့... နောက်ပိုင်း သူတို့ကိုတံခါးဖွင့်မပေးတော့ပါဘူး....

ဒီအိမ်ကိုနောက်ဆုံးစိတ်ကုန်သွားရတဲ့ အကြောင်းရင်းကတော့ သူခိုးဝင်တာပါဘဲ.... အိမ်အောက်ထပ်ကသယ်လို့ရတဲ့ပစ္စည်းတွေ အကုန်ပါသွားတယ်... အဲဒီမတိုင်ခင်တုန်းကလဲ ခြံထဲမှာရပ်ထားတဲ့ ကားထဲက ဝှီးတပ်(ဂ်) တွေခန ခန အခိုးခံရတယ်.... သူခိုးဘာကြောင့်ဝင်လို့ရတာလဲ... ခြံစည်းရိုးလဲမြင့်ရဲ့သားနဲ့လို့ သေချာစဉ်းစားပြီး ကြည့်တော့ သူခိုးရဲ့ခြေရာက အဲဒီဘယ်ဘက်အိမ်ကလာတာတွေ့ရတယ်.... သူတို့အိမ်ခြံစည်းရိုးကနိမ့်နေတော့ ကျမတို့ခြံထဲကျော်ဝင်ဘို့ လှေခါးထစ်လိုဖြစ်နေတယ်.... အဲဒါနဲ့ သူတို့အိမ်ခြံစည်းရိုးကို ကျမအိမ်ခြံစည်းရိုးနဲ့ တညီတည်းဖြစ်အောင် မြှင့်ပေးပါရစေ... ကျမ အကုန်ခံပါ့မယ်လို့ပြောတာ လက်မခံပါဘူး.... ဘယ်လိုမှ ပြောလို့မရဘူး... နောက်ဆုံးမှာကျမလက်လျှော့လိုက်ပြီး ဒီအိမ်ကို ပြန်ရောင်းဘို့ဆုံးဖြတ်လိုက်ပါတယ်....

ရန်ကုန်ကိုလဲမပြန်ဖြစ်တော့ ရောင်းဘို့ကအဆင်မပြေဘူး... ဒါကြောင့်ဒီတစ်ခေါက်ပြန်တော့ ရန်ကုန်က အစ်မကို ကျမ မပြန်ခင် ပွဲစားတွေကိုဆက်သွယ်ပေးထားဘို့ပြောထားတယ်... အစ်မကလဲ အားလုံးကူညီပေးပါတယ်... ဈေးတောင်ညှိပေးထားတာပါ....

ပြန်ပြီးနောက်တစ်ရက်မှာ အစ်မကဘဲအားလုံးကူညီပေးလို့ အဆင်ပြေသွားခဲ့တယ်... အခုတော့ ကျမတို့ရဲ့ ပထမဆုံး အိမ်ထောင်ဦးပစ္စည်းလေးကို ၂၀၀၉ နဲ့အတူထားခဲ့လိုက်ရပြီ... နှမြောသလိုဖြစ်မိပေမဲ့ ဘယ်လိုမှ ဆက်နေလို့မဖြစ်တော့လို့ပါ... နေရစ်ခဲတော့အိမ်ကလေးရေ.... ၂၀၀၉နဲ့အတူ

ခရစ္စမတ်စ်အကြို

အခါတိုင်းတော့ ခရစ္စမတ်သစ်ပင်ကို အစိမ်းရောင်ဘဲသုံးဖြစ်ပါတယ်... ဒီနှစ်တော့ သမီးလေးက ခရမ်းရောင်ဝယ်ပေးဘို့ပူဆာတယ်... ကျမကတော့ ခရစ္စမတ်စ်သစ်ပင်ကို အဲလိုသဘာဝမကျတဲ့ အရောင်ကြီး မလိုချင်ဘူး... ဒါနဲ့ဘဲ သမီးလေးနဲ့ညှိရင်း အဖြူရောင်နဲ့ သဘောတူသွားကြတယ်.... ဒီနှစ်အခါတိုင်းလို အိမ်တောင်သိပ်မရှင်းဖြစ်ဘူး... အရင်နှစ်တွေဆို နိုဝင်ဘာလနောက်ဆုံးပတ်မှာ အိမ်ရှင်းတယ်.... အဝတ်အဟောင်းတွေကို မိဘမဲ့ကျောင်းကိုလှုတယ်.... အားလုံးရှင်းပြီးမှဘဲ ဒီဇင်ဘာလပထမပတ်မှာ ခရစ္စမတ်စ်သစ်ပင်ကို အလှဆင်တယ်.... ဒီနှစ်ခရစ္စမတ်တော့ ရန်ကုန်ပြန်မှာမို့ရော... သိပ်မအားတာရောကြောင့် အိမ်ကောင်းကောင်းမရှင်းဖြစ်ဘူး... အဝတ်ဟောင်းတွေတောင် မသယ်နိုင်လို့ နိုင်သလောက်လေးဘဲသယ်သွားပြီးလှုရတယ်... ငယ်ငယ်တုန်းကတော့ ဒီလိုအချိန်ဆို မောင်နှမတွေ အရမ်းပျော်ကြတဲ့ အချိန်ပေါ့.... ဖေဖေက လုပ်အားခထဲက ၁၀ပုံ၁ပုံ ဖယ်ထားတဲ့ ဆယ်ဖို့တစ်ဖို့ စုဗူးကြီးကိုဖောက်ပြီး ဘုရားကျောင်းက ဆရာတွေကိုလှုဖို့ စာရင်းလုပ်... ရပ်ကွက်ထဲက ခလေးတွေ ဘယ်နှစ်ယောက်ရှိလဲ စာရင်းကောက်ပြီး လက်ဆောင်ဝယ်ဘို့ သိမ်ကြီးဈေးကိုသွားကြတယ်.... ဒီဇင်ဘာလရောက်တိုင်း ကိုယ်တို့မောင်နှမတွေနဲ့ မခေါ်တဲ့ သူငယ်ချင်းတွေက ကိုယ်တို့ကို အတင်းပြန်လိုက်ခေါ်တယ်... ခရစ္စမတ်လက်ဆောင်မရမှာစိုးလို့လေ... ဒါပေမဲ့ ဖေဖေက အိမ်နားက ခလေးတွေအကုန်လုံးကို အတူတူပေးနေကျပါ.... ပြီးတော့ ဘုရားကျောင်းမှာဆိုဘို့ ခရစ္စမတ်စ်သီချင်းတွေ စပြီးလေ့ကျင့်ချိန်ပေါ့... ဖေဖေက ဂစ်တာတီး မေမေနဲ့ ကျမတို့မောင်နှမတွေက သီချင်းဆို... သိပ်ကိုပျော်စရာကောင်းခဲ့တာပေါ့.... အခုတော့ ဒီလိုအချိန်တွေ ပြန်မရနိုင်တော့ဘူး.... ဒီဇင်ဘာဟာလွမ်းဆွတ်စရာတွေအပြည့်နဲ့.....

ဒါပေမဲ့ ဒီနှစ်တော့ အရင်နှစ်တွေလိုမလွမ်းရတော့ဘူး... နောက်တစ်ပတ်ဆိုရန်ကုန်ပြန်တော့မယ်... မိသားစုတွေနဲ့ အတူခရစ္စမတ်စ်ကို ဆင်နွှဲရတော့မယ်... တွေးရင်းပျော်နေတယ်... ဘလော့ဂါသူငယ်ချင်းတွေ ဘလော့လာလည်နေကျ မောင်နှမတွေကို နှုတ်ဆက်လိုက်ပါတယ်နော်.... ပျော်ရွှင်ဖွယ်ရာ ခရစ္စမတ်စ်ဖြစ်ပါစေ.....

ဗီယက်နမ်မှာ(၆)

(ဟိုချီမင်းမြို့လမ်းမတစ်နေရာ........ ဟိုချီမင်းမှာ ကားလမ်းတွေက အဲလိုပိတ်ပါတယ်)

ဆရာဝန်ဆီကနေဒီလိုကြားလိုက်ရတော့ ခဏတော့မှင်သက်မိသွားတယ်…. အဓိကကတော့ လေထုညစ်ညမ်းမှုပေါ့… ကျမသူငယ်ချင်းတစ်ယောက်ရဲ့သားလေးလဲ အဲလိုဖြစ်သေးတယ်… ဒါနဲ့သိပ်မကြာခင် ဟိုချီမင်းမြို့ထဲကနေ မြို့စွန်ဘက်ကိုပြောင်းနေလိုက်တော့ ခလေးက သက်သာသွားတယ်ပြောပါတယ်… ကျမအနေနဲ့ကတော့ လက်ရှိနေတဲ့နေရာက ခင်ပွန်းအလုပ်လုပ်ရာနေရာဆိုတော့ သူများလို အိမ်ပြောင်းနေလို့လဲမဖြစ်ပါဘူး… ရန်ကုန်ပြန်နေရင်ကောာင်းမလား စိတ်ကူးမိပေမဲ့ ခလေးတွေကိုလဲ ဖခင်နဲ့ ခွဲမနေစေချင်ပါဘူး…. ကျမရဲ့ခလေးတွေကို မိခင်မေတ္တာရော ဖခင်မေတ္တာပါ နီးကပ်စွာ နွေးထွေးစွာရရှိစေချင်ပါတယ်…. ဒီတော့ ကာကွယ်ဘို့ဘဲပြင်ဆင်ကြပါတယ်…. လိုအပ်တာတွေမှန်သမျှအိမ်မှာ အဆင်သင့်ရှိနေဖို့ဆောင်ထားတယ်… အရေးပေါ်ကာကွယ်နည်းကို သိသွားပြီဖြစ်တဲ့အပြင် ကာကွယ်စရာပစ္စည်းတွေလဲ ရှိနေပြီမို့ နောက်တခေါက်ဒီလိုမဖြစ်တော့မှာလဲ သေချာသလောက်ရှိနေပြီ… ဆရာဝန်ကလဲ ဖုန်းဆက်ခေါ်တိုင်းလာပါတယ်… ကျမတို့ သိပ်စိုးရိမ်တတ်မှန်းသိတော့ ဘယ်တော့ခေါ်ခေါ်အမြဲအရောက်လာတဲ့အပြင် ချက်ချင်းမလာနိုင်တဲ့ အခါ ဖုန်းထဲကနေလှမ်းမေးပြီး ခလေးကို ဘာဆေးဘယ်လောက်တိုက်ထား… ဘယ်လိုလုပ်ထားဆိုတာမျိုးတွေ ပြောပြပေးပါတယ်…. အဲဒီဆရာဝန်မဟာ ကျမတို့မိသားစုအတွက်တော့ ဘုရားသခင်လွှတ်လိုက်တဲ့ ကောင်းကင်တမန်ပါဘဲ…. အခုနောက်ပိုင်း သားလေးလဲ တော်တော်ကျန်းမာနေပါပြီ်…. အခုတော့လည်ဲး ဗီယက်နမ်မှာနေရတာ တော်တော်နေသားကျနေပါပြီ…. ပျော်ရာမှာ မနေရ တော်ရာမှာ နေရ ဆိုတဲ့ စကားဟာ ကျမအတွက် တော်တော်လေး အဓိပ္ပါယ်ရှိပါတယ်…. တော်ရာမှာနေရင်း ပျော်အောင်ကြိုးစားရတာလည်း ရင့်ကျက်မှုတွေတိုးပွားစေပါတယ်…. အဆင်မပြေတာတွေ ကြုံလာရတဲ့အခါတိုင်း တခါတလေလဲ ဖြစ်တတ်ပါတယ်လေ လို့ လျှော့တွေးလိုက်တာပါဘဲ…. ရိုင်းပျစွာဆက်ဆံခံရတဲ့ အခါလဲ သူတို့ အတွက်ဒါဟာရိုင်းတယ်လို့ မထင်တဲ့ အပြုအမူဖြစ်နေမှာပါလေလို့ ဖော့တွေးပေးလိုက်တယ်…. ရောက်တဲ့ အရပ်မှာ ပျော်အောင်နေတတ်ဘို့ ဘဝတက္ကသိုလ်ကြီးက သင်ကြားပေးလိုက်ပြီ……..
အခုတော့ ကျမတို့ မိသားစုတွေ ဗီယက်နမ်မှာနေရတာ ပျော်နေပါပြီ…….. ဆက်နေရမဲ့ နောက်ပိုင်းကာလများမှာလည်း ပျော်နေမှာသေချာတဲ့ ယုံကြည်ချက်တွေနဲ့ ဗီယက်နမ်မှာကြုံခဲ့ရတဲ့ ကျမရဲ့ အတွေ့အကြုံတွေ အကြောင်း “ဗီယက်နမ်မှာ” ကို နိဂုဏ်းချုပ်လိုက်ပါတယ်…. ဗီယက်နမ်မှာနေနေရဆဲမို့ နောက်ပိုင်းတွေမှာ အကြောင်းအရာအလိုက်ဘဲ ခေါင်းစဉ်တပ်ပြီးရေးသွားပါမယ်…. ကျမရဲ့ “ဗီယက်နမ်မှာ” ကို အပိုင်း၁ကနေ နောက်ဆုံး အပိုင်း၆ အထိ အမြဲ လာရောက် ဖတ်ရှုကြတဲ့ ဘလော့ဂါမောင်နှမများ ဘလော့လည်သူမောင်နှမများ အားလုံးကို အထူးဘဲကျေးဇူးတင်ပါတယ်… အားလုံး ရွှင်လန်းချမ်းမြေ့ကြပါစေရှင်……..