ဖေဖေ(သို့မဟုတ်)ကျမရဲ့HERO

ဟိုတပတ်ကအိမ်ကိုဖုန်းဆက်တော့ဖေဖေနဲ့စကားတွေပြောရင်း... ပြေးတွေ့ချင်စိတ်တွေပေါက်ပြီး.... မတွေ့တာ၃နှစ်ကြာပြီဖြစ်တဲ့ဖေဖေ့ပုံရိပ်ကိုစိတ်ထဲမှာမြင်ယောင်ကြည့်မိတယ်.... အသက်၆၁နှစ်ရှိပြီဖြစ်တဲ့ဖေ့ဖေ့ရဲ့ကျန်းမာရေးကမကောင်းလှဘူး... သားသမီး၆ယောက်ကို လူလားမြောက်အောင်... ပညာတွေတတ်အောင် လူတန်းစေ့နေနိုင်အောင် ကြိုးစားရုန်းကန်ခဲ့ရတဲ့ဖေဖေတယောက် သားသမီးတွေ ပညာစုံကြင်ယာစုံချိန်မှာတော့ ခြေကုန်လက်ပန်းကျပြီး အထီးကျန် နေခဲ့ရပြီ.... ဒီနှစ်ဒီဇင်္ဘာပြန်လာဖို့ကိုကြိုးစားမယ်လို့ဘဲပြောနိုင်တဲ့ ကိုယ့်ကိုကိုယ် တကယ်အားမရဘူး....

ဖေဖေဟာတကယ်တော့ကျမရဲ့Heroပါ... သားသမီးတွေအတွက်အမြဲဂုဏ်ယူချင်တတ်တဲ့ဖေဖေဟာ... အလုပ်ဆင်းလို့အိမ်ပြန်လာရင်တောင်မနားဘဲနဲ့ကျောင်းစာတွေပြန်စစ်တတ်တာ... အင်္ဂလိပ်စကားကိုပြောရဲအောင်လေ့ကျင့်ပေးခဲ့တာတွေ... ကရင်စာတွေကိုသင်ပေးပြီးမောင်နှမတွေအကုန်လုံးကိုစာမေးပွဲစစ်သလိုပြန်စစ်ပြီး.. အတော်ဆုံးသူကိုဆုချခဲ့တာတွေ.... ကျောင်းပိတ်ရက်တိုင်းမှာလက်ရေးလှအောင်လေ့ကျင့်ခိုင်းခဲ့တာတွေကို သတိရမိတိုင်း... ကျမတို့ရဲ့အနာဂါတ်တွေလှပအောင် အပင်ပန်းခံခဲ့တဲ့အဖေ့ကို ကျေးဇူးအရမ်းတင်မိတယ်...

သားသမီးတွေကိုလဲဖေဖေက သူငယ်ချင်းလိုပေါင်းတတ်သေးတယ်.... ဂစ်တာတီးကျွမ်းကျင်တဲ့ ဖေဖေဟာကျမတို့ နှစ်သက်တဲ့ ခေတ်ပေါ်သီချင်းမှန်သမျှကိုတီးခတ်ပေးသေးတာ...(အဲဒီတုန်းကမေဆွိရဲ့ ကိုကို့ကို တို့ မေခလာရဲ့မပြောချင်လို့ကြည့်နေတာကြာပြီသိရဲ့လားတို့ပေါ့)... စနေနေ့တိုင်းမှာလဲနောက်တနေ့ ဘုရားကျောင်းမှာဆိုဘို့ ခရစ်ယာန်ဓမ္မတေးတွေလေ့ကျင့်ပေးခဲ့တာတွေလဲသတိရလွမ်းဆွတ်မိတယ်... Churchမှာဆိုကျမတို့မိသားစုကိုစံပြခရစ်ယာန်အိမ်ထောင်အဖြစ်သတ်မှတ်ထားကြလို့ မိသားစုရှစ်ယောက်လုံး ဘုရားကျောင်းအတူတူသွားကြတိုင်း ဂုဏ်ယူဝင့်ကြွားစွာနဲ့ ဖေဖေ့ခေါင်းတွေမော့လို့.... အလုပ်ထဲမှာအဆင်မပြေတဲ့အခါ သိပ်ပင်ပန်းလာတဲ့အခါတိုင်း တခွက်တဖလားသောက်ချင်တဲ့ဖေဖေဟာ မေမေ့သဘောကျ အိမ်မှာဘဲခွက်ပုန်းချရတဲ့အခါတိုင်း ကျမရယ်ကျမရဲ့အမရယ်ဟာ ဖေဖေ့ကိုအလွတ်မပေးဘဲ သမီးတို့လဲမြည်းချင်တယ်လို့ပြောတဲ့အခါ ခွက်သေးသေးလေးတွေထဲ အချိုရည်တွေအများကြီးနဲ့ရောပေးပြီး အမြည်းတွေကျွေးတဲ့ဖေဖေတယောက် စိတ်ညစ်ပြေသွားလားမပြေလားတော့မသိ ကျမတို့ညီအမတွေကတော့ အမြည်းလုစားရတာပျော်လို့မဆုံးဘူး... ဖေဖေလခထုတ်တဲ့နေ့တွေဆို အစားအသောက်ကောင်းမက်တဲ့ဖေဖေဟာ မိသားစုကိုအပြင်ခေါ်သွားပြီးစားချင်တာတွေဝယ်ကျွေးတတ်တယ်... အပြင်ဆိုင်တွေမှာဟန်ကောင်းကောင်းနဲ့စားနိုင်ဘို့ ကျမတို့ကို တူကိုင်နည်း၊ဇွန်းခက်ရင်းကိုင်နည်းတွေကိုလဲ ငယ်ငယ်ထဲကသင်ပေးထားခဲ့တယ်... မောင်နှမတွေကြားထဲမှာလူကောင်အသေးဆုံးဖြစ်တဲ့ကျမကိုအရပ်ရှည်အောင် အိမ်မျက်နှာကျက်မှာ ဘားတန်းရိုက်ပြီးခိုခိုင်းခဲ့လို့ အခုကျမအရပ်မရှည်ပေမဲ့ ပုတယ်လို့ခေါ်လို့မရတဲ့၅ပေ၄လက်မဆိုတဲ့အရပ်လေးရှိခဲ့ရတာဖေဖေ့ကျေးဇူးပေါ့... ကျမတို့ညီအမတွေကိုလဲဖေဖေကိုယ်တိုင်ဘဲရေကူးသင်ပေးခဲ့သေးတာ...

ကျမဖေဖေ့ကြောင့်လူတောတိုး လူဝင်ဆန့်ခဲ့တယ်... ဖေဖေ့ကြောင့်ဘုရားကိုသိခဲ့ရတယ်... ဖေဖေ့ကြောင့်သူများတွေနဲ့တန်းတူဘွဲ့တခုရခဲ့တယ်... ဖေဖေ့ကြောင့်အဆိုးအကောင်းကိုခွဲခြားသိရှိနိုင်တဲ့ဥာဏ်ပညာတွေရရှိခဲ့တယ်... ဖေဖေ့ရဲ့ကျေးဇူးတွေက ချရေးရင်ကုန်နိုင်မှာမဟုတ်ပါဘူး...

ဒါပေမဲ့ကျမဆိုးခဲ့တယ်.... ဖေဖေခွင့်လွှတ်တယ်ဆိုတာသိပေမဲ့တွေးမိတိုင်းနောင်တရမိတယ်... အချစ်ကိုကိုးကွယ်ခဲ့မိတဲ့ကျမ... ဖေဖေ့ခံစားချက်ကိုဥပေက္ခာပြုခဲ့တယ်.... သူသဘောမတူတဲ့သူနဲ့လက်မထပ်စေချင်လို့... စကားလုံးရင့်ရင့်တွေသုံးပြီးတားခဲ့တဲ့ဖေဖေ့ကိုစိတ်နာ တဇွတ်ထိုးစိတ်နဲ့ မင်္ဂလာပွဲကို ကိုယ့်ဟာကိုယ်စီစဉ်ပြီး ဖေဖေ့ကိုအသိမပေးဘဲကျင်းပနေချိန်မှာ... ကျမဘာလုပ်လုပ်သိနေတဲ့ဖေဖေက သူ့သူငယ်ချင်းတယောက်အိမ်မှာသွားရင်ဖွင့်ပြီးမျက်ရည်တွေကျခဲ့တယ်ဆိုတာ နောက်ကျမှသိခဲ့ရတယ် ကျမ နောင်တတွေရပြီး အချိန်တွေကိုနောက်ပြန်ဆွဲပြီး ပြန်ပြင်ချင်တာတွေပြင်ခွင့်ရချင်လိုက်တာ... တကယ်ဆို ကျမရွေးချယ်မှုမမှားဘူးဆိုတာကိုဖေဖေသိအောင် အချိန်ယူနားချသင့်ခဲ့တာပေါ့... သမီးတွေမင်္ဂလာဆောင်တိုင်း ခရစ်ယာန်ထုံးစံအရ ကိုယ့်သမီးကို သတို့သားလက်ထဲလွဲပြောင်းပေးတဲ့အနေနဲ့ ဧည့်ပရိသတ်တွေအလည်မှာ သတို့သားဆီကို သမီးနဲ့လက်တွဲပြီးလမ်းလျှောက်ခဲ့တဲ့အဖေဟာ ကျမလက်ကိုတွဲပြီးသူသဘောကျတဲ့သူရဲ့လက်ထဲအပ်ဘို့မျှော်လင့်ချက်တွေဆုံးရှုံးခဲ့ရတယ်... ဒါပေမဲ့ခုချိန်မှာကျမရဲ့ခင်ပွန်းနဲ့တွေ့တိုင်း စကားတွေဖောင်ဖွဲ့ပြောတတ်တဲ့ဖေဖေတယောက် ကျမကိုခွင့်လွှတ်တယ်ဆိုတာကျမသိနေပေမဲ့ဒီနောင်တတွေကပျောက်မသွားပါဘူး... ကျမကြောင့်မျက်ရည်ကျခဲ့ရတဲ့ဖေဖေက ကျမငွေလွှဲတာရလို့ကျေးဇူးတင်တယ်ပြောတိုင်း ကျမရင်ထဲမှာ စိတ်မကောင်းဖြစ်မိတယ်... တကယ်ဆိုကျမဘက်က ပေးဆပ်ဘို့အများကြီးလိုအပ်နေသေးတာလေ... အခုဖေဖေ့အကြောင်းရေးရင်းနဲ့ဆုံးဖြတ်ချက်ချလိုက်ပါပြီ... ဒီဇဘာင်္အရောက်ပြန်ခဲ့မယ်ဖေဖေ.... နိုင်ငံရေးအခြေအနေတွေဘယ်လိုရှိရှိ၊ ဘာရောဂါတွေဘယ်လိုဘဲဖြစ်နေဖြစ်နေ သမီးဂရုမစိုက်တော့ပါဘူး... ဖေဖေတွေ့ချင်တဲ့ဖေဖေ့မြေးလေးတွေကိုလက်ဆွဲပြီးသမီးလာခဲ့ပါ့မယ်ဖေဖေ

ဖေဖေ့ကိုချစ်တဲ့ဖေဖေ့သမီးဆိုး

ဖူးစာ(သို့မဟုတ်)နံရိုး

ကျမတို့ဆယ်ကျော်သယ်အရွယ်လောက်တုန်းက ညီအမတွေ သူငယ်ချင်းတွေ အားလုံးလိုလို ကိုယ့်ဖူးစာရှင်ဘယ်သူဖြစ်မလဲလို့ အရမ်းသိချင်ပြီး ကြားဖူးသမျှတွေနဲ့စမ်းသပ်ခဲ့ကြတယ်... အများစုကဖူးစာရှင်လို့ပြောကြတယ်... ကျမတို့ခရစ်ယာန်အသိုင်းအဝိုင်းမှာတော့ နံရိုးပိုင်ရှင်လို့ပြောကြပါတယ်...အာဒံအတွက်လက်တွဲဖော်ကိုဘုရားသခင်ကဖန်ဆင်းတော့ အာဒံရဲ့ကိုယ်ထဲကနေနံရိုးတချောင်းကိုထုတ်ပြီး ဧဝကိုဖန်ဆင်းခဲ့လို့ပါ... အိမ်ထောင်ရေးအဆင်မပြေကြရင် ဖူးစာလွဲလို့ သို့မဟုတ် နံရိုးလွဲလို့ ဆိုပြီးပြောကြတာ ကြားဖူးပါတယ်... ဖူးစာရှင်သိချင်လို့စမ်းသပ်ကြသူ သူငယ်ချင်းတချို့က မအိပ်ခင်ကြက်ဥစားပြီးရေမသောက်ဘဲအိပ်တယ်တဲ့... အိပ်မက်ထဲမှာဖူးစာရှင်ကရေလာတိုက်မယ်ဆိုဘဲ... တချို့ကအပင်ပေါ်ကကြွေတဲ့ပန်းကိုမြေမခခင်ကောက်ပြီးခေါင်းအုံးအောက်ထားအိပ်ရင် ဖူးစာရှင်ကိုအိပ်မက်မက်လိမ့်မယ်တဲ့... စမ်းသပ်တဲ့သူငယ်ချင်းတွေအားလုံး အိပ်မက်ထဲမှာတယောက်ယောက်တော့တွေ့ကြတယ်... အပြင်မှာအဲဒီသူနဲ့တကယ်တွေ့ပြီးလက်ထပ်ဖြစ်လားမဖြစ်လားတော့ကျမ မသိပါဘူး... ကျမကတော့ပန်းပွင့်လေးနဲ့စမ်းသပ်ဘူးပါတယ်... ဒါပေမဲ့ဘယ်သူ့ကိုမှအိပ်မက်ထဲမှာမတွေ့ပါဘူး... ဘယ်နှစ်ခါစမ်းသပ်စမ်းသပ် မတွေ့ပါဘူး... တခါတခါစဉ်းစားမိတယ်... သူတို့ကျတွေ့ရပြီးငါ့ကျမှဘာလို့မတွေ့ရပါလိမ့် အပျိုကြီးဖြစ်မှာမို့လို့လားလို့...

ကျမအသက်၂၃နှစ်မှာ ကျမသိပ်ချစ်ရတဲ့သူ ကိုကျမအလုပ်လုပ်တဲ့နေရာမှာ ဆုံစည်းခဲ့ပြီး ၂၅နှစ်ပြည့်ဘို့ ၃လကျော်ကျော်လောက်အလိုမှာလက်ထပ်ခဲ့ပါတယ်... အခုအိမ်ထောင်သက်ဆယ်နှစ်ကျော်မှဒီအကြောင်းပြန်စဉ်းစားမိတော့... ငယ်ငယ်ကဘာကြောင့်အိမ်မက်ထဲမှာသူ့ကိုမတွေ့ခဲ့ရတာလဲဆိုတဲ့အဖြေကို ကိုယ့်ဟာကိုယ်ဘဲပြန်ဖြေမိတော့တယ်... သူနဲ့ကိုယ်နဲ့က တယောက်နဲ့တယောက် ဆုံစည်းနိုင်မယ်မထင်ရတဲ့ တမြေစီကမို့ ဖူးစာရေးနတ်က ကျမရဲ့အိပ်မက်ထဲသူ့ကိုအချိန်မီမပို့ပေးနိုင်ခဲ့ဘူးရယ်လို့လေ....

မိသားစုအပန်းဖြေခရီး

ခလေးတွေကျောင်းပိတ်တိုင်းကျမတို့မိသားစု အလည်ခရီးထွက်ကြပါတယ်... စကာင်္ပူနဲ့ဘန်ကောက်ကတော့ အမြဲသွားလည်နေကျပေါ့... ဒါပေမဲ့ ဒီနှစ်တော့ swine flu ကြောက်လို့ပြည်တွင်းခရီးဘဲထွက်ဖို့ဆုံးဖြတ်ပြီး မိသားစုအေးအေးချမ်းချမ်းအနားယူနိုင်ဘို့ private beach လေးရှိတဲ့ Anoasis resort ကိုရွေးချယ်ခဲ့ပါတယ်... ဟိုချီမင်းမြို့ကနေအဲဒီနေရာကိုရောက်ဖို့ ကားနဲ့သွားရင် ၁နာရီနဲ့၄၅မိနစ်ဘဲကြာမယ်လို့ မြေပုံအညွှန်းမှာ ရေးထားပေမဲ့ တကယ်တမ်းသွားတဲ့အခါအိမ်ကနေမြို့ပြင်ရောက်တဲ့အထိကိုနာရီဝက်လောက်ကားမောင်းရတော့ စုစုပေါင်း ကြာချိန်က ၂နာရီခွဲလောက်ရှိပါတယ်... ဒီခရီးစဉ်ကကျမအတွက် တကယ့်ကိုအပန်းဖြေခရီးပါဘဲ... ခလေးတွေအတွက်ဟင်းချက်စရာမလိုတဲ့အပြင် သူတို့ကိုအိမ်မှာလို activities တွေတခုပြီးတခုမပျင်းရအောင်စီစဉ်စရာလဲမလိုပါဘူး... ဗိုက်ဆာတယ်ဆိုစားသောက်ဆိုင်ခေါ်သွားလိုက်တယ် ဆော့ချင်တယ်ဆိုခလေးကစားခန်းလေးဆီပို့ပေးတယ်... အဲဒါပြီးရင် သူတို့အဖေနဲ့ရေကူးကြတယ်... ညနေဆိုပင်လယ်ကမ်းခြေမှာခရုထွက်ကောက်ကြတယ်...

သူတို့အတွက်က အပျော်ခရီး ကျမအတွက်တော့အပန်းဖြေခရီးပေါ့...

အခုတော့အားရပါးရနားလို့ဝသွားပါပြီ... ကျမ မရှိပေမဲ့ကျမဘလော့လေးဆီလာလည်သွားကြတဲ့ ကျမရဲ့ဘလော်ဂါမောင်နှမများကိုအထူးကျေးဇူးတင်ပါတယ်... အားလုံးရွှင်လန်းချမ်းမြေ့ကြပါစေရှင်...

Facebook ကောင်းမှု

ကိုးတန်းနှစ်တုန်းကကျမမှာသိပ်ချစ်စရာကောင်းတဲ့သူငယ်ချင်းတစ်ယောက်ရှိခဲ့ဘူးတယ်... ဒါပေမဲ့မိဘတွေရဲ့တားမြစ်ချက်ကြောင့်ကျမနဲ့သူနဲ့ဝေးခဲ့ရတယ်... ကျမတို့နှစ်ယောက်သိပ်ခင်ခဲ့ကြပါတယ်... ၁၉၈၈ခုပညာသင်နှစ်အစပိုင်းဇွန်လနဲ့ဇူလိုင်လဆန်းမှာကျမတို့သူငယ်ချင်းနှစ်ယောက်ခင်မင်ပျော်ရွှင်စွာနဲ့ ကျောင်းတက်ခဲ့ကြပါတယ်... ဒါပေမဲ့ဇူလိုင်ပထမပတ်လားဒုတိယပတ်လားတော့သေချာမမှတ်မိတော့ဘူး ကျမတို့ကျောင်းသားတွေအချင်းချင်းလက်တို့ပြီး ရွှေတိဂုံစေတီမှာဟောပြောပွဲရှိတဲ့အကြောင်း ဘယ်နေ့၊ဘယ်နေရာမှာစုမဲ့အကြောင်းသတင်းတွေတိတ်တိတ်လေးလက်ဆင့်ကမ်းကြပါတယ်... ကျမတို့သူငယ်ချင်းနှစ်ယောက်ကျောင်းပြေးပြီးသွားဖို့ဆုံးဖြတ်လိုက်တယ်... အဲဒီနေ့ရွှေတိဂုံစေတီကိုသွားကြတဲ့ကျမတို့ကျောင်းကအဖွဲ့မှာမိန်းခလေးဆိုလို့ကျမတို့နှစ်ယောက်ဘဲပါပါတယ်... ရွှေတိဂုံစေတီကိုရောက်တော့ကျမသူငယ်ချင်းရဲ့အစ်ကိုနဲ့တိုးလို့သူ့ခမျာပတ်ပြေးရပါသေးတယ်... ကျမတို့နှစ်ယောက်မျက်နှာမှာထောက်လှန်းရေးတွေမမှတ်မိအောင်ပဝါတွေစည်းထားတာတောင်မှ သူ့အစ်ကိုကမှတ်မိတာအံ့ရော... သိပ်မကြာပါဘူးလုံထိန်းတွေရောက်လာတာနဲ့ကျမတို့ထဲကကောင်လေးတွေကကျမတို့ကို အရင်လွတ်အောင်ထွက်ပြေးခိုင်းပါတယ်... အဲဒီနေ့ကအဖမ်းမခံရ၊ဘေးမသီရန်မခဘဲအိမ်ပြန်ရောက်ပါတယ်... (ဖိနပ်တော့ဘယ်ကျွတ်ကျန်နေခဲ့မှန်းမသိပါဘူး)...

နောက်နေ့ကျောင်းရောက်တော့ကျမတို့ရဲ့နာမည်စာရင်းတွေကရုံးခန်းရောက်နေပြီ...

ကျမတို့နှစ်ယောက်ကိုအတန်းရှေ့ခေါ်ထုတ်ပြီးဆရာမရိုက်ပါတယ်... ဒဏ်ပေးခံရတဲ့အပြင်ခွင့်တိုင်စရာမလိုဘဲအိမ်မှာနားလိုက်ရပါတယ်... အိမ်မှာလဲကောင်းကောင်းမနားရပါဘူး... အဖေနဲ့အမေကတလှည့်စီမနားတမ်းဆူပါတယ်... အပြင်လဲပေးမထွက်ပါဘူး... အဖေတို့ငယ်ငယ်တုန်းက စစ်တပ်နဲ့ကရင်တွေနဲ့တိုက်ပွဲဖြစ်ရင် စစ်တပ်ကတွေ့သမျှ ကရင်တွေထောင်ထဲမှာထားပြီးနှိပ်စက်တယ်တဲ့၊အစားလဲမကျွေးဘဲအငတ်ထားတယ်တဲ့.... အဖေတို့မှာဗိုက်ဆာလွန်းလို့ငိုလိုက်ရတာတဲ့ တော်သေးတာပေါ့အဖေကကျမကိုအိမ်ထဲမှာထောင်ချထားပေမဲ့အငတ်မထားလို့... အတိုချုံးရရင်သြဂုတ်လမှာ(၈၊၈၊၈၈)တနိုင်ငံလုံးဆန္ဒပြကြတဲ့အထိ ကျမမှာမလွတ်လပ်ခဲ့ပါဘူး... တဝက်တပြတ်နိုင်ငံရေးစိတ်ဓါတ်လေးနဲ့ကျမ ဘယ်လိုမှမအောင့်နိုင်တော့ဘဲရေချိုးခန်းပြတင်းပေါက်ကခုန်ချပြီး ချီတက်ဆန္ဒပြတဲ့ဆီပြေးပါတော့တယ်... ထင်တဲ့အတိုင်းကျမသူငယ်ချင်းလေးကကျမကိုကြိုလို့ပေါ့.... အဲဒီနေ့ညနေအိမ်ပြန်ရင်ဘယ်တော့မှပြန်မထွက်ရမှန်းသိလို့ကျမသူငယ်ချင်းကသူ့အိမ်လိုက်ခဲ့ဘို့ခေါ်ပါတယ်... ဒီလိုနဲ့ဘဲစိတ်တူကိုယ်တူသူငယ်ချင်းနှစ်ယောက်ပိုလို့ရင်းနှီးခဲ့ရပါတယ်...

ဒါပေမဲ့မကြာပါဘူး... အဆာငတ်ခံဆန္ဒပြနေတုန်းအစာအိမ်ရောဂါရှိတဲ့ကျမရဲ့ကျန်းမာရေးအခြေအနေကြောင့် အိမ်ပြန်ခဲ့ရပါတယ်... အဲဒီတုန်းကကျမသာကျန်းမာရေးကောင်းခဲ့ရင် နိုင်ငံရေးကိုအဆုံးထိလုပ်ခဲ့မိမယ်ထင်ရဲ့... ဒီလိုနဲ့ဘဲကျောင်းတွေအကြာကြီးပိတ်သွားပါတယ်... ကျောင်းတွေပြန်ဖွင့်တော့လဲအစိုးရိမ်ကြီးလွန်းတဲ့ကျမရဲ့မိဘတွေက စိတ်တူကိုယ်တူကျမရဲ့သူငယ်ချင်းလေးကို မပေါင်းရဘူးလို့အမိန့်ထုတ်ပါတယ်.. ကျမလဲမိဘအရိပ်အောက်မှာမှီခိုနေရတော့မကျေမနပ်နဲ့ဘဲမိဘစကားနားထောင်ခဲ့ရပါတယ်... ဆယ်တန်းနှစ်မှာကျမတို့သူငယ်ချင်းနှစ်ယောက်အတန်းကွဲသွားတဲ့နောက်ပိုင်းသိပ်မတွေ့ဖြစ်တော့ပါဘူး... ဒီလိုနဲ့တခါတလေမှဘဲဆုံဖြစ်ကြပါတော့တယ်... နှစ်တွေအတော်ကြာပြီးမှငယ်ငယ်တုန်းကအကြောင်းတွေ ပြန်တွေးဖြစ်တဲ့အခါ အဲဒီသူငယ်ချင်းလေးကိုအရမ်းသတိရမိပါတယ်... မနှစ်ကFacebook မှာသူငယ်ချင်းဟောင်းတွေပြန်ရှာလို့ရတဲ့အကြောင်းသတင်းရလို့ကျမသူ့နာမည်လေးအကွက်ထဲမှာ ထည့်ပြီးရှာတာမတွေ့ပါဘူး... ဒါပေမဲ့လွန်ခဲ့တဲ့နှစ်လလောက်က friend request တစ်ခုရောက်လို့ဖွင့်ကြည့်မိတော့အဲဒီသူငယ်ချင်းလေး ဖြစ်နေလို့ကျမအရမ်းကိုပျော်သွားပြီး ချက်ချင်းဆက်သွယ်လိုက်တဲ့အခါသူလဲဝမ်းသာအားရနဲ့ ကျမတို့နှစ်ယောက်စကားတွေအကြာကြီးပြောကြပါတယ်...

အခု ကျမတို့နှစ်ယောက် အရင်လိုပြန်ဖြစ်နေပါပြီ... ရီကြမောကြ၊တစ်ယောက်အကြောင်းတစ်ယောက်စပ်စုကြနဲ့ပေါ့.... နှစ်ယောက်စလုံးကခလေးနှစ်ယောက်အမေတွေဖြစ်နေပေမဲ့စကားအတူပြောနေကြတဲ့အခါ ဟိုတုန်းက၁၄၊၅နှစ်အရွယ်လေးတွေလိုဘဲနုပျိုလို့....

ကျမရဲ့Bloggerသူငယ်ချင်းတွေလဲငယ်ငယ်တုန်းကသူငယ်ချင်းတွေနဲ့ပြန်လည်ဆုံဆည်းချင်တဲ့ဆန္ဒရှိခဲ့ရင် Facebook ကနေတဆင့်ရှာကြည့်ကြပါလို့အကြံပေးရင်း Facebook အကြောင်းအခမဲ့ကြော်ငြာလိုက်ပါတယ်ရှင်။

Federerနိုင်ပြီ

မနေ့ညကအိပ်ရာဝင်နောက်ကျတယ်...တင်းနစ်ဖိုင်နယ်ကိုပြီးတဲ့အထိကြည့်ချင်တာကိုး...ခင်ပွန်းသည်ကRoddickကိုအားပေးပြီး ကျမကFedererကိုအားပေးပါတယ်...အရင်ပွဲတွေသူရှုံးတုန်းကငိုတဲ့ပုံကိုသတိရပြီး သူမငိုရပါစေနဲ့လို့ဆုတောင်းပေးနေမိတယ်...ပြီးတော့ပွဲတိုင်းမှာအမြဲလိုက်ပါအားပေးတဲ့သူ့ရဲ့လက်တွဲဖော်လေးကိုလဲပျော်ရွှင်စေချင်တယ်... ကိုယ်ဝန်ကြီးနဲ့ဝမ်းမနည်းစေချင်ဘူး... ဒီပွဲရဲ့ရလာဒ်ဟာသူမွေးလာမဲ့ခလေးလေးအတွက်ဘုရားပေးတဲ့ဆုလေး ဖြစ်စေချင်တယ်... ကျမဆုတောင်းပြည့်ပါတယ်... အားကုန်သုံးပြီးကစားတဲ့Roddickကိုသူနိုင်သွားပါတယ်...

Roddick ကစားတာပိုကောင်းနေပေမဲ့ ပုံမှန်အတိုင်းခံစစ်ကနေကစားသွားးတဲ့ Federer ကနောက်ဆုံး ၃ မိနစ်လေးနဲ့ကပ်ပြီးအနိုင်ရရှိသွားပါတယ်... Roddick အတွက်တော့စိတ်မကောင်းပါဘူး... သူတကယ်ကိုအကောင်းဆုံးကစားသွားခဲ့တာပါ... Tennis မှာပူးတွဲဆုပေးတဲ့အစဉ်အလာသာရှိခဲ့ရင်သိပ်ကောင်းမှာဘဲလို့စဉ်းစားမိတယ်.. ရှုံးတဲ့သူကိုသနားလို့..

အခုတော့Federer တစ်ယောက် မနှစ်ကလက်လွှတ်ခဲ့ရတဲ့ World No 1နေရာကိုပြန်လည်ရရှိသွားခဲ့ပါပြီ... ဒါ့အပြင် Sampras ထက် Grand Slam ဆုတစ်ခုအသာနဲ့ Greatest player အဖြစ် သမိုင်းဝင်သွားခဲ့ပါပြီ.. အနာဂတ်မှာFederer တစ်ယောက် သူချစ်တဲ့ဇနီး၊လာခြင်းကောင်းသောသူ့ရင်သွေးလေးနဲ့အတူအောင်မြင်မှုတွေ ဒိထက်တိုးပြီးရရှိနိုင်ပါစေလို့ ဆုမွန်ကောင်းတောင်းပေးလိုက်ပါတယ်...

ကျောင်းတွေပိတ်တော့မည်

ဒီခလေးလေးနှစ်ယောက်ကကျမသိတ်မြတ်နိုးရတဲ့ကျမရဲ့အဖိုးတန်ရတနာလေးတွေပေါ့....ဘာနဲ့မှကိုမလဲနိုင်ပါဘူးရှင်...သူတို့လေးတွေကြောင့်ကျမရဲ့ဘဝအသက်ရှင်မှုကအဓိပါယ်ရှိနေတာပါ...အပေါ်ကပုံလေးကသူတို့မောင်နှစ်မနှစ်ယောက်အိမ်နောက်ဘက်ခြံထဲမှာဆော့နေတဲ့ပုံပါ...သူတို့နှစ်ယောက်ပျော်နေဖို့ကျမအမြဲကြိုးစားပါတယ်..ကျမငယ်ငယ်တုန်းကတော့ကျမတို့မိဘတွေကကျမတို့ ပျော်အောင်ကြိုးစားအားထုတ်စရာမလိုအပ်ခဲ့ပါဘူး...မောင်နှစ်မခြောက်ယောက်ရှိတဲ့အတွက်အငယ်ကိုအကြီးက တဆင့်စီထိန်းရင်း ကစားနည်းမျိုးစုံမရိုးအောင်ကစားခဲ့ကြတာပါ...ကစားစရာတွေလည်းအထူးတလည်မလိုအပ်ခဲ့ပါဘူး...အစ်ကိုအကြီးဆုံးက တွန်းလှည်းလေးတွေကိုရာဘာဖိနပ်ဟောင်း၊ဝါးလုံး၊သားရေကွင်းတွေနဲ့ တီထွင်တတ်တယ်...အစ်မတစ်ယောက်ကကတ်ထူစာရွက်နဲ့အရုပ်မလေးတွေ အဝတ်တွေလုပ်တတ်တယ်...ကျန်တဲ့အစ်မတစ်ယောက်ကပေါက်ပေါက်ရှာရှာကစားနည်းတွေကိုဦးဆောင်ကစားတတ်ပါတယ်...ကျောင်းပိတ်တဲ့နေ့တွေဆိုကျမတို့ဘယ်တော့မှမပျင်းရပါဘူး...ခုတော့ကျမခလေးတွေလက်ထက်မှာကျမငယ်ငယ်ကလိုမောင်နှစ်မအများကြီးနဲ့မနေရတဲ့အပြင် ဆွေမျိုးတွေနဲ့လဲမတွေ့ရဘဲနိုင်ငံခြားမှာနေ နေရတဲ့အတွက်သူတို့ကိုပျော်အောင်၊သူတို့အရိပ်အခြေကိုတချိန်လုံးစောင့်ကြည့်ပြီး လိုအပ်ချက်မရှိရအောင်အစွမ်းကုန်ကြိုးစားပါတယ်...နောက်ထပ်ခလေးယူဘို့လဲဘယ်လိုမှ မဖြစ်နိုင်ဘူးလေ...စားစရိတ်တတ်နိုင်ပေမဲ့ပညာရေးစရိတ်မတတ်နိုင်လို့ပါ...သူတို့ရဲ့ကျန်းမာရေးကိုလဲအရမ်းဂရုစိုက်ရပါတယ်...ဖုန်းဆက်ခေါ်တိုင်းလာပေးနိုင်တဲ့ ဗီယက်နမ်ဆရာဝန်မတစ်ယောက်နဲ့သိထားလို့တော်သေးရဲ့...ကျောင်းထားတော့လဲစိတ်ထဲတထင့်ထင့်နဲ့ထားရတာပါ...သမီးလေးကိုကျောင်းစ ထားတုန်းကဆိုသားဦးအရူးဆိုတဲ့အတိုင်းကျမမှာအရူးမကြီးလိုပါဘဲ...အတန်းထဲမှာငိုနေတဲ့သမီးလေးကိုအပြင်ကနေချောင်းကြည့်ပြီးအိမ်မပြန်ဘဲထိုင်ငိုနေလို့ ကျောင်းအုပ်ဆရာကြီးနဲ့တခြားအတန်းကဆရာမတွေကျမကို ဝိုင်းချော့ကြရတာကိုသိထားတဲ့ သူငယ်ချင်းတွေဆို ခုထိသတိရတိုင်းပြောပြီးရီနေကြတုန်း...

ကျမလဲအခုမှရှက်ရကောင်းမှန်းသိပြီး သားအလှည့်ကျအဲဒီကျောင်းမှာမထားတော့ပါဘူး..ကျောင်းကကောင်းပါတယ်...ကိုယ့်ဟာကိုယ်ရှက်လို့ပါ..အခုတော့သမီးလေးလဲကျောင်းပျော်၊သားလေးလဲကျောင်းမှာနေသားကျနေပါပြီ...နောက်တပတ်ဆိုခလေးတွေကျောင်းပိတ်ပြီ...နှစ်လလုံးလုံးသူတို့လေးတွေ ကျမမျက်စေ့အောက်မှာဘဲရှိနေမှာမို့ကျမအရမ်းပျော်နေပါတယ်...သူတို့လေးတွေကိုဘယ်နေရာတွေလိုက်ပို့ပေးရမလဲ၊ သူတို့လေးတွေနဲ့ဘယ်လိုဆော့ပေးရမလဲ၊ သူတို့ပျော်အောင်ဘာလုပ်ပေးရမလဲ...စဉ်းစားနေရပါပြီ...သူတို့လေးတွေနဲ့အချိန်ပြည့် နေပေးရတော့မှာမို့ အရင်လိုဘလော့တွေသိပ်မလည်ဖြစ်တော့ရင် ဘလော့မောင်နှစ်မများနားလည်ပေးကြပါနော်...